أعتقد أنك ستحب هذه القصة: " غرام الأسد "
الفصل الخامس
يوم جديد ملئ بالسرور والسعاده و ملئ بنفس الوقت بالحزن ف صباح مشرق
في الشركه
أسد سمع تخبيط ع الباب
أسد : اتفضل
دخلت بنت في العشرينات من عمرها تقريبا تتميز بالشعر القصير الأسود والبشره الخمريه وملابسها تكشف اكثر مما تستر و مكياجها مقرف
ميسا بدلع : استاذ أسد اهلا انا السكرتيره الجديده قريبه ميريام اكيد عارفها
أسد بغرور كعادته : تمام عارفها تقدري تستلمي شغلك من دلوقتي و ملفاتك بره ع المكتب وياريت متضيعيش وقت ع الفاضي و تلتزمي بالمواعيد اكيد ميريام معرفاكي اني جادي جدا واسألي كل اللي ف الشركه و اتفضلي لو عاوزه تخرجي
ميسا بخبث : اوك عن اذنك
وخرجت
أسد : بنت مقرفه ما هيا مجايب ست ميريام لازم تكون زيها بس محتاجها ف الوقت ده
خبطت ع الباب بطريقتها المعتاده
أسد : ادخلي ي غرام
غرام باستغراب : احم ممكن سؤال
أسد ببرود : هاا قولي
غرام ببرطمه : بارد
أسد برفعه حاجب : بتقولي حاجه
غرام بابتسامه بلهاء : لا ابدا بس كنت عاوزه اعرف انت ازاي عرفت اني انا اللي بخبط و صحيح اللي بره دي تبقي مين
أسد : كل واحد وبيبقي ليه طريقه ف التخبيط وانا حافظ كل اللي بيخبطوا ع باب مكتبي مش انتي بس يعني و اللي بره دي السكرتيره الجديده
غرام بقرف : اللي بره دي السكرتيره قولتلي تمم
أسد وهو بيحاول يكتم ضحكته من تعابير وش غرام وهي بتتكلم بقرف
أسد بحمحمه : اه مالها
غرام : لا ابدا بس تاني مره متبقاش تزعق على لبسي ع الاقل انا بلبسه ف البيت بس و الفساتين ف الخروج لاكن ف الشركه كلها بلوزات و بناطيل عن اذنك وخطت خطوات سريعه لحد ما وصلت للباب
أسد حط ايده الاتنين ع الباب محاوطها
أسد بغضب : غراام بلاش انا ماشي
غرام بارتباك : بلاش انت ف اي انا مقولتش حاجه
أسد : مليش دعوه بلبس حد ما اعرفوش انا ليا دعوه باللي من عيلتي وبس لان اي حاجه تسوء سمعتنا متعجبنيش زي اي حاجه ممكن تعمليها مثلا
غرام بعصبيه : انت ليه محسسني اني من عالم تاني انا زيي زيكم الاختلاف اني اتولدت بين ناس كل طريقتهم كده و معيشتهم كده وطريقه لبسهم العاديه كده ومش كل بنت بتلبس قصير تبقى قليله أدب ممكن يكون في بنات بص مقولكش محجبين واكيد مش كلهم بيبقوا مش كويسين وقليلين ادب بس حقيقي انا مش من الناس اللي مش كويسه وانا مرضاش مثلا اني اسوء سمعه عيلتي زي ما انت بالظبط مترضاش وانا اصلا مرضاش اني البس بالطريقه بتاعت البنت اللي بره دي اي نعم بلبس قصير بس مش زي كده وابعد عشان اخرج
وزقت ايده وخرجت دخلت مكتبها وبدأت تعيط بصوت مكتوم ومسحت دموعها وبدأت تكمل شغلها
**************
من بعيد
ميسا بصوت واطي : ألوو ي ميريام
ميريام : هاا عملتي اي
ميسا : يعتبر اني لسه معملتش حاجه بس البنت اللي هي في وش مكتبه مش عارفه اسمها غ اي كده
ميريام : غرام اسمها غرام
ميسا : ايوا كانت عنده ف المكتب من شويه ولسه خارجه بس كان باين عليها متضايقه
ميريام بخبث : تمام واي تاني
ميسا : ولا حاجه حاولت اغريه بدلعي ولبسي اللي لابساه ولا اتهز فيه شعرايه
ميريام : المهم زي ما اتفقنا عاوزاكي تعملي اللي قولت عليه
ميسا : من عنيا اقفلي بقى عشان متقفش دا انا هخليها يكرهها كره العمى وباين عليه جادي اووي ف الشغل
ميريام : اي صح سلام بقى و احرصي جامد لانه صعب
ميسا : ماشي باي
ميريام : باي
***************
نيروز : يا بنتي يا حبيبتي مالك
لارا بضيق وخنقه وعياط : تعبانه ي ماما و مليش مزاج اروح الجامعه الاسبوع دا حقيقي تعبانه جامد ومش هقدر اركز وبعدين جوهره بتروح هتبقى تساعدني عادي المهم سبيني هنا ف اوضتي ومش عاوزه انزل وهبقي كويسه ي ست الكل هاا بقى
نيروز بحنيه : مخنوقه من اي ي حبيبتي ويتعيطي ليه
لارا بوجع : اسباب عاديه
نيروز : انا مش هضغط عليكي بس وقت ما تحبي تقولي انا مامتك وهحس بيكي
لارا : حاضر ي حبيبتي
نيروز : طيب كلي
لارا : مليش نفس والله
نيروز : انتي من امبارح ما اكلتيش حاجه
لارا : مليش نفس متتغطيش عليا بقى
نيروز : حاضر ي حبيبتي انا خارجه اهوا
لارا : ماشي
**************
كريم : هتفضل متقدر شبه المطلقين كده انت غلطان انت على طول غلطان وغبي الصراحه يعني
يزيد : كريم انا الحق عليا اني قولتلك حاجه بس انت فعلا كلامك صح انا جرحتها وهي مستحيل تسامحني اكيد
كريم : مش عارف بس اللي قولته اكيد جرحها وانت عارف ان لارا بنت رقيقه جدا جدا يعني وحساسه زياده عن اللزوم
يزيد بخنقه : ياارب
كريم : فونك بيرن
يزيد : دي طنط نيروز
كريم : طيب رد يمكن فيه حاجه
يزيد : ماشي ورد عليها
نيروز : ازيك ي يزيد ي حبيبي
يزيد : الله يسلمك ي طنط في حاجه ولا اي
نيروز : الصراحه ايوا ي يزيد
يزيد بقلق : اي ي طنط في اي قلقتيني
نيروز : لارا
يزيد بقلق اكبر وتسرع : لارا مالها لارا هي كويسه تعبانه ولا في حاج...
