part1
"ملاحظه قبل مانبدا طبعا النوفيلا نقلا عن فيلم مصري يعني حاتكون حياتهم متفتحه ماتركزوش هلبا وتقولو كيف هكا مختلطين 😅"
شقه حلوة في احدى العمارات واقفين يرتبو في طاوله العشا ويستنو في ضيفتهم
ابراهيم:عالله تعجبك البنت وتتزوج نرتاحو منك
يوسف يضحك:اللي يسمعك يقول مربيني
ملك:القصه انه نبوك ترتاح وتستقر وتعيشي حياة حلوة زينا
يوسف:غادي زيكم قلتولي 😂😂 وينها صاحبتك عطلت رهو
رن الجرس
ملك:ابن الحلال
فتحت الباب
سارة:هاي
ملك:حبيبتي انستينا تفضلي
سارة خشت للصاله:مساء الخير
ابراهيم:اهلين كيفك
سارة:بخير
ابراهيم:نعرفك صديقنا الباش مهندس يوسف وهدي الدكتورة ساره
يوسف يشوفلها باعجاب:اهلا وسهلا تشرفنا
سارة:تسلم وقعمزت
ملك:انا بنجهز العشا وغمزت لراجلها
ابراهيم:خليني نشوف رنا شن دير"رنا بنتهم"
يوسف:ايي شن تخصصك
سارة:دكتورة قلب
يوسف:لا واضح قلبي تعب من اول خطووة ليك هنا وغمزلها 😉
سارة ابتسمت:انت وابراهيم وملك اصحاب من زمان
يوسف:ايه كنا دفعه وحدا في الجامعه وبعدها فتحنا مكتبنا الخاص
سارة:حلو
واستمرت الهدرزة بينهم يوسف يحاول يطيحها وهيا كان كل كلامها بتحفظ ورسميه
بعد العشا استأذنت وطلعت
ملك:ها شن رايك
سارة:عادي
ملك:يعني ماعجبك
سارة:عجبني وماعجبنيش يعني مش رح نرتبط بيه من اول لقاء بينا
ملك:اووف منك ومنه
سارة:بس هوا حلو
ملك:الله 😍
سارة:هههه غير راك تحكيله نفكر ونردلك خبر
ملك:اوك حبي باي
يوسف:فوته الموضوع
ابراهيم:تو تجيك ملك وتوريك اثبت وريحنا معاك
يوسف:اسكت وفكنا مرتك جت
ملك:ها قولي شن عجباتك
يوسف:نوض ركب البلايستيشن خلي نلعبو
ابراهيم:لا حاتربحني زي كل مره رد عليها
يوسف:شن بنجاوبك البنت طلقه بس مش مستعد نتزوج توا
ملك:لا عاد بعد تعبي كله تقولي ماتبيش انا تو نتصلك باللي تقنعك
يوسف:شوف مرتك والنبي تعبتني في عيشتي
ملك:ايوا يايمنى كلمي خوك رهو خلاص عجزت معاه هاك
يوسف خدي الهاتف ووقف:ايوا حبيبتي نعم شن تبيني نقولك كان تشوفيها كيف لاصقه فيا وذنها تقريبا في فمي 😅 تو نروح ونكلمك تمام
ملك:تتهرب
يوسف:بري شوفي بنتك يلا سلام
نزل وطلب اخته:ايوا ياودي عارفتيها ملك وسريبها مش عارف علاش تنقو على زواجي انا مرتاح هكي
يوسف يهدرز مع اخته ومنسجم قص الطريق بدون ماينتبه للسيارة اللي كانت جايه بسرعه وللأسف ضرباته و....
