أعتقد أنك ستحب هذه القصة: " غرام الأسد "
غرام الاسد
الفصل الثالث
بعد مرور اسبوع
غرام : كده بقى انام في المكان اللي يريحني ولا حد يزعق فيا ولا حد يقولي دي اوضتي ياه دي راحه والبس براحتي بقى ودخلت اخدت شاور وخرجت وهي لابسه تيشرت نص كم اسود على شورت جينز وسابت شعرها سايب
ندى : اي القمر دا
غرام : ميرسي
ندى : انتي صدقتي ولا اي
غرام : يا خفه تنزلي معايا ف جنينه الفيلا تحت
ندى : لا مليش مزاج
غرام : ماشي انا نازله بقى
ندى : ماشي
غرام نزلت وفتحت اغاني وبدأت ترقص وانسجمت مع الاغنيه
من بعيد
أسد : المتخلفه دي بتعمل اي
ونزل من الفيلا وراح عندها
أسد بصوت عالي من ورا غرام : غرااام
غرام بفزع : عاوز اي
أسد : شكل كده في حاجات كتير عاوزه تتعلميها احنا هنا عيله محترمه ومش فاتحين ديسكو عشان حضرتك تنزلي وتقعدي ترقصي واحنا هنا كلنا شباب في بعض فتحترمي نفسك
غرام : قولتلك ميت مره ميخصكش وبعدين انت عاوز مني اي انت مش كنت متضايق اني هأخد اوضتك اديني قعدت الاسبوع اللي عمو قال عليه ونقلنا الفيلا بتاعتنا يبقى اعمل اللي انا عاوزاه ثم إن مفيش حد من الشباب جيه غيرك حِل عني بقى الله يخليك
أسد وهو ماسكها من ايدها جامد : تحبي تضيفي حكايه الولد اللي كنتي بتكلميه
غرام : لو عاوز تضيف ف ضيف براحتك و اقولك انا مش بكلم فارس بس لا بكلم علي كمان
أسد وهو بيجمد زياده على ايدها
أسد : انا قولت اللي عندي والكلام مش هيتكرر تاني يا غرام
غرام بوجع : اااه ايدي
أسد بعد ايده لقاها علمت باحمرار
أسد : بتوجعك
غرام بصريخ : انت عاوز مني اي انا معملتش ليك حاجه من يوم ما جيت عشان تستقصدني حراام عليك يا أخي بقى و عالعموم دي حياتي وانا حره فيها وطلعت من غير ما تسمع رده
أسد : دا اي دا ومشي هو كمان طلع ع اوضته
وناموا
****************
في صباح يوم جديد ومشرق
كل واحد جهز وفطر
غرام : ندى هتمشي معايا ولا ياسين هيوصلك
ندى : لا ياسين هيوصلني وانتي أسد
غرام مقاطعا : لا انا هركب عربيتي
ندى : ماشي استنى كده
غرام : في اي
ندى : ايدك دي حمرا كده ليه
غرام بارتباك : دي دي خبطه اتخبطت ف ايدي امبارح بليل
ندى : لا سلامتك
غرام : الله يسلمك
وخرجوا
غرام : اهوا هما هناك اهوا روحي ليهم بقى انا ماشيه
ماشي
ندى : ماشي
وراحت ليهم ندى
أسد : هي غرام مش جايه النهارده
ندى : لا جايه بس سبقت بعربيتها
أسد : ماشي
وكل واحد ركب عربيته واستقر
وبعد فتره وصلوا الشركه
أسد : في اجتماع كمان شويه و هتكوني موجوده فيه فجهزي نفسك
غرام اكتفت بأنها تهز راسها وبس
أسد لمح ايدها وافتكر اللي حصل امبارح بس مشي
ودخلوا الاجتماع
محمد وهو بيسلم : ازيك انسه..
غرام بهدوء : غرام
محمد : عاشت الاسامي انسه غرام
غرام : الله يخليك
محمد : انتي.....
