رواية أزمة عائلية
الفصل التاسع عشر
أذكروا الله❤🌷
____
الساعة الثالثة عصراً في منزل السيد يوسف:
نبض:ماما شو رأيك أعملك فيس يوك، وانستغرام،و واتس أب، تتسلي عليهم
السيدة أصالة:هدول إلي بتقعدي عليهم انت واخواتك، وبتبطلوا تسمعوا وتشوفوا من كتر اندماجكم فيهم😏
نبض:هههههههههه آه
السيدة أصالة:طيب خدي اعمليلي
بعد عدة دقائق:
نبض:ماما هي عملتلك حساب سميته أم زياد
السيدة أصالة:آه، طيب ضفتيلي جارتنا ام سامر الي بالطابق الخامس؟
نبض:آه، ضفتلك كل الجارات
السيدة أصاله: منيح، هاتي أشوف، يييي شو هاي الدائرة الموجودة؟؟
نبض:مش دائرة هاي علامة مراسلة الماسنجر، يعني في حد باعتلك رسالة
السيدة أصالة:آه، هاتي أشوف مين باعتلي، هادي جارتنا أم حمزة، بعتالي اقرأ هذا الدعاء وسوف يذهب عنك الحسد والعين والشر والحاقدين
نبض:بدينا بحكاوي ام حمزة😑
السيدة أصالة: شوفي ع الواتس شو عاملين
نبض:الله يستر، شو عاملين؟؟؟؟
السيدة أصالة: جروب اسمه جروب العمارة، خدي شوفيلي مين عليه
نبض:عليه يا ماما خالتو أم حمزة، وأم سامر، وأم رامي، وأم كريم، وأم حسين، وأم عامر، وأم محمد
السيدة أصالة: أها، منيح بنصير نتحدت عليه ونتسلى
نبض،:مممم،متى هتطبخي، عندهم روحوا من الشغل
السيدة أصالة:كمان شوي، بس أشوفهم شو بكتبوا
في محادثة الواتس أب:
أم كريم: والله يختي يا أم سامر عملت مبارح هالملوخية ، أكلوا اصابعهم وراها من زكاوتها
أم سامر:يعطيكي العافية، أنا عملتلهم ورق عنب
أم عامر:نوووووووور الجروب أم زياد،كيف حالك
السيدة أصالة:بوجودك يختي يا إم عامر، أنا بخير الحمدالله
أم حسين:يا حماعة الخير تعالوا نفتح ڤيديو كول نتكلم كلنا ونشوف بعض
السيدة أصالة:شو هادا الڤيديو كول!!
إم محمد:هادي مكالمة بنشوف بعض فيها
السيدة أصالة:آه ماشي، يلا
بدأت الجارات بفتح مكالمة فيديو و التحدث في مواضيع عامة، بعد ذلك استأذنت السيدة أصالة منهنَّ لتحضر طعام الغداء
انتهت من تجهيز الطعام لزوجها وأولادها ثم وضعت الطعام على الطاولة و ذهبت لتكمل حديثها مع الجارات
جود:ماما من وقت ما عملتيلها مطنشانا
يامن:معلش أول ما الشخص يعمل مواقع التواصل الإجتماعي بكون حابب يضل عليها ويتعلم عليها
ريان:آه على قولتك
__
بعد مدة من الوقت:
نبض:خلصتي حواديت مع الجارات😅
السيدة أصالة:آه، بس والله اشتقتلكم ما حكيت معكم اليوم، هالمواقع بـتخلي الواحد ينسى حاله
زياد: واحنا افتقدناكي❤
السيدة أصالة:الله يخليلي اياكم وما يحرمني من جَمْعِتكم
نبض:يعني فش حواديت مع الجارات بكرة
السيدة أصالة:ههههه شوي، بس مش هـغيب عنكم
"الأم هي قلب الحياة الأبيض الذي لا تغيّر لونه الأيام"
