Ano nga ba ang batayan ng sobra, kaunti, at sulit?
Bakit may mga argumentong hindi swak pero ginagamit nang paulit-ulit?
Sa salamin tumingin ka, araw-araw iba ang timpla.
Madalas nanlulumo ang mga mata, mas minsan pa sa minsan nakikitaan ng saya
dahil kung hindi ka nagkukulang, malamang ay sumusobra.
Ano ba talaga? Sa'n ka lulugar? Alam mo na ba?
Sa lahat ng aspekto may sasabihin sila. Yung mata mo masyadong malaki. Yung kilay mo masyadong straight. Yung ilong mo, bakit ganyan? Anong nangyari sa balat mo? Yung taste mo sa art and music, hindi pasok sa panahon. Final na yan?
Ang problema ngayon, lahat napapanahon.
Pa'no ang may mga sariling panahon?
Paulit-ulit ang mga sinasabi, hindi nila napansin, napag-iwanan na pala ng panahon.
Tao. Tayo.
Tayo ang nagbigay ng sukatan at timbangan
at tayo rin pala ang magdudusa sa isinulat ng nakaraan.
May kulang ka. May tama ka. May sobra ka.
Kulang-kulang. Tamang tama. Sobra-sobra.
Kung may sinasabi pa rin sila,
bakit?
Kaya nga walang perpekto, 'di ba?
110320
BINABASA MO ANG
Paalala Ng Bakit
No FicciónMga tanong na naman. Ngayon ay bakit. Mabasa man ulit, pagdating ng panahon ay may paalala na ang dating tanong na bakit.
