في صباح يوم جديد ومشرق
لارا : ياله يا غرام انتي وندى الفطار جهز
غرام و ندي : حاضر
ونزلوا
غرام و ندي : صباح الخير
الكل : صباح النور
وكلهم قعدوا ع السفره بتاعت الفطار
غرام : انا النهارده هروح ادور على شغلي يا بابا
عمر : تمام
ندى : وانا كمان
صابر : انتوا اي شغلكم يا بنات
غرام : مصممه
ندى : سكرتيره
مصطفى : كويس جدا احنا فعلا محتاجينكم الاتنين ف الشغل معانا في شركه الجارحي
غرام : يعني هنروح من امتى
مصطفى : من النهارده لو عاوزين
ندى : تمام
غرام : خلاص انا الحمد لله شبعت هطلع اغير هدومي وانزل
ندى : خديني معاكي
وطلعوا لبسوا ونزلوا
غرام : احنا جهزنا
مصطفى : خد غرام معاك يا أسد وانت يا ياسين حد معاك ندى وانت كده كده محتاج سكرتيره ف ندى كل يوم هتمشي معاك لاكن غرام بما ان دا اول يوم ف أسد يوصلها
غرام باعتراض : لا انا معايا العربيه بتاعتي هروح بيها واشغل الجيبي اس عادي
مصطفى : النهارده بس اسمعي الكلام
غرام : بس
عمر : ياله يا غرام
غرام : حاضر يا بابا
وخرجوا وركبوا العربيه
ياسين : هتحبي الشركه اوي
ندى : ايوا ان شاء الله
وسكتت
ياسين وهو بيحاول يقطع الصمت : مش بتتكلمي ليه
ندى : الصراحه مش عارفه اقول اي
ياسين : قولي اي حاجه
ندى : ههههه موقع كام بنت ف الشركه
ياسين : هاا
ندى : اي يعم باين عليك مقطع السمكه وديلها
ياسين : انا مشهور ولا اي
ندى : لا يا خفيف باين عليك
ياسين : هما اللي بيترموا عليا
ندى : حاسب بس لا توقع
ياسين : تنكري
ندى : الصراحه لا
ياسين : خلاص بقى
ندى : ماشي
***************
في عربيه أسد
غرام بتتكلم ف الفون
غرام : الوو
فارس : ازيك يا غرام
غرام : الله يسلمك يا فارس انت عامل اي وحشتني خالص والله
فارس : مش اكتر مني يا بت والله
غرام : عاملين اي من غيري
فارس : خربانين
غرام : اكييد لازم تكونوا خربانين من غيري وعلى و علياء عاملين اي.
فارس : كلنا كويسين والله المهم انتي و ندي كويسين
غرام : الحمد لله بخير هبقي اكلمك بليل لاني دلوقتي رايحه الشركه
فارس : تمام باي
غرام : باي وقفلت معاه
أسد بعصبيه : معندناش بنات محترمه بتكلم ولاد على فكره
غرام ببرود : والله ميخصكش
أسد بصوت عالي : لا يخصني وزياده كمان انتي بنت يبقى تكلمي بنات
غرام : اولا على كلمتي ومش هغيرها ميخصكش والله و ثانيا صوتك دا ميعلاش عليا يا استاذ أسد
أسد نزل من العربيه : اتفضلي انزلي
نزلت ودخلت
أسد بصوت جمهوري : كله يتجمع هنا
وبالفعل كله اتجمع
أسد وهو بيشاور على غرام
أسد : دي المصممه الجديده بتاعت شركتنا ودي سكرتيرته البيه ياسين والكل يتفضل على شغله
غرام : الله يحرقك
وكله راح قعد مكانه وسط إعجابهم الشديد ف هيبه أسد وجماله ورجولته
أسد : انسه غرام تعالي ورايا
غرام : حاضر
ودخلوا المكتب
غرام : نعم
أسد : عاوز السي في بتاعك
غرام : اتفضل
أسد بعد فتره : ممتاز جدا
غرام : شكرا
أسد : انتي كمان مترجمه
غرام : ايوا
أسد : تمام
غرام : اقدر اروح على مكتبي
أسد : ايوا اللي ف وش مكتبي دا بتاعك
غرام : شكرا وخرجت
وبدأت تعمل تصاميم و مبطلتش شغل خالص
وخرجت من مكتبها عشان تدخل الحمام خبطت في بنت بالغلط
ميريام بصوت عالي : انتي متخلفه يا بنت انتي
غرام : انا اسفه يا استاذه
ميريام : اسفه اي يا بت انتي الله يحرق
غرام بعصبيه : قولت اسفه
ميريام : وانا مش قابله اسفك
غرام : انتي حره ومشيت وسابتها
ميريام : اقفى عندك
غرام وقفت
ميريام بصوت عالي : أسد
خرج أسد علي صوتها
أسد : في اي يا ميريام
ميريام : البنت دي قلت ذوق معايا
غرام وسعت عينها بذهول : اانا
ميريام : ايوا انتي
غرام : يا استاذه
مي : انا
غرام : ايوا انتي
مي : نعم
