قامت من نومها واخدت شاور وخرجت لقيت فونها بيرن
لارا وهي بتحاول تحسن صوتها : ازيك ي ماما
نيروز : الله يسلمك ي حبيبتي انتي عامله اي
لارا : الحمدلله ي حبيبتي
نيروز بشك : يارب دايما..... انتي صوتك ماله كده
لارا : ماله صوتي دا بس عشان لسه صاحيه من النوم من شويه
نيروز : تمام ي حبيبتي فوقي بقى لأننا جايين النهارده
لارا : تنوروا ي حبيبتي
نيروز : بنورك ي بنتي
وقفلت معاهاا
قامت بهدوء وخبطت على باب غرفته بس مردش
لارا بزهق : اوووف دا مش بيرد ليه وبعد تخبيط كتير فتحت الباب ودخلت
لارا وهي بتهزه : يزيد لقيت مش لابس التيشرت ومشغل المكيف قفلت المكيف
يزيد : عاوزه اي ي لارا
لارا : قوم لوسمحت اجهز لان اهلي جايين... ومتبقاش تنام بدون تيشرت والتكييف مفتوح لوسمحت
يزيد : حاضر ي لارا
لارا بلامبالاه : لااا
يزيد وهو بيقرب منها : هنفضل كده
لارا وهي بتحاول تتماسك : دا اللي هو ازاي
يزيد : والله ي لارا كل اللي حصل كان سوء تفاهم انا بحبك ي لارا افهمي
لارا بوجع : اهاا فعلا ع طول سوء التفاهم بيبقى مع نيره اهااا وانك تشك ف أخلاقي دا. بردو سوء تفاهم وانك تبقى عارف اني بحبك بس بتعذبني انت عاوز ايه عاوزني ارجع لارا كان نفسي والله بس انت قتلت لارا بإيدك قتلتها وقتلت حبها ليك
يزيد : والله ي لارا مكنتش اقصد كده وبعدين اناا كنت عاوزك تبقى مشغوله في دراستك وبس وبعدين كنت هاجي أتقدم ي لارا هو مش انتي بتحبيني يعني المفروض تصدقيني وشد فونه وفتح المسدجات اللي بينه وبين نيره هااا اي في كلمه حلوه مني قولتها لها
لارا : انت ليه عاوز تعذبني انا مش محتاجه اشوف اكتر من اللي شوفته انت لو كنت بتحبني كنت هتحافظ على حبي ليك بس انت دفنته ي يزيد
يزيد : لارا والله العظيم اللي مفيش أغلى منه اني احلف عشانه مفيش بيني وبينها اي حاجه وان كان فيه يبقى منها هي مش مني انا محبتش ولا هحب الا انتي
لارا : يعني انتي شايف ان ممكن يكون هي بتحبك ومع ذلك سايبها
يزيد وهو بيمسك ايدها : هنقلها قسم تاني متبقاش معايا فيه هعمل اي حاجه تريحك بس متبقيش كده اناا بتعذب والله بتعذب انا عارف انك عاوزه تنتقمي مني بس اني اشوفك بهتانه و بتعيطي ونبره صوتك مكسوره بتقتلني بتخليني عاجز اني اقدر اداويكي
لارا : طيب يالا عشان تجهز عشان اهلي جايين
يزيد : مش هتتكلمي وتقولي اي حاجه..
لارا : مفيش حاجه تتقال
يزيد : لا فيه ي لارا
لارا : عاوزني اقولك انا مسمحاك ي يزيد بالسهوله دي
يزيد : هعوضك
لارا : بعد اي
يزيد : افهمي اناا بحبك ي لارا بحبك انتي ليه مش راضيه تصدقيني
لارا وهي بتحط ايدها ع قلبه : اسأله وقوله لو كل اللي حصل بينك وبين نيره حصل معايا ومع شخص تاني كنت هتعمل اي اسأله الغيره هتولع. فيه وهيتجرح ولا لا كل الاجوبه عندك
يزيد : اناا عارف اني جرحتك بس صدقيني ي لارا مش هتتتكرر انتي حبيبتي وروحي وعمري وكل حاجه بالنسبالي انتي لو سيبتي قلبك هيقبل اننا نفتح صفحه جديده بس عقلك مش راضي يخليكي ترجعيلي وشدها لحضنه ودفن نفسه وسط سكونها وكأنها تصنمت وبدأت دموعها تنزل بدون صوت
بعد عنها لما حس بصوت شهقتها وهي بتعيط
مسح دموعها
لارا : انا خارجه هستناك بره
يزيد بحنو : تمام ي حبيبتي
لارا بلامبالاه : حبيبتك؟!