نيروز مقاطعا : لارا كويسه بس مش مبطله عياط من امبارح عاوزاكي تيجي تشوف مالها انا عارفه انك اقرب حد ليها
يزيد في نفسه : كنت وخسرت مكانتي
نيروز : ها قولت اي
يزيد : جاي حالا ي طنط سلام بقى
نيروز : سلام
وقفل معاها
كريم : روح ليها وحاول تراضيها حاول علي قد ماتقدر
يزيد بتنهيده : حاضر
وخرج اخد عربيته لمكانه المراد به
*****************
ياسين : ندى
ندى : اي يسطا
ياسين : اسطا
ندى : وان كان عاجبك ياض
ياسين : عاجبني ي باشا والله كل حاجه منك حلوه
ندى : ميرسي
ياسين : لا مش لايقه بعد يسطا قولي تعالي اشرب كركديه مش ميرسي ابدا
ندى : ولا لم نفسك انا بنت كيوته من جوايا بس من بره بنت شبح اي غير كده لا
ياسين : احبك وانت شبح
ندى : تسلم هههه
ياسين : تسلميلي ❤️
******************
عند لارا
يزيد بصوت واطي : ازيك
نيروز : الله يسلمك هيا فوق اطلع لها
يزيد : ماشي
وطلع وفتح الباب براحه
ودخل وقفل الباب وراه
لارا بعصبيه : إنت اي اللي جابك
يزيد حط ايده ع بوقها : بطلي عصبيه ووطي صوتك
لارا : اخرج برا
يزيد : مش هخرج
لارا لفت وشها الناحيه التانيه
يزيد : انا اسف مكنتش قصدي
لارا بوجع : تقدر ترد ع السؤال اللي هسأله ووقتها اعرف انا قبلت اسفك ولا لا
يزيد : اتفضلي
لارا : لو عندك فازه جميله جدا ووقت عصبيتك او ف وقت عادي وقعت اتكسرت هتقدر تصلحها
يزيد فهم قصدها وقال بحزن : لا
لارا : انت كسرتني لميت حته ومش هتقدر تصالحني ف اتفضل اخرج بره ومعتش تشوفني تاني ارجوك لاني كده هبقي مرتاحه ابعد عن الله يخليك
يزيد : بس يا لار..
لارا : اخرررج برا
قام يزيد بكل قهر ونزل من غير حتى ما يرد على نيروز هز راسه ب لا وبس
( ومن بعد هذا اليوم لم تعد الحياه لها معنى بدونك ي رفيق دربي)
ركب عربيته وساق بأعلى سرعه ممكنه وصلل الشركه وبدأ ينقل كل حاجه ف دماغه بالشغل مش مقدرش
يزيد في نفسه : دلوقتي انا هحس اللي كانت بتحس بيه بسببي انا آسف
قطع حبل تفكيره دخول نيره
نيره بإهتمام : مالك ي يزيد احكيلي ي حبيبي
يزيد بخنقه : تعبان ي نيره
نيره : من اي
يزيد : مش هقدر اقول ومش عاوز احكي
قربت نيره بتلقائيه وبدأت فس تدليك راسه
نيره : اهدي وبطل تفكير
وفي اللحظه دي دخل كريم وشاف الوضع ونيره استأذنت وخرجت
كريم : توقع اللي كان دخل مكاني كانت لارا مثلا تقدر تقولي كانت هتفهم اي انت اي ي يزيد عقلك فين هاا اللي بيحب حد مش بيحب يتعبه وانت بدور ع وجع و تعب القلب وبتعمله ف نفسك قبلها ارحمها وارحم نفسك ي يزيد اكيد هتقولي انا بعتبر نيره زي اختي هقولك ماشي بس هل نيره بتعتبرك زي اخوها هقولك لا والف لا ي يزيد افهم وبطل غباء وعرف نيره ان مفيش حد متملك قلبك وعقلك وكل تفكيرك غير لارا
يزيد : خسرتها اللي ملكت كل حاجه فيا خسرته انا عارف ان غبي
كريم : اعترف لها
يزيد : ف الوقت دا بالذات مينفعش ي كريم
كريم : ربنا يصلح امورك ي يزيد
يزيد : يارب ي حبيبي
انتظروني ❤️❤️❤️