اسد مقاطعا بحده بعد ما شد ايد غرام من ايد محمد دا : ازيك يا استاذ محمد
محمد : الله يسلمك يا أسد بيه
وقعدوا وغرام قاعده بتسمع لكلام أسد وياسين ومش واخده بالها من نظرات محمد المتفحصه جدا جدا
أسد بعصبيه : الصفقه دي ملغيه
محمد : ليه اي اللي حصل
أسد : والله دي شركتنا وانا حر و الصفقه ملغيه
محمد : ماشي وخرج وساب الشركه
ياسين : احنا منتظرين الصفقه دي من زمان تيجي انت بكل سهوله وتضيعها من ايدنا يا أسد
أسد بثبات : انا عملت الصح
ياسين : انت شايف ان دا الصح
أسد : ايوا
ياسين : ماشي
غرام : انا مش شايفه حاجه حصلت انك تلغي الصفقه
ياسين : انا خارج
أسد : ماشي
وخرج ياسين وقفل الباب
أسد : ما انتي مستمتعه
غرام بعدم فهم : مستمتعه بأيه
أسد : مستمتعه بنظراته المتفحصه ليكي
غرام بعصبيه : لحد هنا وكفايه بقى كده كتير انا بنت محترمه وحرام عليك انا كنت مركزه ف شرحك انت وياسين ومدققتش مع اللي اسمه محمد دا بس ماشي عن اذنك ولا عاوز تضربني قلمين بالمره
أسد اكتفي بنظره وبس
وهي خرجت وسابته
غرام : ألوو يا لارا
لارا : اي يا غرام
غرام : انا خارجه من الشركه دلوقتي وعاوزه اكل اكل حار اكل اي
لارا : كشري يبقى روعه
غرام : اوك ابعتيلي الموقع نتقابل ف المطعم بتاع الكشري دا
لارا : ماشي
وبعتته لها واتقابلوا
غرام : بس دا كل اللي حصل اخوكي دا بارد ومستفز واسد اسم على مسمى و
لارا مقاطعا : خلاص خلاص ياله ناكل
غرام : ياله و حطت كل الشطه ف الطبق وكالته وطلبت التاني و التاني يجر تالت وكذالك
غرام بصوت عالي : ااااه بطني بتوجعني ااااه الحقني
لارا : يا نهار ابيض اعمل اي وفتحت فونها ورنت على اسد
أسد : في اي يا لارا
لارا : غرام يا أسد احلقني غرام
أسد : مالها غرام انطقي
لارا : بتصوت من بطنها مش وقته كلام دلوقتي تعالي ع الموقع اللي هبعته ليك وبعتته
نزل وركب عربيته بأقصى سرعه لحد ما وصل
غرام بعياط : بطني مش قادره اااه بطني بتوجعني جامد
لارا : طيب امشي معايا
غرام : اااه مش قادره يا لارا مش قادره بطني بطني
أسد شالها ركبها العربيه ومشي بأعلى سرعه ع المستشفى
أسد : الدكاتره اللي هنا فين
الممرضه : اخر الطرقه شمال يا استاذ
لارا و أسد سندوا غرام لحد الدكتور
أسد : خير يا دكتور
الدكتور : معدتها مش بتقبل اكل حراق وهي زودت حراق جدا ودا تعب معدتها هي هتركب المحلول دا هيهدي معدتها شويه ونشوف بقى هيحصل اي
أسد : خير ان شاء الله
الدكتور : انت تبقالها اي
أسد : ابن عمها
الدكتور : ماشي
أسد : بنت مستهتره اكيد عارفه بتعب معدتها من الاكل الحراق وبتاكله بردو
لارا : ياله حصل خير
أسد : خير..
