"دعوة للتفاؤل والنجاح" |تنمية بشرية|

__4__

م تستهونش بحد عنده اكتئاب الإكتئاب من اوحش الأمراض النفسية اللي الواحد ممكن يمر بيها في حياته متقولش لحد محتاجك انا مش فاضي متستخفش بحد بيحكيلك موقف وجعه انت مش ممكن تتصور لما حد يسيب الدنيا كلها ويختارك انت عشان يحكيلك حاجه وجعاه لما تقوله مش فاضي هيكون ايه إحساسه لما حد ييجي يحكيلك موقف وجعه وحصلك قبل كده وانت عديت الموضوع عادي أن هو بيمثل لا كل واحد مشاعره مختلفة ممكن نفس الموقف يحصلي ويحصلك انت عديت الموضوع كان بالنسبالك عادي انا لا انت ممكن يكون الموقف جالك في سن كبير انت ساعتها قدرت تحتوي الموقف وعرفت ازاي تتصرف ومتوجعتش اوي انا ممكن يكون جالي في سن صغير مكنتش عارف ازاي اتصرف لأن الموضوع بالنسبة لسني كبير واتوجعت انت عرفت تعديه انا لا كل موقف حتي لو نفس التفاصيل بييجي بمشاعر مختلفة لكل شخص الإكتئاب مرض لعين محدش عاجبه حزنه متستهزؤش بحد حزين وتقولو عايش الدور عشان هو بيتألم متقولش لحد مش فاضي لو احتاجك متقولش لحد عادي مهو حصلي وعديتو متقولش لحد حزين انت شفت ايه في حياتك عشان اللي بتعمله عشان ربنا وحده اللي يعلم انتو كده بتوجعوهم محدش هيعرف معاناة المكتئب إلا اللي كان عندو واتعافا منه المكتئب بيبقي بيخاف يفرح عشان حافظ أن نهاية فرحته هتقلب نكد بيبقي شخص إجتماعي وفجأة تلاقيه بقي منعزل وحابب انه يكون لوحده غير قلة النوم انه مش بيعرف ينام و التوتر والقلق وغيرو وغيرو خليكو جنب بعض بلاش نجرح حد احسبو كلامكم قبل ما تقولوه في ناس مش بتستحمل نص كلمة عشان ممكن تعكر مزاجهم طول اليوم حالات الإكتئاب كترت جدا الأيام دي واكتر المكتئبين بيكون بسبب الكلام اللي الناس بتقوله اكتر من المواقف اللي بتحصل راعو مشاعر بعضكم ومتكسروش قلب حد عشان كسرة القلب وحشه اوي وألمها وحش المكتئب مش بيكون محتاج نصايح على قد ما بيكون محتاج شوية تشجيع عشان يقدر يكمل

بقلم الكاتبة / فاطمه محمد سعيد