قصة : { #امان } 💚🌎
الحلقة الخامسة { ٥ } 🍃
( امان يبص ع الرقم تاني )
روزى : الووو !
امان ب استغراب : مين معايا ؟!
روزى ب زهق : انا روزي ، مش امان معايا ولا الرقم غلط ؟!
امان ب تذكير : رووووزي ، اه اااه انا امان 😃
روزى : ايه العذاب دة !!
امان : معلش اصل فكرتك حد تاني 🤦🏻♂️
روزى : ولا يهمك ، انت عامل ايه دلوقتي ؟
امان : الحمدلله انتي ازيك ؟
روزى : انا تمام ، اسفة ع الى حصلك انهاردة بسببي
امان : لا طبعاً انتي ملكيش زنب ، هو الي حيوان
( تضحك روزي ف سرها )
امان ب ندم : اااا ، انا اسف لو ضايقتك 😐
روزى : لا بالعكس ، هو فعلاً بقا حيوان اوي اليومين دول 😊💔
امان ب استغراب : بس ازاي تسمحيله يضربك كدة !!
روزى : عادي اتعودت 🤷🏻♀️
امان : وايه الي غاصبك ع كدة ، انتي الف واحد يتمنى بس يسلم عليكي ، زيي كدة 🙄
روزى : هههههه ، نفسي فعلاً اتمنى زي باقي البنات ، لكن معاه بتمنى بس ربنا يعدي ايامي ع خير مش اكتر
امان : طب لو مكانش معاكي كنتي هتتمني ايه ؟
( تقعد روزي ع السرير )
روزى : اتمنى إني احب من غير م اخاف ، من غير غصب ، احب راجل بجد احس معاه ب الأمان مش ب الرعب 💔
امان ب استغراب : وايه الي مانعك ؟!
روزى : خوفي من شامي 😕
امان : الي بيحب بجد مبيهموش من اي حد ، مبيخفتش غير من الي خلقه إنه يتقيه ف الي حبه بس ، مش بيهمه غير حبيبه م الأخر
روزى : تعرف ي امان ، انت كلامك بيطمن اوى ، بيحسسني إني عاوزة اجي اخدك بالحضن ♥️
امان : هههههه ، بس كدة دقتين واكون عندك 😄
روزى ب احراج : ههههه مش بهزر والله 😅
امان : والله ولا انا
روزى : يعني مستعد تيجي دلوقتي ؟!
امان : لو دة طلبك اجيلك لو كنتي فين ♥️
( تبتسم روزي )
روزى ب انتباه : ااا هتيجي بكرة الكلية ؟
امان : اه اكيد
روزى : اوك هشوفك بكرة ، تصبح ع خير
امان : بتخلعي بسرعة انتي !
روزى : ههههه باي 😄
امان : باي 🙂♥
( تقفل روزي مع امان وتفضل سرحانة ف الكلام الي قاله ومبتسمة ، ينام امان ع ضهره ع الكنبة الي ع السطح ويبص ل السما مبتسم وسرحان ، تعدي فترة ، روزي وامان يقربه لبعض اكتر ، مكالمات ل اخر الليل ومقابلات وضحك وهزار ، امان داخل الكلية ، يشوف ف وشه شامي وصحابه ، يضير وشه ويدخل يقعد ف مكان فاضي ع جنب لوحده مفيهوش ناس كتير ، يقعد ع سلم ، توصل روزي ، تشوف شامي تضير وشها وتعدي من جنبه )
شامى وهو بيمسك ايدها : ع فين 👋
روزى : وانت مالك ؟!
شامى : ايه دة ايه دة ، دة احنا اتشجعنا اوي وبقينا بنعرف نتبلطج كمان ونبجح 😃
روزى : إذا كان عاجبك ي شامي 😐
شامى وهو بيشد ايدها عليه : طول عمره عاجبني وانتي عارفة 🙂
روزى : سيب ايدي !!
شامى : ولو مسيبتهاش هتعملي ايه ؟
روزى : شامي متستفزنيش !