غرام : انتي مش كنتي متابعه الحديث
مي : ايوا
غرام : عاوزاكي تقولي اللي حصل بالحرف الواحد
مي حكت اللي حصل كله فعلا
أسد بهدوء : امال في اي يا ميريام
ميريام : دي بنت مستفزه
غرام بعصبيه : بقولك اي يا بت انتي انا ساكته ليكي عشان انا محترمه لاكن لو كنتي مين وتعاديتي حدودك معايا ف مش هيحصل كويس تمام يا شاطره
ميريام : شكلك متعرفيش انا مين
غرام : ومش عاوزه اعرف
ميريام : لا أعرفي احسن انا ابقى عميله مهمه هنا ف الشركه يا شاطره
غرام : ميهمنيش انتي بتهدديني يعني
ميريام : لا انا ممكن اخليه يرفدك
غرام : اعمليها وراحت قربت من أسد
غرام : لو عاوز تجيب استقالتي من دلوقتي ف انا موافقه يا استاذ أسد
أسد : مفيش حاجه تستاهل استقاله و عالعموم حصل خير
غرام : طيب كويس عن اذنك و راحت الحمام
أسد : وانتي اتفضلي ع المكتب ورايا يا ميريام
ميريام بمياعه : حاضر
أسد بنرفزه : كل واحد هنا ف الشركه يجي باحترام ويمشي باحترام يا استاذه ميريام ومهما كان انتي عميله مهمه او لا ف بإحترام
ميريام : هي اللي غلطانه
أسد : لا بالنسبه للي حصل ف هيا مش غلطانه خالص
ميريام : طيب ماشي انا ماشيه وبعدين دي تبقي مين يعني
أسد : المصممه الجديده وبنت عمي
ميريام : ودي طلعت امتى
أسد : كانت ف لبنان من يوم ما اتولدت ولسه راجعه
ميريام : ماشي وخرجت
وخلصوا لاخر اليوم
و مروحين
غرام طلعت على اوضتها على طول
غرام بصوت مسموع : بنت متخلفه تيجي و تشتمني وقال اي هتبقى حياه جميله في مصر دي اسمها قله ذوق وعدم احترام
أسد كان معدي ضحك وكمل مشي لغرفته
لارا : في اي
غرام : بنت مشافتش ربع ساعه تربيه
لارا : اهدي كده و احكيلي اللي حصل
غرام وحكت لها اللي حصل
لارا : جامده اووي انتي كويس رده فعلك مظبوطه
غرام : امم تمام
لارا : ياله عشان نتعشى
غرام : لا مش جعانه انا هنام لاني تعبانه شويه
لارا : لا سلامتك خلاص هاخد ندى وننزل نتعشى
غرام : ماشي يا حبيبتي
وخرجت لارا ونزلت هي وندى
صابر : امال فين غرام
لارا : جايه مش طايقه نفسها وقالت تعبانه وهتنام
صابر : متعرفيش مش طايقه نفسها ليه
أسد : ههه
ياسين برفعه حاجب : انا متأكد يا جدو ان أسد عارف بعد الضحكه دي
صابر : إنت عارف يا أسد
أسد : ايوا يا جدو
صابر : طب احكي اي اللي حصل
وحكاله أسد ع كل اللي حصل
صابر : غرام دي بنت عاقله في تصرفها
لارا : ايوا فعلا انا قولتلها كده وياله نتعشى بقا لاني هموت واكل
مصطفى : ياله
ياسين بصوت واطي : لو حصل معاكي نفس الموقف كنتي هتعملي اي يا ندى
ندى بنفس الصوت الواطي : كنت ضربتها قلم عرفتها ان الناس مقامات
ياسين : ههههه
ندى : هههه
وكل واحد طلع على غرفته
بعد الساعه ١٢
غرام : اي دا انا جعانه اووي
وقامت نزلت وماشيه تدور ع المطبخ
واتخبطت ف أسد وقعت عليه
غرام :اعاااا
أسد وهو حاطط ايده على بوقها : اسكتي هتصحي النايمين
غرام بنفس عالي وبتبلع ريقها : انت اي اللي مصحيك دلوقتي
أسد : صاحي من النوم عطشان وانتي
غرام : جعانه
أسد : طيب قومي عشان امشي
غرام : ما تمشي انا مسكاك
أسد : لا انتي نايمه فوقي ياله قومي
غرام قامت بسرعه
غرام باحراج : انا اسفه
أسد ببرود : طيب
غرام : هو المطبخ فين
أسد مشي وهي ورا لحد ما وصلت للمطبخ
وقعدت تدور على أكل مالقيتش حاجه من اللي بتاكلها
أسد : في اي
غرام : مفيش اكل اتعشى بيه
أسد : هتعملي اي كلي محشي
غرام : محشي اي بس انا هجيب ماك
أسد : ازاي
غرام : معاك رقم ماك
أسد : ايوا
غرام : طيب ابعت الرقم ليا
أسد : مش معايا رقمك انا والله
غرام : خلاص هبعتله ليك وبعتت الرقم ليه وهو بعتلها رقم ماك وطلبت
أسد : انا طالع
غرام : ماشي
وطلع وهي طلبت واكلت وبعدين طلعت نامت
#يتبع
