قصة : { #امان } 💚🌎
الحلقة الثالثة { ٣ } 🍃
شامى ب استغراب : خايفة عليه ولا ايه ؟!
روزى ب خوف : لا مش خايفة ع حد بس انا مش شايفة إن في لازمة للي انت بتعمله دة ، ياريت نمشي 😟
شامى : لا مهي طلبت معايا بقا اضرب حد انهاردة 🤷🏻♂
روزى : انت مش هتبطل تصرفات العيال دي !!
( يتعصب شامي ويتحرج وسط الكل ، وفجأة ، يضرب روزي بالقلم )
روزى ب وجع : اااه 😦
( محدش يتحرك من مكانه ولا يتكلم مع شامى ، امان يتخض ويتضايق ، يقرب ع شامي ويضربه بوكس ف وشه ، يتخض الكل وصحاب شامي يبعده امان عنه ويضربوه ويوقعوه ف الأرض ويروح شامي يكمل عليه مع صحابه )
روزى ب خضة : حرام عليك سيبه خلااااص 😨
( روزي عمالة تعيط صعبان عليها امان ، شامي وصحابه يخلصه ضرب ف امان ويركبه عربياتهم )
شامى ل روزي : اركبي 👈
( روزى باصة ل امان وعمالة تعيط )
شامى ب زعيق : اركبيييييي 😡👋
( تخاف روزي من شامي وتركب العربية ويمشوا ، امان ف الأرض متعور فوق عنيه ، يقوموه شباب بعد اما شامي وصحابه مشيوا ، يقوم امان يركب ويوصل شارعهم ، يعدي من قدام ورشة بباه ، ينده عليه بباه )
الاب : امان !
( يروح امان عند ابوه )
امان : ايه ي حج 😊
الاب ب قلق : مال وشك ، ايه الي عمل فيك كدة ؟!
امان : وقعت م الأتوبيس 🤸
الاب ب عدم اقتناع : وحيات امك !
امان : مش مصدقني ي حج ولا ايه ؟
الاب : لا طبعاً 🤷🏻♂
امان وهو بيمشي : مشكلتك بقا انا هروح 🚶🏻♂️
الاب ب زعيق : خد هنا يلاااا 😠
امان وهو بيقف ب تنهيدة : نعم 😑
الاب : انا مش قلتلك ميت مرة متركبهوش ؟
امان : الي حصل بقا 🙄
الاب : طب روح حط ع التعويرة دي حاجة امشي
امان : طيب ، خمسة وراجعلك
الاب : لا مترجعليش خليك ف مذاكرتك
امان : طب ماشي هبقا ارجعلك
الاب : ي بني انت بتفهم منين ب وشك دة 🤷🏻♂
امان : يعني اسيبك لوحدك ف الشغل !!
الاب : اديني بتسلى وزمان علي جاي ، انا معرفش الولا دة بقاله اكتر من ٣ ايام مبيجيش ، انا غلطان إني وافقت اشغله اصلاً م الأول !
امان : م قولتلك دة عيل غلبان ومحتاج كل قرش
الاب : ي بني الغلبان الي محتاج كل قرش بيجري ع اكل عيشه مش ليل نهار متسرمح ف الشارع ولما يجيله مزاجه ييجي ينكشلي ف اي عربية ويمشي 🤷🏻♂
امان : معلش استحمله شوية
الاب : انا مستحمله عشان صاحبك مش اكتر ، بس فهمه إن انا لو قفلت من ناحيته مش هخليه يعتبها تاني ☝
امان : معلش عشان خاطري وانا هكلمه
الاب : ماشي ، يلا ع البيت وقول ل امك تجيبلي الغدا عصافير بطني بتصوصو 🐥
امان : حاضر
( يمشي امان يطلع البيت ، تقابله عزيزة ع السلم )
عزيزة ب صوت عالي : ينهار اسود ومنيل 😱
امان ب خضة : شششششش الله يخربيتك 😨
عزيزة : ان ..........
امان وهو بيحط ايده ع بؤها : اسكتي بالله عليكي متفضحنيش 😬
( يطلع راجل ع السلم يشوف امان وهو كاتم بؤها وقريب منها اوي )
........ ب ضيق : استغفر الله العظيم يارب توب علينا يارب 🤷🏻♂️
( يشيل امان ايده من ع بؤها بسرعة )
امان : عاجبك كدة 😐
عزيزة ب قلق : ايه الي عمل فيك كدة ؟!
امان : وقعت ، وقعت م الأتوبيس
عزيزة : لا دي مش واقعة اتوبيس انت مضروب !
امان : يخربيت فقرك اسكتييي !
عزيزة ب صوت عالي : اسكت ايه وشك متعواااار 🤷
امان : عارف والله عشان دة وشي بلاش تسييح بقاااا !
عزيزة وهي بتشده من دراعه : تعالى طيب 👋
( تدخله شقتهم وتزقه ع الكنبة )
امان ب خضة : في ايه ي بنت المجنونة 😳
عزيزة : اقعد بس
امان : رايحة فين ابوكي فين ؟!