يزيد : اعطي لقلبك فرصه ي لارا اسألي قلبك وعقلك هل في صدق ف كلامي ولا يكذب
لارا في نفسها : في صدق ي يزيد بس ميمنعش اني لازم اتعبك شويه وخرجت بدون ما ترد عليه
وهو دخل اخد شاور وخرج لقى الفطار جاهز واكل
***************
غرام وهي بتسرح شعرها : اي مش ناوي تقوم
اسد بنوم : هقوم اهوا وقام وقف وراها
غرام : اي في اي
أسد : اي وباسها ف خدها
غرام بخجل : انتي مش ناوي تجهز صح اناا خارجه ومشيت كذا خطوه شدها اصتدمت ف صدره
أسد : اي ي رورو عاوزه تخرجي وتسبيني
غرام : تؤ تؤ انا عاوزه اخرج عشان انت تعرف تجهز
أسد وهو بيهمس جنب ودنها : بس
غرام : بس.. أنا هخرح بقي
أسد : لا خليكي نخرج سوا
غرام : أسد
أسد : عيونه
غرام : اجهز بسرعه وانا هحضر الفطار واجي ي حبيبي
اسد : حاضر ي قلبي
وخرجت غرام
غرام وهي ف المطبخ : وبعدين بقى اناا كده هموت وبدأت تهوى نفسها
نيروز : صباح الخير ي غرام في اي
غرام : مفيش دا اناا داخله احضر الفطار احضرلكم معايا
نيروز : لا ي حبيبتي سبقناكي
غرام : تمام ي حبيبتي
نيروز : اجهزوا بسرعه بقى عشان هنروح ل لارا
غرام : حاضر من عيوني
نيروز : تسلم عيونك وخرجوا وغرام دخلت للغرفه
غرام وهي بتنادي لاسد : أسد ي أسد
أسد وهو بينشف شعره : نعم ي روحي
غرام : يالا عشان هنفطر ونروح ل لارا
أسد : حاضر حاجه تانيه
غرام : لا شكرا ي حبيب...
فون أسد رن وهو بيأكل
غرام : مين
أسد : دي سهيله
غرام بغيره : هات الفون
أسد : اهدي كده اناا هرد عليها
غرام : خلاص اناا هقوم واسيبلك الاوضه واشبع بيها براحتك بقى
أسد : خدي ي غرام مش بكلم طفله امسكي
فتحت الفون وعلت الصوت
سهيله : صباح النور والسرور ي أسد
غرام : صباح النور ي حبيبتي
سهيله :صباح الخير ي هو انتي اسمك اي
غرام : غرام ي حبيبتي بصي هو أسد مش فاضي دلوقتي بس هوصله سلامك ماشي
سهيله بغيظ : اهاا ماشي سلام
غرام : سلام وقفلت معاها واعطيته الفون
أسد : محصلش حاجه تخليكي تغيري على فكره
غرام : ومين قالك اني غيرانه اصلا وبعدين دي بنت قليله الذوق والمفروض تحترم نفسها بقيت متجوز وكل شئ يختلف دلوقتي ولا انت عندك رأيي تاني
أسد : معنديش رأيي تاني طبعاا بس يعني اعرفي انك حبيبتي وانتي غيرتك هتهدي
غرام بضيق : انا مغيرتش بقولك الله
أسد : خلاص. ممكن متضايقيش
غرام : حاضر
أسد : يالا عشان نمشي
غرام : انت بتحبني
أسد : غرام انتي مجنونه
غرام : لا اناا مش مجنونه اناا مش عاوزه أحملك اكتر من طاقتك ومش عاوزاك تعمل حاجه انت مش عاوزها
أسد وهو بيرجع خصله شعرها المتمرده : أسد بيعشق غرام خليها ف دماغك وكل ما تلاقي نفسك عاوزه تسألي اسألي قلبك
غرام : بس كده
أسد : بس كده اناا بقول يالا نمشي عشان متهورش
غرام : هههه يالا ي أسد هروح بعدها ع الشركه صح
أسد : صح
ونزلوا سوا
ياسين بتمثيل : ما تبطل ل تجرحوا ف مشاعري وراعوا اني واحد سنجل ولوحدي ووحيد و...
أسد : بلاعه واتفتحت امشي ياله من هناا اي هتحسدني دا انت بجح
ياسين : مكانش العشم ي اسطاا
أسد : قولتلك ميت مره متقولش ي اسطاا. مش سواق توكتوك اناا.
ياسين : امشي ي عم
ومشيوا كل واحد ركب عربيته
ياسين : ما تيجي تركبي معايا
ندى : شكرا
ياسين : ي جدع
ندى : وحياه الجدع
ياسين : طيب ي ندوش تعالي اركبي
ندى : ماشي...وركبوا
وكلا من ابوهم وامهم ركبوا ف عربيه تانيه
وراحوا ل لارا
لارا ويزيد : ازيكم
الكل : الله يسلمك انتم عاملين اي
يزيد : الحمدلله بخير ادخلوا
ودخلوا قعدوا
نيروز : عاملين اي
يزيد : الحمدلله بخير
لارا : الحمدلله ي حبيبتي
وقعدوا يتكلموا طبيعي ولارا وغرام وندى دخلوا غرفه ولارا حكيت ع اللي حصل لأنها مش بتخبي عليهم حاجه وغرام غلطتها لاكن ندى وقفت معاها ف كلامها
ومشيوا راحوا ع الشركه كل واحد دخل مكتبه ادي واجبه بكل جديه الي ان حل الليل واسد طلب من غرام وندى يمشوا والسواق هيوصلهم
نزلت غرام وفجأه.......
انتظروني ي قمرات ورايكم الجميل بقى ♥️