وفضلوا ف المستشفى لبليل وهي بقت كويسه
غرام : انا الحمد لله كويسه دلوقتي ياله عشان عاوزه اروح وسمعت فونها بيرن
فتحت
فارس بقلق : رنيت عليكي كتير مردتيش ليه
غرام بتعب : اصلي ف المستشفى
فارس : ليه مالك انتي كويسه
غرام : اي يا ابني مفيش حاجه اكلت حراق وروحت المستشفى علقت محلول وبقيت كويسه وهروح دلوقتي وبس المهم اخبارك واخبار علياء وعلى كويسين
فارس : الحمدلله يا حبيبتي خلي بالك من نفسك يا غرام
غرام : حاضر
فارس : هقفل معاكي بقى باي
غرام : باي
أسد : ياله نمشي
غرام :ياله
ونزلوا
لارا : يعني انتي عارفه ان الاكل الحراق غلط عليكي واكلتي ولا ٥ كشري حار
غرام بلامبالاه : ايوا عارفه
أسد وهو موجه كلامه ل لارا : عشان اقولك
غرام : تقولها اي
لارا لمنع الخناق : لا ولا حاجه انتي تعبانه ياله عشان تنامي
أسد : لا انا قولتلها ان دا اسمه استهتار
غرام بضيق : ميخصكش وبعدين انا تعبانه ومش قادره اتكلم عن اذنك يا لولو
لارا : اذنك معاكي يا قلبي
ومشيت غرام بصوت عالي : غبي
أسد من وراها : دا اللي هو انا انا
غرام بفزع : الله يخرب بيتك فزعتني
أسد : قصدك عليا
غرام : انت جاي ورايا ليه
أسد : انتي قصدك عليا
غرام : ميخصكش
أسد : انتي عارفه لو قولتي الكلمه دي تاني هعمل فيكي اي
غرام :هتعمل اي يا فقيق عصرك واوانك
اسد : لما تبقى تقوليها تاني
غرام : طيب.. انت جاي ورايا ليه وانا اصلا مكنتش بقول عليك انت
أسد بضحكه عاليه : طيب
غرام بتوهان: جاتك سقاعه في ضحكتك
أسد : عارف انها حلوه
غرام : انا مقولتش حاجه عليك
أسد : ما انا عارف خودي فونك لأنك نسيتيه ف العربيه وانا بركن ونازل لقيته
غرام : شكرا
أسد : العفو
وفجأه الفون رن
أسد : مين على دا
غرام : صاحبي
أسد : انا ماشي عشان ما اتهورش عليكي
غرام ببرطمه : احسن بردو
أسد : بتقولي حاجه
غرام : لا ابدا انا بقول تصبح على خير
أسد : وانتي من اهل الخير
وطلعت غرام غيرت هدومها واستقرت على سريرها
على : اي يا بنتي بتأكلي اكل حراق ليه وانتي عارفه انك بتتعبي منه
غرام : عادي
على : يبقى حد ضايقك مين بقى
غرام : أسد بيه مستقصدني
على بخبث : انتظري كل جديد
غرام : دا انت بارد اقفل يا ولا
علي : اي يا ست هانم بهزر
غرام : تمام
على : شكلك عاوزه تنامي تصبحي على خير
غرام : قول انك هتقفل عشان تكلم علياء بس ماشي يا عم
على : مقفوش اووي
غرام : للأسف
على : طويب سلام
غرام : سلام
وقفلت معاه
غرام بصوت عالي : نددددي
ندى : يخرب بيتك بتعلي صوتك ليه
غرام : بتكلمي مين
ندى : وانتي مين قالك اني بكلم حد
غرام : شاده البطانيه على وشك بتكلمي مين
ندى : بكلم ياسين
غرام : وانا جرجيره صح
ندى بضحك : صح ههه
غرام : ماشي انا هقوم و اضربك دلوقتي على فكره
ندى : اوعي
غرام بتقرب منها
ندى بتمثيل : لا يا ريا انتي وسكينه خدوا دهبي ومتقتلونيش
غرام : حكمتي علي نفسك يا شاطره.
دخلت ندي جري ع البلكونه و غرام وراها
غرام بضحكه عاليه جدا : ههههههههههه هموت ههههههه ههههههههه
ندى : نهارك اسود ضحكتك سمعت للجيران وطي صوت ضحكتك مش كفايه شعري اللي شدتيه
غرام : هههه انا هههه بضحك على هههههه شعرك
طلع ياسين و أسد علي الصوت لان الضحك لان الفيلا ف الوش ع طول والمكان مليان انوار
ياسين من بعيد : ههههه ههه
أسد : انت بتضحك على اي و الهبله اللي هناك دي بتضحك على اي
ياسين : بص على شعر ندى
أسد : اه دا واقف ههه من اي دا
ندى : ياله يا مفترسه شعري وقف بصي قدامك كده عشان تبقى تعلي صوت ضحكتك
غرام وهي بتفرك في شعرها وعلت صوتها : كنا بنلعب
ياسين : تقومي تعملي ف شعرها كده
غرام : ما هو مينفعش ابقى جرجيره
ياسين : ههه
أسد : انا داخل بلا لعب عيال بس يعني اي جرجيره
ياسين : انا وندى قاعدين نتكلم ف هي مفيش حد بيكلمها ف هي كده جرجيره😀
أسد : ماشي وقام داخل
يتبع#
