قصة : { #قلبي_سامح_قسوتك } 🥀🧡
الحلقة الخامسة { ٥ } 🔥
( يذيد عياطها )
ذياد : بس طيب بطلي عياط !!
( تقرب بوسي تطبطب عليها )
بوسي : خلاص ي زوزة ، تعالي نطلع فوق
( تروح معاها يطلعه اوضتها )
بوسي : اهدي كدة وصلي ع النبي
زينة : عليه الصلاة والسلام 😔
بوسي ب شك : انتي متأكدة إنك زعلانة عشان افتكرتي تيتة ؟!
( تبصلها زينة )
بوسي : احكيلي في ايه ي زينة ؟!
زينة ودموعها بتنزل : مفيش حاجة ي بوسي ، زي م قلت افتكرت تيتة بس ، وحشتني 😥
بوسي وهي بتطب عليها : الله يرحمها ي قلبي
( تانى يوم ، زينة مبتطلعش م البيت ، ذياد ف الشركة ف مكتبه ، يدخل رامي )
رامى : سلامو عليكم 🚶🏻♂️
ذياد : وعليكم السلام
( يقعد رامي )
ذياد ب استغراب : جاي بدري يعني انهاردة !!
رامى : كنت عاوز منك طلب وتوافق عليه
ذياد : اايه الداخلة دي ، مش لما اعرفه الأول !
رامى : اختك زينة
ذياد : مالها ؟!
رامى : انا عاوز اطلب ايدها منك
ذياد : لا والله !
رامى : والله ، قلت ايه ، موافق ولا لأ ؟
ذياد : ي بني موافق طبعاً ، هو انا هلاقيلها حد احسن منك ، دة انت اخويا 😃
رامى : تمام هجيلكوا انهاردة
ذياد ب استغراب : انهاردة !
رامى : اه
ذياد : طب استنى حتى اخد رأيها ، في ايه ي عم حامي علينا ليه كدة !
رامي : لا والله عادي ، قولها اكيد ، بس اظن هتوافق يعني
ذياد ب فهم : ااااه ، دة انتوا مظبطين كل حاجة بقا !
رامي ب احراج : لا ي عم متفهمنيش غلط ، انا بتوقع بس 😅
ذياد : ماشي ي سيدي اتوقع
رامي : تقولها انهاردة وتقول ل ابوك
ذياد ب استغراب : م قلنا بالراحة ، انت مستعجل كده ليه بجد ؟!
رامي : ي اخي عايز اتجوز بقا 🙄
ذياد : هههههه ماشي ، وانا مروح هحود ع البيت اتكلم معاهم
رامي : اوك ، هستناك ترد عليا اي وقت
ذياد : ماشي
( ييجي الليل ، زينة قاعدة ف اوضتها بتكلم رويدا ف الفون )
زينة : فين المشاكل الي انا بعملها ي رويدا ، هو الي مش سايبني ف حالي 😟
رويدا : بس طارق دة طلع حقير اوي ، يعني استنجدتي بيه وضير وشه منك معقول !!
زينة : اه والله العظيم ، لولا رامي كان زمان الله اعلم حصل فيا ايه ، استني في حد باعتلي ماسدچ ، اقفلي لحظة
رويدا : اوك
( تقفل زينة وتفتح الماسدچ ، تتخض )
زينة ب صدمة : ايه دة 😨
( تلاقي الماسدچ مليانة صور ليها مع طارق من ساعة م عرفته قريبين من بعض ولما كانت ف بيته يوم م راحه بعد المطعم )
زينة ب خضة : ينهار اسود 😱
( يرن فونها )
زينة : الو
رامي : ايه ي قلبي
زينة : انت الي بعت الصور دي صح ؟
رامي : اه انا 😊
زينة ب خوف : جبت الصور دي منين واتصورت امتي اصلاً ؟!
رامي : البركة ف طروقة 💁🏻♂️
زينة ب انفعال : انت عاوز مني ايه بقا ، سيبني ف حالييييي 😧
رامي : عاوز اتجوزك
زينة ب صدمة : تتجوزني 😳
رامي : انا طلبتك من اخوكي انهادة ، وبما إننا صحاب ف هو موافق ، بس قال لازم ياخد رأيك ، وهو مروح دلوقتي وهيفاتحك ف الموضوع ، ولو فكرتي إنك ترفضي الصور الي وصلتلك دي هتوصل ل عيلتك كلها ، وع الفيس بتاعك ولكل صحابك ول جروب الكلية كمان والأنستجرام ، وكل الأبلكيشنات الي تخصك ، وفضيحتك من بكرة هتبقا ب جلاجل ، وشخاليل 🙂
زينة ودموعها بتنزل : انت ايه ي اخي ، انت شيطان 😥
رامي : هو الشياطين بس الي بيتجوزه ؟
زينة : ربنا ياخدك ، منك لله 💔
رامي : تسلميلي ي عروستي
زينة : انت مبتحبنيش ، انت لو بتحبني مش هتعمل فيا كل دة !
