قصة : { #أمان } 💚🌎
الحلقة الأولى { ١ } 🍃
( جوة منطقة شعبية ، يجري عيل صغير ويقف قدام ورشة ميكانيكى )
بيزو ب صوت عالي : ي امان ي ايمووو ، ي امااااااااان
( يطلع شاب من تحت العربية وشه مليات هباب )
امان ب خضة : ايه البيت وقع ولا ايه 😮
*( ملحوظة .. امان شاب وسيم ، بشرته بيضة ، عيونه عسلي ، شعره بني ، ملامحه صغيرة ومحندقة ، مهتم ب نفسه جداً الي يشوفه يقول حالته المادية كويسة ع الرغم إنه عكس كدة تماماً ، عنده ٢١ سنة ف تالتة كلية هندسة ، ليه اخت وحيدة عندها ١٦ سنة اسمها ندى ، حالتهم المادية بسيطة ، بباه عنده ورشة ميكانيكا وهو بيشتغل معاه ، امان جاتله السنة دى منحة ل جامعة خاصة بسبب تفوقه ف الدراسة )*
بيزو : لا امك بتقولك اتأخرت ع الكلية الساعة تسعة
امان ب خضة : ينهار ابيض تسعة 😨
( يقوم امان يجري )
بيزو : استناااا 😃
امان وهو بيقف : عايز ايه ؟
بيزو : هات عشة جنية 😁👋
امان وهو بيزقه ف وشه : امشي ياض خلى امك تحميك ناقصة تسول ع الصبح 🙄
( يلف امان يخبط ف بنت ماسكة عيش يقع منها )
عزيزة : م بالراحة ي باشمهندس مستعجل كدة ليه !
امان : معلش ي زوزة !
( ينزل يلملها العيش بسرعة ويديهولها )
امان : امسكى
( لسة هيمشي ............. )
عزيزة : تعالى هنا رايح فين ؟
امان : معييش فكة ومستعجل 🤦
عزيزة : فكة ايه اسم الله عليك 🤷🏻♀️
امان : اومال عايزة ايه ؟!
عزيزة : بتقولك نادية ابقا رد عليها
امان ب تنهيدة : قوليلها ياريت تفكها مني بقا 😒
عزيزة : انا برضو بقول كدة دي بت مقشفة و ..........
امان : وهترغي كتير بقولك مستعجل سلام ✋
عزيزة : استنى طيب !
( يجري امان )
عزيزة : ماشي ي عم المستعجل 🙄
( يجري امان ع البيت ، يطلع اخر دور لما نفسه يتقطع ، يوصل للسطح ، يدخل بيت صغير اوضة وصالة فيها كنبة وترابيزة عليها كتب ودولاب طويل فيه هدومه ، يجري ع التويليت ياخد دش ويطلع ، توصل اخته ، امان واقف قدام الدولاب محتار يلبس ايه ف اول يوم ليه ف الكلية الجديدة )
امان ب تنهيدة : هييييييح الواحد محتاج قاعدة عشان يختار 🤔
( يقعد ف الأرض )
ندى : صباحووو
امان : صباحوو
ندى ب استغراب : قاعد ليه كدة ؟!
امان ب انتباه : انتي ايه الى اخرك كل دة ؟!
ندى ب توتر : لا مش متأخرة ولا حاجة دة يادوب 😕
امان ب جدية وهو بيقوم : هتستهبلي ي ندى دة الساعة واحدة ونص وانتى بتطلعي الساعة ١٢ ونص ، دة المدرسة جنبنا كنتي فين كل دة ؟!
ندى : بصراحة انا فعلاً متأخرة بس كنت بجيب حاجات والله
امان : حاجات ايه الي تأخرك ساعة بحالها ؟!
( تطلع من شنطة مدرستها كيس )
ندى : امسك
امان ب استغراب : ايه دة ؟!