شامى : بقالك فترة مبترديش ع موبايلي ودايرة سرمحة مع ابن الكلب دة 💁🏻♂
روزى ب غيظ : متشتمش عليه 😠
شامى : تعرفي ايه مصبرني عليكي ، إني مش عاوز أأذيكي ي روزي ، بس متزعليش لما هو الي يتأذي ☝️
( تشد ايدها منه وتدخل الكلية )
شامى : تمام اوي 🙂
( روزي تشوف امان من ضهره وتسمعه بيغني ، تقف ع جنب من غير م يشوفها )
امان : اعرف منيييييين إن اللي واقفة معاه ي قلبي مش حبيبهااا ، خايف ارووووووح تحصل معايا اي حاجه انا مش حاببهاااا ، لو كان ي قلبي قلبها م الحب فااااضي ، ممكن قصاد الناس اخدها ف حضني عااادي 🙆🏻♂
روزى : الله ♥
( يتخض امان ويتحرج ، تقعد جنبه روزي )
روزى : كمل بلييييز 🙏🏻
امان ب احراج : لا خلاص 😅
روزى : وحياتي ي امان صوتك حلو عشان خاطري 🥺
امان : حاضر ، احم ، ححح احم 🎤
روزى : م تخلص انت مشيش 🙄
امان : ههههه ، بظبط بس الأول 🗣️
روزى : طب يلاااا 👏
امان : اوك ، هييييييح ، وإذا كان قلبك كبير يردلنا الجميل وا .........
روزى : هههههه بااااااس هو احنا ف فرح ، غنىطي حلو 🙄
امان : طب الم النقطة الأول 😂👋
روزى : شكلك هتشلني الأول 😆
امان : لا بعد الشر عليكي ♥️
روزى : طب يلا بقا غني جد 🥺
امان : حاضر
( يبتدي امان يغني وروزي قاعدة حاطة ايدها ع خدها ومبتسمة بتسمعله ، كيرو واقف من بعيد وشايفهم )
روزى : صوتك حلو اوي ، غنيت قدام حد قبل كدة ؟
امان : لا اخري ادندن وانا باخد دش 🛀🏻
روزى : هههههه ، بس بجد الي يسمع صوتك يرتاح 🥺
امان : دة من زوقك الله يعزك ويخليكى يارب ويكرمك ب ابن الحلال الي يكون انا طبعاً ✋
روزى : هههههه يلهوي احنا هنشحت ، ميعاد المحاضرة يلا قوم 👏
( تقوم روزي وامان والكل يطلع المحاضرة ، امان قاعد جنب روزي ف المدرج ، يدخل شامي وشلته ، يقرب شامي ع روزي وامان ويبصلهم )
امان : في حاجة ؟!
شامى : لا ابداً خد راحتك 🤷🏻♂
امان : من غير م تقول 😊
( شامي يبص ل روزي ب غيظ ويروح يقعد هو وصحابه ف مدرج تاني ، يدخل الدكتور وتبدأ المحاضرة ، شامي يتكلم مع كيرو ب صوت واطي )
شامى وهو باصص ل امان : عاوزك تعرفلي مين الولا دة ، ساكن فين ومين اهله 😐
كيرو : من بكرة يكون عندك كل اخباره
شامى : انهاردة ، اخرك بالليل
كيرو : ماشي !
( تخلص المحاضرة ، يطلع امان وروزي برة الكلية ، يقربه ع عربيتها )
روزى : تعالى اوصلك
امان : لا مش مهم هاخد توكتوك
روزى : ههههههه بلاش بواخة هزعل منك والله ، اركب يلا
امان : اوك
( يركب امان مع روزي ويمشوا )
روزى : ابقا اوصفلي عشان معرفش
امان : اوك
روزى : انت عندك اخوات ؟
امان : اخت واحدة اصغر مني
روزى : انا اكبر مني
امان : ربنا يخليهالك
روزى : يارب ، انت ليه سيبت جامعتك القديمة ؟
امان : كنت مكلم دكتور ف الجامعة ع إني ازاى اخد منحة ل جامعة تانية وكدة ف ساعدني واخدتها، ف جامعتي القديمة مفيش امكانيات للدراسة عشان كدة حبيت إني اروح جامعة افضل وظروف اهلي متسمحش إني ادخل جامعة خاصة بالفلوس ، ف المنحة الي خدتها ساعدتني ع كدة
روزى : بس انت شاطر ف الدراسة جداً
امان : محلتيش غيرها ، ادخلي اول يمين جاي
روزى : اوكي
امان : معلش تاعبك معايا بقا
روزى : ايه الي بتقوله دة متزعلنيش منك
امان : هنا خلاص 👉
( تقف روزي قدام ورشة ابو امان )
امان : شكراً ع التوصيلة
روزى : العفو
( ينزل امان )
روزى : اشوفك بكرة
امان : اوك باي
( روزي تدور العربية ، العربية مش عاوزة تمشي )
امان : مش بتدور ولا ايه ؟!
روزى : لا شكلها وقفت !
امان : طب افتحي الكبوت كدة
روزى : اوك
( تفتح روزي كبوت العربية ، يطلع دخان ، تنزل م العربية )
روزى : مالها دي ؟!
( يشوفهم ابو امان ، يطلع م الورشة )
الاب ب استغراب : في حاجة ي بني ؟!
امان : لا ي بابا ، شكلها محتاجة ماية
روزى : بباك ؟
امان : اه