رامي : انا قلت كنت بحبك ، كنت ، اما حالياً مبكرهش حد ف حياتي قدك ☝️
زينه : يبقا تتصل ب ذياد تقوله إنك غيرت رأيك
رامي : انا مش تحت امرك ع فكرة ، وخلاص طلبتك منه وقريب هتجوزك ، ولو قلتي لأ انتي عارفه انا هعمل ايه ، خاصتاً بقا الصور الي فيها البوسة
( تتخض زينة )
رامي : مكنتش متفق معاه ع كدة ، بس اتحاسب عليها ، طلعتي رخيصة اوي 🙂
( تنزل دموع زينة ، يخبط باب الأوضة ، تقفل زينة الفون بسرعه وتمسح دموعها )
زينة : ادخل
( يدخل اخوها ، تتخض )
ذياد : ازيك ي زوزه ؟
زينه : الحمدلله !
ذياد وهو بيقعد قصادها : كنت عاوزك ف موضوع كده
زينة : اه 😐
ذياد : انتي عارفه رامي صاحبي صح ؟
زينة : اه !
ذياد : كلمني انهاردة إنه عاوز يتقدملك وكده ، ف انتي ايه رأيك فيه ؟
زينة : الي انت شايفه
ذياد : انا شايف إنه مناسب ليكي ، هو شاب كويس ومن عيلة كبيرة ومحترم
زينة : خلاص الي تشوفه
ذياد ب فهم : واضح إنك ميالة للموضوع ، ف انا مش هطول عليكي وهروح اكلم بابا
زينة : اوك
( يمشي ذياد ، تنزل دموع زينة الي حبساها وتقعد تعيط ، يتكلم ذياد مع بباها ويوافق ويحدده ميعاد ييجي فيه رامي واهله ، ف بيت رامي ، ڤيلا كبيرة ، رامي قاعد مع بباه )
الاب : طب هي بنت كويسة يعني ؟
رامي : اه ، تبقا اخت ذياد
الاب : لا بجد 😃
رامي : اها
الاب : طب والله كويس ، دة شاب محترم واكيد اخته زيه ، شوف عاوز تروحلهم امتى
رامي : بكرة
الاب ب استغراب : بكرة ! انت مستعجل ليه كده ؟!
رامي : لا عادي ، بس عشان يبقا كل حاجه رسمي ، عشان هقرا فاتحه ومش هعمل خطوبة ، جواز ع طول ، عاوز استقر بقا
الاب : خلاص الي فيه الخير يقدمه ربنا
رامي : ب اذن الله
( تاني يوم ، يروح رامي يتقدم ل زينة وبباها يوافق ويتفقه إنها هتكمل دراسة بعد الجواز وزينة متقدرش تعترض ع اي حاجة تتقال ، قبل الفرح ب اسبوع ، زينه ف اوضتها بتلم هدومها وبتظبط حاجاتها )
زينة ل نفسها : انتي مخضوضه وزعلانة ليه ، دة كل البنات هتموت عليه وف الأخر بقا ليكي انتي ، هههههه يلهوي ع فرسة البنات مني يوم الفرح ، واهو بالمرة افرس طارق الحيوان عشان يعرف إنه بعد م سابني اهو هتجوز الي احسن منه ميت مرة ، كأنه كان كبري مش اكتر ، لا وكمان صاحبه ههههههه ، اتجننتي بتكلمي نفسك !!
( تقعد زينة ع السرير )
زينة : طلع بيحبني ، م كلهم حبوني ، مسيطره طول عمري هههههه 🤭
( تدخل رويدا )
رويدا : بتضحكي ع ايه ي هبلة انتي ؟!
زينة : ع الخيبة الي انا فيها ، تعالي 🙄
( تقعد جنبها )
رويدا : ظبطي حاجتك ؟
زينة : اه بلم اهو ، والمحل قال هيبعت باقي الهدوم ع البيت
رويدا : اوك خلصي ونخرج نحتفل ب اخر اسبوع ليكي قبل الجواز ، اتفقت مع البنات هيقابلونا
زينة : اشطا ، قومي بقا ساعديني عشان ننجز
رويدا وهي بتقوم : طااايب 🚶🏻♀️
( تدق الساعة تمانية العشا ، تروح زينة تقعد ف مطعم مع صحابها ، يرن فونها )
زينة : الو
رامي : ايه الي خرجك من غير م تقوليلي ؟!