ندى ب حماس : افتحهااااا 😀
( يفتح امان الكيس يلاقي فيه قميص ابيض )
ندى : انا شيفاه م الشهر الي فات محطوط ع المنيكان عاجبني اوي ، ف حوشت من مصروفي وجيبتهولك عشان تروح ب حاجة جديدة انهاردة اول يوم ليك ف الكلية الجديداااا 👏
امان : انتي تروحي ترجعيه دلوقتي !
ندى ب زعل : ليه كدة 😕
امان : انا بديكى المصروف دة عشان تجيبي لنفسك مش ليا ، انا بعرف اتصرف ✋
ندى : وانا بقولك عاجبني وجيبتهولك ومش هرجعه ، وع فكرة انت زعلتني 😒💔
( تمشي ندى متضايقة ، يتضايق امان إنها زعلت ، يروح يلبس القميص الي جابتهوله ويفتح دولابه يطلع منه علبة ويدخلها )
امان : دودو ؟
ندى : نعم ؟ تحفة عليك ، انا عارفة إنك بتحب اللون الأبيض 😍
امان : اه جميل تسلميلي ي قمر ، متزعليش
ندى : لا مش زعلانة 😊
امان وهو بيديها علبة : امسكي
ندى ب تفاجئ : لا لااااا مستحيل 😯
( تفتح العلبة فيها فون جديد )
امان : كنت هديهولك ف عيد ميلادك بكرة 📱
ندى ب فرحة : لا وكمان النوع الي نفسي فيه الله 🥺
( تحضنه )
ندى : ربنا يخليك ليا يارب وميحرمنيش منك ابداً ابداً ☺
امان : هتسديه بالقسط 😋
ندى ب خضة : ايه 😳
امان : هههههه بهزر 😂
ندى : هههههه 😆
امان : هخلع انا بقا عشان متأخرش اكتر من كدة
ندى : ربنا معاك يااارب 👐
( تدخل امهم )
الام : انت لسة هنا انا مخليا الولا بيزو ينده عليك م الساعة تسعة !!!
امان : اة م انا نازل خلاص
الام : بس ايه الشياكة دي اللهم صلي ع النبي ربنا يخفظك يارب 👐
امان : عليه الصلاه والسلام 🌸
ندى : ايه رأيك ف زوقي 😎
الام : انتي الي مختاراه ؟
ندى : اهااا 😊
الام : جميل عليه ، يلا ي حبيبي بالسلامة ، مش محتاج حاجة ؟
امان : لا ي امي سلامتك
( يبوس دماغهم وينزل الشارع ، تشوفه عزيزة تجري عليه وف ايدها ايس كريم 🍦)
عزيزة ب اعجاب : خمسة عليك وربنا هتروح تلم المزز من هناك 🥺❤️
امان : ههههههه ، كفاية عليا انتي ي زوزة 😄
عزيزة : فشر هو في واحدة تقدر تقربلك وانا موجودة 😎
امان : هعنز بسببك 🙄
عزيزة : اومال انا روحت فين بس 🤷
امان : انسي 😊
عزيزة : ليه طيب كدة منعجبش ولا ايه ؟!
( يقرب امان ع عزيزة )
امان وهو بيغمزلها : جوة 😉
عزيزة : ابويا جوة 😉
امان : الأيس كريم جوة 👉
( تبص عزيزة تلاقي الأيس كريم ساح عليها ، يمشي امان ، تقعد عزيزة تمسح ف هدومها )
عزيزة : لينا قاعدة هااا ✋🏻
امان : ماشي 😄
( يركب امان توكتوك يوصله للشارع العمومي ، ينزل يركب ميكروباص يوصله قدام الكلية ، يمشي امان شارع طويل مليان عربيات مركونة احدث موديل ، ماشي عمال يتفرج )
امان : اهي دي العربيات ي جدعان ، مش جراحة التكاتك الي مزنوق فيها !!
( عربية ترجع ل ورا تخبط ف امان )
امان : ي عم حاسب ي عم !
( تنزل بنت م العربية ، امان واقف متنحلها من جمالها )
روزى ب اسف : معلش والله اصل المكان ضيق ومش عارفة اركن 😟
