"دعوة للتفاؤل والنجاح" |تنمية بشرية|

__1__

خطوات بسيطة تساعد على التخلص من الإكتئاب 💮
1- حاول تتكلم مع شخص بتحبه وقريب منك ممكن يكون الموضوع صعب شويه وممكن الشخص ده مش هيبقي عنده القدره انه يساعدك بس علي الاقل هتكون خرجت اللي في قلبك ومكتمتش وده هيساعد جدا انك تتحسن وتبقي أفضل

2- الخروج والتنزه حاول بقدر الإمكان انك تخرج في وقت حزنك بدل ما تلجأ للعزله والوحدة هيكون صعب شويه لأن الإنسان بطبيعته لما بيزعل بيكون محتاج يقعد لوحده حاول تخرج في مكان فيه زرع وبحر يعني مثلا علي الكورنيش وانت هتحس بفرق كبير وراحة عجيبه ويفضل بليل

3- حط هدف لحياتك يخليك تبعد عن الإكتئاب ممكن بنشوف أن المكتئبين دايما بيتكلموا عن كونهم انهم مش عارفين يعملو حاجه وان أيامهم هتفضل من غير هدف وده مش صحيح احنا اتولدنا عشان نقاتل ونحقق أهدافنا وأحلامنا حتي لو كان هدفك الوحيد في الحياه انك تعيش هيفضل إسمه هدف حاول تتعلم لغه جديده أتعرف علي ناس جديده هات كتاب كان نفسك من زمان تقرأه واقرإه روح لمكان كان نفسك تزوره اعمل حاجه لطيفة تحلي ايامك وتجعلها ممتعه اكتر

4- انظر للسماء ممكن تشوف أن ده شيء تافه بس لما تبص فوق وتلاقي النجوم بتلمع هتلاقيها جذبت قلبك للراحة والتأمل بعيد عن الحزن الإكتئاب واستغل الفرصه واشكي كل اللي في قلبك لربنا واتمني اللي نفسك فيه وربنا هيسمعك ويساعدك

5- اعمال اهتماماتك الخاصة لما تشغل تفكيرك هتنسي الحزن زي مثلا اتفرج علي التليفزيون اقرأ كتاب مارس الرياضة وغيرهم من الإهتمامات اللي ممكن تاخد عقلك وقلبك بعيد عن الحزن انت بس محتاج تحفز نفسك نحو الأشياء دي

6- المشي في الهواء لرفع مستوي الأوكسجين الجيد لما تصحي الصبح حاول تاخد نفس عميق من الهواء الخارجي المنعش وممكن حتي انك تتمشي شويه وده كمان هيكون تمرين بسيط هيساعد علي شحن مزاجك الجيد وهينعش المواد الكيماوية في الدماغ ❤

بقلم الكاتبة/ فاطمه محمد سعيد