Sweetest Thing [COMPLETED]

<Joshua> In the Music Room

"This is the place where we've met. I'm happy that this place will also witness this moment."

Faith's POV

Humahangos akong napaupo sa likod ng pintuan ng kwartong napasukan ko. Siguro naman hindi na nila ako susundan pa dito.

Pinagpag ko ang damit ko dahilan para malaglag ang mga piraso ng spaghetti na nakadikit sa damit ko. Amoy spaghetti na ako.

Pangalawang palit ko na ito ng damit ngayong araw na ito. Buti nalang lagi akong may dalang extrang damit. Alam ko naman na araw-araw, iba-ibang bagay ang pwedeng itapon sa akin ni Zandra. Kung bakit ba kasi ako ang lagi niyang trip. Pero sanay na akong mabully. Ano naman ba kasing bago?

Nilibot ko ang paningin ko sa kwartong napasukan ko. May mga musical note na nakadikit sa dingding. Ito siguro yung lumang music room. Mas nagagamit kasi yung bagong music room sa ground floor.

"...Yeah
Sunday morning, rain is falling
Steal some covers, share some skin...." agad akong napalingon sa kung saan. Tama bang may narinig akong kumanta?

Agad naman akong tumayo.

"Clouds are shrouding us in moments unforgettable
You twist to fit the mold that I am in....." sinundan ko ito hanggang sa nakarating ako sa harap ng isang malaking pulang kurtina. Marahan ko itong hinawi. Pero nagulat ako nang wala naman akong nakitang tao. Tanging ang bukas lang na pintuan rito ang nakita ko.

Hindi ko naman ugaling matakot sa multo kaya hinayaan ko nalang. Akmang babalik na ako sa kaninang posisyon ko nang may makita akong bagay sa sahig. Nilapitan ko ito saka pinulot.

"Shua." mahinang basa ko sa salitang nakalagay sa bracelet na hawak ko. Pangalan ba to?

Pumunta ako sa nakabukas na pintuan at umaasang may makikita akong tao pero wala naman.

Muli kong tiningnan ang bracelet na hawak ko.

"Shua."

―--―--―--―

Joshua's POV

"Alam mo? Naiinis na ko jan sa prof natin ah. Halatang paborito tayo. Paboritong utusan." natawa nalang ako sa sinabing iyon ni Dk.

"Hayaan mo na. Bilisan na natin para makabalik tayo agad. Ano nga ulit yung kukunin natin?" tanong ko

"Lutang ka na naman. Yung ukalele saka yung flute." sagot niya

"Ah ok."

Pagpasok namin sa dating Music room ay agad ko nang dinampot yung Ukalele.

"Asan yung flute?" tanong ni Dk.

Habang hinahanap niya yung Flute ay marahan kong ini-strum ang chords ng Ukalele.

"...Yeah
Sunday morning, rain is falling
Steal some covers, share some skin..." napatingin naman si Dk sa akin saka sumayaw-sayaw ng dahan dahan habang iniikot ang paligid para mahanap ang flute. Parang sumabay siya sa tono ng Ukalele saka tinuro ang kinalalagyan ng flute.