اجتمعت مشيره مع اصدقائها لوضع خطة للإنتقام من محمود عن طريق أخته.رسمت لهم الخطه وبقي فقط التنفيذ
معاذ أحد أفراد الشله.كده تمام أوي بس اكيد مينفعش إحنا اللي ننفذ اللي هيقوم بالموضوع ده لازم حد يكون من بره الجامعه وفي نفس الوقت يكون حد ثقه.
مشيره.. انا كنت عايزه أخلص الموضوع ده انهارده ولو اتفقنا مع حد من بره يبقى لسه قدامنا يومين تلاته
معاذ.. مشيره الموضوع مش سهل واللي هينفذ لو اتمسك اكيد هيتسجن.واكيد محدش هيضحي بمستقبله فينا يعني
مشيره..انت ناسي انا بنت مين ولا إيه مين يقدر يببص بعنيه حتي لينا
سلمي احد افراد الشله.. معاذ معاه حق يامشيره متستعجليش علشان كل حاجه تمشي تمام
مشيره..انا لو معملتش حاجه فيه انهارده هيجرالي حاجه
سعد فرد من أفراد الشله.. بقولك إيه احنا نظبط كام صوره كده حلوين ونبعتهم لأخوها انهارده على مانظبط الخطه.ايه رأيك
سلمي..لأ أمه ست جاهله نبعت الصور لأمه لأن هو فاهم وممكن يعرف إنها صور متفبركه وأمه بقي تقوم بالواجب.ويبات في نكد انهارده برضه زي ماانتي عايزه
مشيره.تمام أوي بس الصور تروح لحد يكون فاهم كويس أوي علشان متبانش إنها متفبركه وأخوها يعرف يكشفها
تمام كده اتفقنا معاذ انت وسعد حاولو تاخدو ليها صور حلوه ويكون وشها باين فيها
وانت يامعاذ اعمل نفسك خبطت فيها وانت ماشي وهي بتقطع احضنها جامد.وانت ياسعد تكون بتصور المشهد الرومانسي ده.مينفهش برضه يبقي الصور كلها متفبركه
وأثناء حديثهم وجدت مشيره والدها يدخل من باب الجامعة.فذهبت إليه
مشيره..بابي إيه إللي جابك الجامعه
رفعت بيه ..قلب بابي من جوه مامي قالتلي إنها وهي بتكلمك كنتي متنرفزه جامد.وا في حيوان هنا في الجامعة دايقك.قولت لأ لازم اجي وأشوف في ايه
مشيره..ولد غبي يابابي خلاني اتعصبت على الصبح
رفعت بيه..هو فين ياحبيبتي شاوريلي عليه
مشيره..مشي يا بابي
والدها..طيب هاتيلي إسمه وشوفي هعملك فيه ايه
مشيره.. إسمه محمود أشرف عطيه وليه أخت كمان في الجامعة إسمها أمل
. والدها..شوفي أنا هعملك فيهم إيه علشان يعرف يزعل القمر بتاعي كويس.انا هدخل للمعيد وامشي عايزه حاجه.
لا شكرا يابابي اه شوفت فستان تحفه ب30الف جنيه وانا مش معايا غير 3الاف بس
والدها..طيب خدي الفيزه بتاعتي اسحبي بيها إللي إنتي عايزاه وهبقي اخدها بالليل
مشيره..ميرسي أوي يابابي .مع السلامه
ذهبت مشيره إلي اصدقائها بفرحه وقالت أنا كده الفلوس جاهزة معايا شوف بتاع الصور يعملهم بسرعه جداً وتكون عند والدتها انهارده
ويلو بقي علشان تصوروها
انتهى اليوم في الجامعة عند أمل وعادت إلى المنزل عصرا أدت فرضها وقامت بتجهيز العشاء وانتظرت والدتها فقد تأخرت اليوم عن موعدها . وأخبرها محمود أنه سوف يتأخر اليوم.لكثرة المذاكره
قامت لتذاكر هي الأخرى فيجب أن ترفع رأس أمها التي تعبت كثيرا وقاست كثيرا من أجلهم
وماهي إلا دقائق معدودة ويرن جرس الباب فتفتح لتتفاجئ بوالدتها يقوم الجيران بسندها ويدخلوها الشقه
أمل..في إيه ماما مالها
أحد الجيران..كانت قاعده على الفرشه بتاعتها وجه طفل أداها ظرف فتحته واغمي عليها فوقناها وجبناها على البيت
أمل..ماما مالك ياحبيبتي ظرف إيه ده