زينة وهي بتقوم : عادي مجاش ف بالي ، وبعدين اقولك ب صفتك ايه يعني ؟
رامي : بصفتي هبقا جوزك
زينة وهي بتبعد عن الترابيزة : خلاص ابقا حاسبني لما تبقا 🙄
رامي : ماشي ي زينة ، يلا اطلعي عشان اروحك
زينة ب استغراب : انت برة ؟!
رامي : ايوة
زينة ب غيظ : دة انت مراقبني بقا !!
رامي : اخلصي يلا
( يقفل رامي ، تطنش زينة ومتطلعش وترجع تقعد مع صحابها ، بعد ربع ساعة ، رامي ف عربيته ، يبص ل الساعة ، يجيب اخره ينزل م العربية يدخل المطعم )
سما وهي بتبص ل رامي ب اعجاب : ي خراشي ع المززز الي داخل دة 😍
رويدا : دة خطيب زينة ع فكره
سما : لا والله !!
( تتخض زينة وتبص وراها تلاقي رامي مقرب عليهم ، يسحب كرسي من ع ترابيزه تانية ويقعد وسطيهم جنب زينة )
رامي : هاي 😊
البنات : هااااي 😍
سما : مبروك
داليا : مبروك
هدير : مبروك
رامي : ميرسي عقبالكم 🙂
( يبص ل رويدا ، تضير وشها )
رامي : لسة قافشه مني ، انا اسف
رويدا : حصل خير ومبروك 😒
رامي : لا مش من قلبك ، شكل صاحبتك لسة زعلانة مني ، قوليلها متزعلش ي زوزة 💁🏻♂
رويدا : لا والله مفيش حاجة
رامي ل زينة : زوزه !
( تبصله زينة ، يمسك ايدها ، تتخض )
رامي ب اهتمام : مالك ي قلبي انتي تعبانة 😕
زينة : لأ ، كويسة 😐
رامي : اتعشيته ولا لسة ؟
رويدا : لا لسة ، كنا هنطلب
سما : اتعشا معانا بقا
رامي : اشطا انا عازمكم
( ينده الجرسون ويطلب العشا ويقعد يتعشي معاهم ومقضيها هزار وضحك مع البنات )
رامي : الشيك لو سمحت
( يحاسبه الجرسون ، يقوم يقف ويمسك ايد زينة )
رامي : حبيبي هستناكي برة اوك
زينة : اوك
( يبوس ايدها ، تتحرج ووشها يقلب الوان ، يمشي رامي )
سما ب اعجاب : خطيبك دة عسل 😍
( تتنهد زينة ب ضيق )
رويدا : م تقومي ي بنتي قالك مستنيكي !!
زينة ب زهق : طيب 🙄
( تقوم زينة تطلع تركب مع رامي ويمشوا )
رامى : عندك كلية بكرة ؟
زينة : اكيد
رامى : اوك من بكرة تجبيلي جدول محاضراتك
زينة ب استغراب : ليه إن شاء الله ؟!
رامى وهو بيبصلها : من غير ليه 💁🏻♂
زينة ب تنهيدة : طيب 🙄
رامى : اعدي عليكي بكرة اوصلك ؟
زينة : مفيش داعي ، السواق بيوديني
رامى : اوك ، احنا رايحين البحر انا وصحابي بكرة ، تعالي معانا
زينة : ماشي ، هقول ل ذياد 😒
رامى : سيبيهولي انا هقوله
زينة : اوك
( يوصله قدام البيت ، تدخل زينة من سكات ويمشي رامي ، يعدي الوقت ، يتصل رامي ب ذياد يقوله ع الخروجة وذياد يوافق ، تاني يوم ، الساعة ١٢ الضهر ، زينة تجهز ورامي ييجي ياخدها ويمشوا ، ف الطريق )
زينة : هو مين الي جاي معانا ؟
رامى : شوية من صحابي
زينة : يعني شباب ؟
رامى : شباب وبنات
زينة : انت لسة مصاحب بنات ؟!
رامى : عندك مانع ؟
زينة ب غيظ : لأ 😐
رامى : هاتي موبايلك
زينة ب استغراب : ليه ؟!
رامى ب اصرار : هاتي الموبايل 👋
( تديهوله ، يقعد يقلب فيه بيدور ع حاجة معينة الي هي رقم طارق وميلاقيهوش )
رامى : مين اسر ؟
زينة : ابن عمتي
رامى : اها ، ومحمد ؟
زينة : محمد مين ؟
رامى : انا الي بسألك
زينة : ايوة يعني مكتوب محمد ايه ؟
رامى : محمد طاهر
زينة : دة ابن خالي ، وباقي المحمدات صحابي ف الكلية
رامى : من بعد انهاردة مفيش حاجة اسمها صحابي ف الكلية
