صحيت من الساعه اربعه يازولا الليله الجامعه نزلتا تحت لقيت البيت كلو نايم امي شكلا جات متاخرا مشيت اتوضيت وقعدتا في المصلايه ادعا وماخليت لي بكا غايتو كل شي علي الله قمتا دخلتا الحمام استحميت وطلعتا الساعه خمسا جات.😟 زول صحا ماف كل يوم يصحو من سته الليله حلفتا مااسوي ليهم الشاي خلي امي تسوي بري انا امبارح ضهري اتكسر😖 احيا لاكين تقلي امي تعابنه مشيت سويتو نان اعمل شنو . وضربتا لي ايمان اها غايتو
الوووووووووووووووو ياعوضيه شنو مالبستي
بسم الله اللهم اني اصبحت اشهدك واشهد حملت عرشك يابت شنو من هسي عمو البواب زاتو تلقي ماصحا يابت هوووي امشي تمي نومتك
واااااي انا حالتي قلتا البس بنمرق متين ياااخ
يابت لي 9 وبنصل 10 عشان المواصلات
واااي يا ايمان تعالي لبسيني ياخ مابعرف بقوم امشي منكشه واحرجك معا صحباتك
😂😂😂مامشكله احرجيني معا صحباتي لاكين الخوف العرسان
😅مامشكله بقول ليهم هنا شكل والبيت شكل تعالو شوفو القمر في مكانو
😂غايتو الله يعرس ليك والله بدعا ليك اكتر من روحي
اي ادعي لي عليك الله اسي اسوي شنو صحيت من اربعه موضوع ماف والله واتسبي فاااااضي الشكيه لي الله
يابت نزلي الفيس
سجمي الفيس دا شنو يايمه
احييييا انتي قديمه كدا مالك احسن ماتنزلي عشان تقولي بعدتك عن الطريق المستقيم
🙄يعنس انتي مافي الطريق المستقيم امسك اعترفتي براااااااك يازولا انتي ماصحبتي من الليله
يابت الناس امشي نومي خلي كلام كتير عارفاك عايزا تتموضعي بي
عليك الله ياايمان اها اضربي فيدو وريني اللبس شنو عليك الله
خلاص احيا استحما واجيك
خلاص امشي نصحي الجماعه ديل يشربو الشاي
نزلتا مشيت اوضه منذر لقيتا خلا اجي الولد دا مشا وين دخلتا اوضه امي صحيتا ومشيت قلت اشوفو في الصالون تلقا مات بي اللعب فتحتا الباب وااااااااااااي معاهو البودقارد نايم واي من نومتو احي انا ياود الناس انت بتجيب لي كفه وبلا ومنذر كراع في السماء وكراع في الارض غايتو النوم زاتو منهم مااتعلمو داك مستكييين في نومتو لاكين منذر مفرفر فرفير قلت بري مابصحيهم يصحو براهم اسي الولد يقول دي مالا
امي قالت لي صاحبو نام معاهو لعبو لي الساعه اتنين قلت ليها مانفعين اصلا بدل استغفرو الله يلعبو غايتو اها ياامي الليله ماشه حوش العرسان بتاع العرس الجماعي
شنووو وين قلتي
بري بري ماشه معا ايمان عزمتني ياامي انتي قلتي لي امشي بنضف البيت دا كلو ببقي عروس الرسول يا امي
امشي يابت بس نضفي البيت عشان كان جانا زول
غسلتا للعده ونضفتا المطبخ وخليت ليك البيت دا يلمع من ساسو لي راسو بس الصالو قلت لي امي بعد اجي من الجامعه ركبتا فوق ضربتا لي ايمان ورتني اللبسه اسكيتري اسود وبولوزه كاروهات ابيض بي اسود وطرحه كبديه وشبط كبدي سرحتا شعرتين حبشيات غايتو ايمان بتترضني الليله بتقول لي كمان جابت ليها حبش الله يعيني الساعه تمنيه جات وموضوع ماف عملتا لي روج خفيف كبدي وكحل خفيف اصلا انا جميله خلقه مابريد الطمبجه الفي الوش دي 😅😂
نزلتا تحت ماسكه اسكيرتيني وماشه في السلم زي العروس اول ماوصلتي نهايه السلم بقيت ازقرد براحه قبضني منذر قال لي البايره ماشا وين تزقرد من الصباح
🙄انت مالك ماشه السما الاحمر ماشي معاي
يابت خلي قلت ادبك اسي والله امنعك انتي مابتعرفي قومتي
بري ياسيد الناس والطعمك اناناس اجي قلت ادب شنو بقلها معاك بري بضحك بس
😂😂😂😅اتهرشتي اها ماشه وين
والله يااخوي ماشه معا ايمان زوجتك المستقبليه
قلتي شنو زوجه منو يابت اتربي هي
بري عازماني انا قلت كدا متين دا ?
خلي قدي من خلقتي من الصباح
وانا ماشه علي الباب بقيت اسوق في صوتي وامايع فيهو اسمعني يامنذر عليكةالله الشاي في التمرسه ومعاهو الكيه في الفرن اشرب وادي معاك الكرميل الجوا دا
😅😅😅😅😅😂😂😂اسمع ليك زول بضك والله فرد جريه توصلت باب ايمان انا غايتو لساني دا بودي الاخره ههههه
بسم الله لقيت اخوي ايمان في وشي انا غايتو الولد دا بفور لي اعصابي والله
السمحه ماشه وين الليله ماعرفتك قاشره كدا والله الزول مابقول جارتنا البايره 😖
يجرك كلب من اضنينك 😡 امشي نادي لي ايمان اختك الوقفه وجعت كرعي
بقيتي لي مزه خلاص اتنازلتا بعرسه يازولا
يعرس ركبيك ياخ ماتمسخا علينا من الصباح
خلاص خشي ليها ياخ قلبي زاتو ماقدر اوقفو من الدق
سجمنا والحرامي هجمنا جابت ليها دق في القلب علمني علمني بدقو كيف والله بعرف ادق الترابيز بس 😂😂😅
امشي عليك الله انتي شافعه لسه
يازول الشافع منو اسي فينا والله انا ارس اجيب عشره لاكين انت واحد ماتبجيبو 😂😂
سبحان الله امشي يابايره عليك الله ولا جداده عشره مره واحد 😯
يا ايمان يا ايمان بقيت اكورك الولد المانصيح دا بخليني اشطع معاهو اقول ليهو كلام اكبر منو 😂😁
مالك اي خلاص جيت اصبري يازولا
امرقي ياخ لامن تطلعي الجنا ظا بمرق جلدي ومصاريني 😂
البوره بورتنا التاريخ بسجل فضل مهمتنا
😂😁