والدة أمل.. شكراً جدا ياجماعه روحو انتو شوفوا اشغالكم خرجو جميعاً من المنزل وأغلقت خلفهم الباب ثم توجهت إلي ابنتها واعطتها الظرف.صعقت أمل من الصور وهمت لتتحدث لم تمهلها والدتها فقامت بضربها بشده وبعنف وهي تصيح بها
عملتلك إيه علشان تفضحيني كده انا ضيعت عمري كله عليكم انا شوفت الذل علشان خاطركم.انا سفيت التراب علشان اعرف اعلمكم واكبركم .انا ضهري انحنى عليكم .قسمتي ضهري وفصحتيني
مش هعرف أرفع عيني في عين حد تاني .كانت تتحدث بإنهيار وهي تنهال عليها بالضرب المبرح فدخل محمود سريعاً علي صوت والدته
محمود..حاول الفض بينهم قوليلي ياماما أمل عملت ايه لده كله
قامت والدته بإعطائه الظرف ورأى الصور .ظل ينظر إلي الصور بدون ولا كلمه ولا يظهر على وجهه أي تعبير
فقالت له والدته . أختك فضحتك مش هتعرف تكلم حد بعد كده ولا ترفع عينك في عينه.اختك جابتلنا العار منك لله روحي منك لله
نظر محمود إلي أخته الجالسه علي الأرض منهارة وتحرك رأسها علامه على رفض ما يحدث
قام محمود برفع أخته من على الأرض وقال أنا استحاله أصدق على أختي ابدا إللي في الصور دي حتي لو شوفتها بعيني .هكدب عيني ومصدقش عليها الكلام ده انا أختي أشرف من الشرف ياأمي
صاحت به والدته إنت اتجننت إنت مش شايف بعينك إللي في الصور مش شايف الواد وهو حاضنها اللبس ده كانت لابساه انهارده.وهي ماشيه عدت عليا علشان نسيت مفتاحي وهي جابتهولي
محمود.. قومي ياأمل اغسلي وشك واحكيلي إيه إللي حصل معاكي انهارده.وقبل ما تبصيلي البصه دي انا متأكد مليون في الميه إنك مظلومه إنتي هتحكيلي أنا وماما إللي حصل علشان اعرف مين ورا الصور وايه الغرض من إنه يبوظ صورتك قدامنا
وقفت أمل تنظر لوالدتها وامسكت يدها تقبلها وتقسم لها أنها مظلومه لم تفعل شئ.لم تتحمل نظرات ولدتها لها ففرت عارفه إلي الحمام تبكي
محمود أمسك يد والدته.صدقيني ياماما أمل مظلومه انا متأكد من أختي كويس.استحاله تعمل كده احنا تربيتك.بالله عليكي متعملهاش كده أمل مش هتستحمل المعامله بالله عليكي اسمعيها معايا
خرجت أمل لهم
محمود..نظر محمود إلي الأرض وقال بصي ياأمل الصور إللي لابسه فيها عريان دي انا متأكد إنك استحاله تعملي كده وماما كمان متأكده
احكيلي بقي موضوع الصور اللي إنتي بلبسك فيها دي
حكت لهم أمل ماحدث اليوم وأنها خبطت به صدفه
ولاتعرفه اصلا ذلك الشخص
قال محمود..انا متأكد إن إللي عمل كده قصده يوقع بينا احكيلي ياأمل ليكي عداوه مع حد في الجامعة
أمل..انا في حالي يامحمود مليش دعوه بحد خالص
قالت والدتهم يمكن اعمامك إللي عملو كده ياابني
ابتسم محمود لأن والدته صدقت أمل وقال استحاله ياأمي اعمامي يعمله كده إحنا في الأول والآخر والدهم سمعتنا من سمعتهم وشرفنا هو شرفهم
دا حد قاصد يشوه سمعة أمل وسمعتي
فكروا كثيرا ولم يصلوا إلي حل فقال محمود طيب يلو بقي نتعشى علشان ماما اكيد جعانه اوي دلوقتي
خليكم انتوا تعبانين انا هقوم اجهز
قامت معه والدته وامل حضروا الأكل ثلاثيهم واكلو ومر هذا البيت بألمه وكوابيسه ليأتي يوماً جديد أشد ألما .يتبع
بقلم .. زينب مجدي فهمي
أنت تقرأ
بسمة أمل
Short Storyالأمل هو الشيء الجميل الذي يعيش عليه الإنسان.هو الدافع للإستمرار على العيش في الحياة علي الرغم من المتاعب التي تواجه الإنسان.هو روح الحياه.اذا كانت هناك حياة فلابد أن يكون هناك امل . وهذه قصة قصيرة تتحدث عن بسمة أمل (زينب مجدي فهمي)
