Rebirth;Han Strikes Back(ဟန် ပြန်လည်သိမ်းပိုက်ခြင်း)

Chapter-2(ကျောင်းကျင့်ဟွေး နာကျင်ခြင်း)

{Unicode}

ကျောက်ကျင်းလွေ့ နာကျင်ခြင်း

ဟန်ဟောက်ယွမ် သတိပြန်လည်လာသည့်အချိန်တွင် သူ့ကိုယ်သူ လေထဲတွင် လွင့်မျောနေကြောင်း သတိထားလိုက်မိပြီး ပတ်ဝန်းကျင်သည် သူမသေဆုံးခင်ကရိှနေခဲ့သည့် နေရာနှင့် တစ်ပုံစံတည်းပင်။

သူ့ကို သစ္စာဖောက်ခဲ့သော လူနှစ်ယောက်သည် အိိတ်တစ်ခုထဲသို့ အလောင်းကောင်အား ထည့်နေကြသည်။ လူသတ်သမားများဖြစ်သော ထိုသူတို့နှစ်ယောက်လုံးသည် သာမန်လူများကဲ့သို့ပင် မျက်နှာက အေးဆေးတည်ငြိမ်နေသည်။

ဟန်ဟောက်ယွမ် အမြန်ပြေးကာတားဆီးရန်ကြိုးစားသော္လည်း သူတို့နှစ်ယောက်လုံး၏ ခန္ဓာကိုယ်များသည် မှုန်ဝါးနေသော အရာများကဲ့သို့ဖြစ်နေကာ သူတို့ခန္ဓာကိုယ်အား တကြိမ်တည်းဖြင့် ဖြတ်သွားနိုင်သည်

အကြိမ်ပေါင်းများစွာကြိုးစားသော်လည်း ဟန်းဟောင်ယွမ် သူတို့နှစ်ဉီး၏ အပေါ်တွင်သာ လွင့်မျော၍ သူတို့အား ဒေါသထွက်သောအကြည့်ဖြင့်သာ စိုက်ကြည့်နိုင်တော့သည္။

လင်းဝမ်ရှန်က ကြောက်စိတ်အား ဖိနှိပ်ကာ ဝူကျွင်းဟွေ့အာ မေးလိုက်သည်။
"ဟွေ့.. ငါတို့ အခုဘာဆက်လုပ်ကြမလဲ?"

ကျွင်းဟွေ့က သူ့ခါးအား ဖက်လိုက်ကာ နှစ်သိမ့်လိုက်သည္။
"မကြောက်ပါနဲ့.. ကုမ္ပဏီက လူတွေ ရုံးဆင်းတဲ့အခါကျမှ သူ့ကို ခေါ်ထုတ်ပြီး အလောင္းကို ပင်လယ်ထဲ မျောလိုက်မယ်"

ယုတ်မာသည့်အကြံအစည်အားကြားတော့ ဟန်ဟောက်ယွမ် တစ်ခုခုလုပ်ပစ်ချင်သည် သို့သော်လည်း သူမလုပ်နိုင်ခဲ့ပေ။

ဝူကျွင်းဟွေ့နဲ့ လင်းဝမ်ရှန်တို့ ည၁၂နာရီမတိုင်ခင်အထိ ရုံးခန်းထဲတွင်သာ ရိှနေကြပြီး ဝန်ထမ်းများ ရုံးဆင်းချိန်တွင် အလောင်းအား ကားပါကင်သို့ သယ်လာကြသည်

သူ့ရဲ့ ခန္ဓာကိုယ်အား ရှေ့သို့ ရွေ့လိုက်တိုင်း သူ့ဝိဉာဉ်သည်လည်း ရွေ့လျားရန်အတွက် တွန်းအားပေးခြင်းခံရကြောင်း သတိထားမိပြီး ထိုအရာမှ လွန်မြောက်နိုင်စွမ်းမရိှပေ။

သူ ဝိဉာဉ်တစ်ကောင်ဖြစ်လာသည်ဟု သူ့ကိုယ်သူ ထင်မိသည်။ ဒါ့ကြောင့်လည်း သူ့ခန္ဓာကိုယ်အပါးမှ ထွက်မသွားနိုင်ခြင်းဖြစ်သည်