{Unicode }
အကြီးအကဲ ဟန်အား ပို့ဆောင်ခြင်း
စကားပြီးဆုံးအောင် မပြောရသေးခင်မှာပဲ တံခါးခေါက်သံ ကြားလိုက်ရသည်။ စကားပြောသူကတော့ ဝူကျွင်းဟွေ့ပင်။
"ရှောင်လီ.. အဘိုး မူးလဲသွားတယ် ထွက်လာပြီး လာကြည့်ပါအုံး"
ထိုစကားအားကြားတော့ ဟန်ဟောင်ယွမ် ကုတင်မှအလျင်အမြန်မတ်တပ်ရပ်လိုက်သည်။ ထွက်သွားချင်သော်လည်း ရပ်တန့်လိုက်ကာ သူ့အနောက်မှ ကျောက်ကျင်းလွေ့ဘက်သို့ ပြန်လှည့်ကာ
"အကိုကျင်းလွေ့.. ကျွန်တော် အကို့ကို အကူအညီတစ်ခု တောင်းစရာရိှတယ်"
"ပြောပါ!" ကိုယ်အကောင်းဆုံးကြိုးစားပြီးကူညီပေးမယ်
ဟန်ဟောင်ယွမ်က သတိရိှစွာဖြင့် ကျင်းလွေ့၏ နားသို့ကပ်ကာ စကားတစ်ချို့အားပြောသည်။ကျင်းလွေ့လည်း ခေါင်းညိတ်ပြပြီး သူတို့နှစ်ယောက်အုမန် ထွက်လာကြသည်။
သခင်ကြီးဟန် အိပ်ခန်း၌
ဟန်ဟောင်ယွွမ်သည် နွမ်းလျသော လက်တို့ကို ဆုပ်ကိုင်ထားရင်း အဘိုးအိုအားပြောသည်။
"အဘိုး.. ကျွန်တော့်ကို တစ်ယောက်တည်းထားမသွားပါနဲ့"
ဟန်ဟောင်ယွမ်ရဲ့ ဝမ်းနည်းသောမျက်နှာကိုမြင်တော့ ဝူကျွင်းဟွေ့ သူ့ဆီသို့ လာကာ လက်တို့အားဆန့်ထုတ်၍ ဟန်ဟောင်ယွမ်အား ဖက်ထားရန်ပြင်သော်လည်း ဟောင်ယွမ်က သူ့အား ရှောင်တိမ်းလိုက်သည်။
"အကိုကျင်းလွေ့.. သဘောတူညီချက် တစ်ချို့ကို လုပ်ထားလိုက်ပါ.. ကောင်းကောင်းအနားယူနိုင်ဖို့ အဘိုးကို Hengwen မိသားစုရဲ့ ပုဂ္ဂလိက ဆေးရုံကို ပို့မယ်"
ဟန်ဟောင်ယွမ်စကားကြားတော့ ဝူကျွင်းဟွေ့ စိုးရိမ်လာကာ အလျင်အမြန်ဖြင့်
"အသေးလေး.. ပုဂ္ဂလိက ဆေးရုံတွေက ပြဿနာများတယ် ကျောင်းရှန် ကိုပို့တာ ပိုကောင်းမယ်"
ဟန်ဟောင်ယွမ် သူ့အား စိုက်ကြည့်ကာ
"ကျောင်းရှန် ဆေးရုံက လူအရမ်းများတယ်.. ငါ စိတ်မပူချင်ဘူး"
ဝူကျွင်းဟွေ့ သူ့နှလုံးသားထဲတွင် ရိုက်နှက်ခြင်းခံလိုက်ရသည်။ အခုလေးတင် ဟန်ဟောင်ယွမ်သည် သူ့အား တစ်စုံတစ်ခုအား သိနေသည်ကို ရိပ်မိသည့်ပုံစံဖြင့် ကြည့်လိုက်သည်။
YOU ARE READING
Rebirth;Han Strikes Back(ဟန် ပြန်လည်သိမ်းပိုက်ခြင်း)
AventuraRebirth ကြိုက်သူတွေအတွက် သူငယ်ချင်းနဲ့ ချစ်သူက သစ္စာဖောက်ပြီး သတ်ပစ်တာကိုခံလိုက်ရတဲ့ ဟန်ဟောက်ယွမ်၊ သူ့ကို အရင်ကတည်းက တစ်ဖက်သတ်ချစ်ခဲ့တဲ့ ကျောက်ကျင်းလွေ့ လွန်ခဲ့တဲ့ ၂နှစ်ကိုသာ ပြန်ရောက်သွားရင် သူ့ကံကြမ္မာကို သူပြင်နိုင်မလား.. သူ့မိဘတွေ သေဆုံးရခြင်းရ...
