"دعوة للتفاؤل والنجاح" |تنمية بشرية|

__10__

المشكله أن الواحد لما بيدخل في علاقه بيبقي شايف الشخص اللي قدامه بقي كل حياته ومش عايز يعمل حاجه غير أنه يقعد مع الشخص المرتبط بيه أو اللي بيحبه فلما يحصل أي حاجه ويسيبو بعض بيبقي مش عارف يعيش وبيجيلو حالة اكتئاب ومش بياكل ومش عايز يعرف حد أو يكلم حد ولو الموضوع متعلق بالثقه أو الخيانه يبقي كلو خاين وما يتوثقش فيه ويقفل قلبه ومش عايز يفتحه تاني للحياة المفروض أن الواحد لما يكون ف علاقه يتعامل وسط مايكنش يا إما مدلوق اوي يا إما تقيل اوي ولما حد يسيب التاني يحاول يبين أن عادي ويمارس حياته بشكل طبيعي وخصوصا قصاد الشخص اللي سابه ويخليه يندم ويعرف أن مهما حصل مش هيلاقي زيك وخليها قاعده في حياتك اللي جاي أهلا وسهلا واللي ماشي الباب يفوت جمل والحياة مش بتقف علي حد إفتح قلبك تاني للحياة واتأكد أن ربنا هيعوضك خير وهتلاقي أحسن من اللي سبته عيش حياتك عشان محدش هينفعك عارفة ان صعب وان الجرح أثره بيفضل موجود بس حاول وبص حواليك وهتلاقي أن في ناس كتير حواليك تستاهل حبك بدل اللي مقدروش ارجع واسأل علي صحابك وأهلك ولو مفيش دي مش مشكله علي فكره لما يكون معندكش أهل أحسن من لما يبقي عندك وكأنهم مش موجودين الأولى بتوجع بس صدقني التانية بتوجع اكتر وعلم نفسك علي الإكتفاء بذاتك عن الآخرين وافتح قلبك من تاني لأن مش كل اللي عايز يدخلو ناوي يئذيه ويجرحه❤

بقلم الكاتبة/ فاطمه محمد سعيد