ডাকৰ বচন::
১/ যি খায় তিনি শিলিখা, তাৰ নামত জম তিলিকা।
২/ আপোন ভালেই জগত ভাল, পু ভালেই বোৱাৰী ভাল, জী ভালেই জোঁৱাই ভাল।
৩/ আপুনি বয়স হৈলে বুদ্ধি হৈব ভাল।
৪/ সু বাট দূৰ গমন, তাক নিদিবা এৰি। বুঢ়ি হলেও বিয়া কৰাবা তেও নানিবা বাঁৰী।
৫/ সাঁপে খাই, বাঘে খাই, জলে পৰি মৰে। নিজ কৰ্ম ফল ভোগে।
৬/ ৰোগ, ঋণ, জুই। এই তিনিকজনক নমৰাকৈ নাথাকিবা শুই।
৭/ বন্ধু আৰু মিতিৰক নিদিবা টকা ধাৰে।
৮/ তিৰিৰ লেনিয়া, বৰষুণৰ কেনিয়া, ঘৰ চাই নকৰে মুধচ। এই তিনিৰে সমান নাই কুন্ধচ।
৯/ পুত্ৰ সন্তান নষ্ট হয় পিতৃৰ দোষত, কন্যা সন্তান উদ্মাদ হয় মাতৃৰ দুখত।
১০/ মাক ভালেই জীয়েক জাতি, ঢেঁকী থোৰাই পাঁজে বাতি।
১১/ মাকে চাই মুখলৈ, ঘৈণীয়ে চাই হাতলৈ।
১২/ ডাকৰ বচন, বেদৰ বাণী। পু লগা তিৰি ঘৰলৈ নানি। তোকো বঞ্চে মোকো বঞ্চে, ভাল ভাল বস্তু পুতেকলৈ সাঁচে।
১৩/ চোৰ গলে বুদ্ধি, বৰষুণ গলে জাপি।
১৪/ যি শাক-শুকলটি দিনত বাচে, সেইঘৰ মানুহৰ লক্ষ্মীমি থাকে।
১৫/ যাৰ খাব-লবৰ মন, হাগুতে আঁজোৰে বন।
১৬/ পনীয়া বাটত নহবা অগা, দুখী কুটুমৰ নহবা লগা, দুষ্টা ভনীৰ নহবা ভাই, ঘনে পুৱতীৰ নহবা জোঁৱাই।
১৭/ তিৰি, মিৰি, ভাটৌ, কোৱা। এই চাৰি জাতিৰ আখৈ নোপোৱা।
১৮/ দিনৰ পৰ্বত, ৰাতিৰ জুই। তাক নেখেদি থাকিবা শুই।
১৯/ যদি মেঘে গাজে আঘোণে, ৰজা যায় মাগণে।
২০/ আহু, আৰৈ, শাকৰ পূৰৈ, মাছ পাতত দিয়া খাই। মৰিলে লগত যায়।
২১/চোৰে নেৰে চোৰৰ পৰকিতি, কুকুৰে নেৰে ছাই। যাৰ যি পৰকিতি মৰিলে লগত যায়।
২২/ এগুণ বোলোতে দুগুণ বোলে, স্বামীৰ শয্যা পাৱে থেলে, স্বামীক ছাড়িয়া নিজে আগে খাই, সেই তিৰিৰ সঞ্জাত নাই।
২৩/ ছাঁতে শুকোৱা মুঠিতে লুকুৱা।
২৪/ ভুকুতে কল নপকে।
২৫/ দুখ কৰিলে মুখ ভৰা।
২৬/ এক তিৰি লোদোৰ পোদোৰ, দুই তিৰি গাঁচৰ হুদু, তিনি তিৰি কপালত হাত, চাৰি তিৰি নাপায় ভাত৷
২৭/ ঘৰ বুঢ়া কৰে চোকে। মানুহ বুঢ়া কৰে গুফে।
২৮/ পেট বেয়া কৰে মূৰি, ঘৰ বেয়া কৰে বুঢ়ী।
২৯/ আৰৈত কৈ উখোৱা খৰ, বাইতকৈ ভিনিৰহে জ্বৰ।
৩০/ বাজিব লাগিছিল টেমি কটাৰী, বাজিছে পখটং।
বিঃদ্ৰঃ- অনুগ্ৰহ কৰি ভুল শুধৰাই কমেণ্ট যোগে জনাই যেন৷ লগতে Vote&share কৰে যেন৷
YOU ARE READING
জীৱনলৈ বাণী --- A tale told by an idiot -
RandomIts a collection of assamese short quotes. Speak generation to generation. ডাকৰবচন, নীতিবচন, বেদবচন, ফকৰা- যোজনা ইত্যাদি কিবাকিবি