عزيزة : محدش هنا هروح اجيبلك حاجة للجرح دة امك لو شافتك كدة هيغمى عليها 🤷🏻♀️
( تمشي عزيزة ، امان قاعد عمال يبص يمين وشمال ، تيجي عزيزة معاها قطن وبيتادين تغير ل امان ع التعويرة )
امان ب وجع : ااااه بالراحة وشي دة 😑
عزيزة : احكيلي الي حصل بالتفصيل
( يحكيلها )
عزيزة ب فهم : اااه هي الحكاية فيها بنات 😏
امان ب حزن : مشفتهوش وهو بيضربها بالقلم ، ضربته وجعتني انا وربنا 😟
عزيزة : ي كبدي كان يتشل ف ايده المفتري دة !!
امان : بس مشيت معاه بعدها ولا كأن حصل حاجة ، يلهوى نسيت اقول ل أمي تنزل الغدا ل ابويا وسعي دة هينفخني 🤦
عزيزة : ع مهلك طيب !
( يجري امان ع فوق ، روزي مع شامي ف العربية )
شامى : مسحتي الرقم ؟
روزى : لأ ومش همسحه
شامى : نعم ، يعني ايه ؟!
روزى ب انفعال : يعني زي م سمعت كدة ي شامي ، وع فكرة انا مش هسمحلك تمد ايدك عليا تاني وتقلل من كرامتي قدام الناس ، انا كل مرة بعديهالك بس كفاية بقا لحد كدة ، من بعد انهاردة ملكش دعوة بيا تاني ي شامي ، ماشي ☝
( لسة هتفتح باب العربية ، يمسكها شامي من رقبتها من ورا )
روزي ب خضة ووجع : اااه !!
شامي : دة من امتى الكلام دة !!
روزى ب خوف : سيبني ي شامي 😦
شامى ب زعيق : مش انا الي اتساب وعشان الجربوع دة ، مش بالسهولة دى 😡
روزى ودموعها بتنزل : مش عشان حد انا كرهتك بقا سيبني 😥
شامى : ظهر كرهك دلوقتي لما شوفتيه ، ايه الي عاجبك فيه عاوز اعرف لحق يعلقك من اول يوم كدة الباشا !!
روزى : لو فيه حاجة ذيادة عنك ف هو ع الأقل باين راجل مش عيل كل م يشبط ف حاجة لازم ياخدها وإلا يرجع للبيت يشتكي ل اخوه عشان يجيبلهاله بالعافية والغصب 💁🏻♀
( شامي يتعصب ويضربها ب القلم دماغها تخبط ف العربية )
روزى ب صريخ ووجع : اااه !!
( تمسك روزي دماغها وتبتدي تعيط )
شامى ب ندم وهو بيشدها عليه : انا اسف 😐👋
( تزقه روزي تبعد عنه وتنزل م العربية ، تاخد تاكسي وتوصل قدام البيت ، تنزل وتدخل ، اختها قاعدة تشوفها وهي داخلة بتعيط ، تجري روزي ع اوضتها وتقعد تعيط ، تطلعلها اختها )
كارمن ب قلق : في ايه مالك ؟!
روزى : ماليش 😔
كارمن : انتي متخانقة مع شامي ولا ايه ؟!
( تترمي ف حضنها وتعيط وتحكيلها ع الي حصل ، امان قاعد ع السطح بيذاكر ، يرن فونه )
امان : الو
نادية : ايوة ي امان متقفلش السكة والنبي
امان ب تنهيدة : عاوزة ايه ي نادية ؟!
نادية : عايزة اتأسفلك 😟
امان : مش محتاج اسفك دة 😒
نادية : يعنى انت خلاص بعت كل الي بينا كدة ؟!
امان : انتي الي بعتيني وبرخص التراب ، مستنية ايه مني ؟!
نادية : محصلش انا ...ط........
امان : انا مكملش مع واحدة شيفاني قليل ف نظرها ومش عاجبها !
نادية : لا طبعاً عاجبني ، انا كان قصدي العيشة ي امان ، انت ع قد حالك وانا كمان زيك مش هقدر اطلع من فقر ل فقر 🤦🏻♀
امان : قلتلك هعمل الي اقدر عليه عشان مخلكيش محتاجة حاجة بس انتي مصبرتيش ، وانا برضو مغصبتكيش براحتك ، شوفيلك بقا الي يقدر البيعة كويس 🤷🏻♂️
نادية : بس انا عندي حق انا بقولك اشتغل ي امان !
امان : بشتغل وبدرس هعمل ايه تاني ؟!
نادية : مش مع ابوك ميكانيكي !
امان : وماله الميكانيكي إن شاء الله ؟
نادية : ملهوش بس شوفلك شغلانة تانية برة تكون شيك عن كدة ، انا مش عاوزة يتقال عليا مرات الميكانيكي ، ولا ف الأخر اتجوز ف اوضة ع السطوح ، مقدرش اعيش ف القرف دة صراحة 🤷🏻♀
امان ب ضيق : انتي بتعايريني ب حال اهلي ولا ايه ؟!
