اللهم صل وسلم وبارك على سيدنا محمد
هما اتجننو هما فاكرين إن إحنا لقمه سهله في بقوهم
كله إلا ولادي ومستقبل ولادي أنا اسكت عن أي حاجة إلا ولادي.كانت هذه الكلمات التي تحدثت بها والدة محمود عندما وقعت على الأرض من هول الصدمة فقامت ودخلت إلي محمود غرفته فرأته يبكي لتقول له ...مش ابني إللي يبكي زي النسوان قوم نروح الجامعه ونعرف إيه إللي حصل
محمود.. ياماما حاولنا نقابل العميد ومعرفناش وفي الآخر مشي
بكره من النجمه نكون في الجامعة ونعرف إيه إللي حصل
محمود... حاضر ياأمي
أسدل الليل ستائره على هذه الاسره المسكينة التي باتت تبكي جميعاً كلا في حجرته لتقف والدة محمود بين يدي الله متضرعه تشكو إليه ظلما أصابها وهما انهكها وتوكل أمرها إلى الله ليأتي إليها بحق أولادها الذي سلب منهم ظلما .
اشرق الصباح واتي معه بكل ما هو جديد لتستعد هذه الاسره للذهاب إلى الجامعة وعندما وصلوا دخلو إلي العميد لتقوم الام بالكلام.. السلام عليكم
ليرد عليها تحيه السلام
ام محمود..... أنا ممكن أعرف ولادي اتفصلو من الجامعه ليه
العميد......في قدامي شكاوى كتير ضدهم من زملائهم وانهم بيفتعلو مشاكل كتير مع زملائهم وفي زميل لهم إسمه اشرف مقدم شكوه إنه كسر ليه ايده ومعاه تقرير طبي
وزميل ليهم كمان إسمه سعد مقدم شكوى إن محمود ضربه ومحتاج علاج فوق الواحد وعشرين يوم وفي شكاوى غيرهم كتير وأنا اقنعتهم ميبلغوش وقف محمود وأمل يستمتعون وهم في حالة صدمة شديدة وكلما هم محمود أن يتكلم توقفه والدته بإشارة من يدها حتي أنتهي العميد من كلامه لتهتف أم محمود.... طبعاً الكلام إللي إنت قولته أنا استحاله أصدق كلمه منه علي ابني عمر ابني ولا بنتي مكانو بتاع مشاكل ممكن حضرتك تقولي ايه الموضوع بالظبط
العميد....تصدقي متصدقيش دي حاجه خاصه بيكي أنا قدامي الشكاوي اهيه وعلى فكره كانوا ناويين يبلغوا بس أنا اقنعتهم ميبلغوش علشان مستقبله
محمود بإنفعال... أنا معملتش حاجه والجامعة كلها تشهد بكده أنا عمري مااتخنقت في حد بحضر محاضراتي وبمشي
العميد.....طيب إيه الشكاوي ديه
معرفش.واجهني بالناس إللي عملو فيا شكاوي أنا وأختي . طيب هما كلهم قدموا الشكاوي مره واحده
انا مش فاهم حاجه
العميد.... الشكاوي بتواريخ مختلفة
محمود....طيب أنا عمري دخلتلك المكتب في خناقه قبل كده
العميد.... أنا كل يوم بيدخلي طلبه عاملين مشاكل هفتكر كل واحد فيهم دخلي
طيب أنا عايزك تواجهني بالناس إللي مقدمين فيا شكاوي
العميد... سواء واجهتك بيهم او لأ قرار فصلكم من الجامعه بقي نهائي
لتقول أم محمود بإنفعال .....قولي بقي إنت مطبخها لعيالي إنت ومين
العميد...احترمي نفسك ياست ياسوقيه إنت فاكره نفسك هنا في السوق إللي بتقفي تبيعي فيه الخضار
لتهتف أمل..... إنت عارف إن والدتي بتبيع خضار.دا انتوا مجمعين معلومات كويسه عننا اهه لصالح مين رفدنا ده بقي ممكن تقولنا
ليهتف العميد . اطلعوا بره عالم سوقيه وهمجيه
لتهتف والدة محمود..... والله مااسيب حق ولادي ولو على رقبتي دا انا أروح فيكم كلكم في داهيه
العميد...قولت اطلعوا بره بره
والدة محمود... إنت فاكر علشان إحنا ناس على قد حالنا هنبقي لقمه سهله إحنا ربنا معانا وعمره ما يرضى بالظلم.خرجو ثلاثيهم من الجامعه يجرون أذيال الخيبه لتهتف الأم.. والله ماهسكت حسبي الله ونعم الوكيل حسبي الله ونعم الوكيل
ليقوم معاذ بمناداة محمود..... إيه إللي حصل يامحمود
محمود... متقدم ضدنا شكاوي كتير حسبي الله ونعم الوكيل
معاذ..بص عليك وعلى والد مشيره هو إللي هيحل الموضوع ده
محمود.... مشيره مين
مشيره... إللي بتحاول تكلمك دي
محمود...اه بس ده مالو ومال قرارات الجامعه اصلا
مش هيعرف يعمل حاجه صدقني
معاذ في سره دا انت على نياتك أوي ...بص روحله بس
محمود.لا ياعمي معرفوش ومش هشغل حد بمشاكلي
معاذ.... بصراحه بقي يامحمود هو ورا رفدك
محمود...نعم هو يعرفني منين اصلا
معاذ... الكلام ده بيني وبينك علشان مروحش أنا في داهيه.بنته سلطته عليك وهو جامل بنته بيك إنت واختك
محمود..وهي بنته مالها ومالي اصلا
معاذ.. محمود شغل دماغك هي بتحاول تقربلك وانت بتصدها فقالت تنتقم . المهم متحبش سيرتي في الموضوع ده.وروح للراجل وحاول معاه وهو إن شاء الله يخليهم يشيلو الرفد دا فاضلك شهر علي الامتحانات وتتخرج جاري الموجه لحد ماامورك تتظبط . سلام بقي علشان مشيره داخله الجامعة ولو شافتني واقفة معاك هيبقى تلاته مفصولين مش اتنين .
خرج محمود من الجامعه وهو يفكر هل لهذه الدرجة نحن بالنسبة لهذه الناس لا شيئ . هل مستقبل الناس بإيديهم لا يهمهم.هل حياة الناس لا تساوي سوي مكالمه هاتفيه أو زيارة للعميد ليقضي عليهم خرج من الجامعه ليري أخته في انتظاره ووالدته قد غادرت ليصطحب أخته إلي المنزل
ذهبت ام محمود إلي مقر وزارة التربية والتعليم لترفع شكواها إلي الوزير ليتصرف في الأمر.لكنها بالطبع لم تستطع مقابلته ليس لديها ميعاد سابق
خرجت تفكر وتفكر وانهكت عقلها في التفكير لتتوصل إلي ذلك القرار ألا وهو سوف تقوم بعمل حلقه مع برنامج على التليفزيون ليعلم العالم كله قضية أبنائها
يتبع
بقلم زينب مجدي فهمي
انتظروا البارت القادم والاخير
أنت تقرأ
بسمة أمل
Cerita Pendekالأمل هو الشيء الجميل الذي يعيش عليه الإنسان.هو الدافع للإستمرار على العيش في الحياة علي الرغم من المتاعب التي تواجه الإنسان.هو روح الحياه.اذا كانت هناك حياة فلابد أن يكون هناك امل . وهذه قصة قصيرة تتحدث عن بسمة أمل (زينب مجدي فهمي)