بعد ايام
في العيادة
دكتور:زي ماقلتلكم حالته ماتخوفش احنا رح نعطوه كورس علاج ونشوفو بعدها النتيجه وان شالله مانضطروش نلجؤو للجراحه
يمنى تبكي:يارب
دكتور:انتبه لدواك بالشفا وطلع
ابراهيم:شن تحس في روحك توا
يوسف:الدنيا كلها سواد مش قادر نشوف شي
ابراهيم:سمعت الدكتور قالك فترة وباذن الله ترجع زي ماكنت واحسن
يمنى:رح تتحسن ياحبيبي 😢
ملك:ان شالله
فاتت فترة يوسف نفسيته مدمرة مش قادر يتعود على الظلام اللي سيطر عليه مهما حاولو اخته واصحابه يطلعوه او يغيروله جوه مستمر مقعمز في شقته وبس
رن جرس الباب
فتحت يمنى:اهلا خش
ابراهيم:امير الظلام شن جوك
يوسف ضربه عاكتفه
يمنى:بالله ترد بالك منه وخليك ديما معاه
ابراهيم:معقولة توصيني على خوي
يمنى:غير كان جيت معاي لدبي
يوسف:توكلي يابنتي تعرفيني مانحبهاش بعدين معاي ملك وابراهيم انا تمام
يمنى حضناته:ربي يحميك حبيبي
ابراهيم:تبي نوصلك
يمنى:لالا طلبت تاكسي اكيد وصل
يوسف:توصلي بالسلامه بوسيلي الصغار
يمنى:اوك باي رد بالك
ابراهيم:حاضر
ونزلت يمنى سافرت لدبي
اما يوسف رجع لحالة الكآبه متعه
في السيارة
خالد:انا الموضوع مش رح نفوته وحانقعد نق عليك لين تقتنعي
جميلة:وعلاش ان شالله
خالد:لانه النقان تأثيره زي السحر 😂
جميلة ضحكت:لا والله
خالد:ايه وطبعا امك ماليهاش علاقه بالموضوع
جميلة:بهي والله امي هيا اللي قالتلك الكلام هدا وهيا قالتلك نق عليها
خالد:تبي الحق صح هيا قالتلي
جميلة:امي ونعرفها حافظتها حفظ
خالد:بهي اقتنعي وريحيها
جميلة:الموضوع يخصني ومانبيش
الساعه 9:30م
ابراهيم:درتلك خلقت ام عشا مش رح تاكل زيه طول حياتك هاك شد السندوتش
يوسف خداه وحطه قدامه عالطاوله
ابراهيم:خيرك
يوسف:ولا شي
ابراهيم:لامتا بتقعد هكا انت لازم تتعود عاوضعك وتتعايش معاه انشالله فتره وتتحسن ماتقعدش هكي متقوقع عاروحك
يوسف:ان شالله
ابراهيم:بهي تبي حاجه انا بنمشي
يوسف:لا منور
ابراهيم:الهاتف قدامك لو استحقيت شي عبدو ناديه يكلمني
يوسف:بهي
طلع ابراهيم روح
ويوسف قعد يتلمس لين وصل في ريموت التلفزيون فتحه وقعد يغير في القنوات لعل وعسى يلقا شي يسمعه ويندمج معاه
ثاني يوم
الساعه10:00
يوسف راقد في السرير حس بحاجه نقزت جنبه ونفس
طلع يده وقعد يتلمس زبطه كلب:شن هدا من جابه
رن هاتفه قامه وفتحه
ابراهيم:ها شن رايك في مفاجئتي
يوسف:زي وجهك علاش جايبلي كلب ياكلب
ابراهيم:هدا كلب مدرب حاينفعك
يوسف:ايح علينا والنبي سكر وفوتني
ناض من السرير قعد يتبع في الحيط لين وصل للمطبخ حاول يفطر بس ماقدرش يدير اي شي
مشي لداره خدي من لبسه اللي معلق لبس ونزل
عبدو "البواب":صباح الخير استاذ
يوسف:صباح النور قتلك فيه كلب فوق في الشقه والنبي اركب شوفه
عبدو:حاضر تبي نساعدك
يوسف:لالا معاي عصا اهو
عبدو::ماشي
نزل يوسف يبي يمشي للكافي اللي متعود يفطر فيها كل يوم ويشرب قهوته
وقف قدام العماره ويحاول يذكر تسلسل الطريق باش يمشي قص الشارع بسرعه خبط في الشجره
يوسف:الشجرة هدي مذكرها معناها توا يمين
واستمر يتبع في الطريق ويمشي لين بوووم
خبط في شخص لين طاح وتبزعت عليه القهوة
جنيلة:اوووف مش تفتح عيونك وانت تمشي مش معقوله القهوة تبزعت كلها
يوسف:وانتي خيرك ماتشبحيش انا اعمى
جميله:بلا براده
يوسف بعصبيه:هدا موضوع يتبصر فيه انا بجديات اعمى جديد
جميلة تحشمت:اسفه بجد ماركزتلكش
يوسف:والعصا
جميله:العصا مسكره يااستاذ
يوسف:كله بسببك مش مركزه
جميله:باه خلاص قلنا اسفه وين كنت ماشي انا
يوسف:كافي بونجور
جميله:اممم هيا من هنا قريبه خلاص تعالا نرفعك
يوسف:طبعا ترفعيني ويالله نسامحك على عملتك
جميله:خلاص عاد قتلك بنساعدك
وصلاته للقهوة ومشت
بدر"يخدم في القهوة ويعرف يوسف":اهلا اهلا استاذ
يوسف:اهلين
بدر:وين تبي تقعمز
يوسف:داخل وجيبلي قهوتي
بدر دخله:حاضر دقايق بس
رجع يوسف للحوش بعد ماشرب قهوته وبنفس الصعوبه اللي مشا بيها للكافي
وصل
عبدو:الحمد لله عالسلامه يااستاذ
يوسف:شن صار في الكلب
عبدو:احم ااه ماشي حاله
يوسف:شن وضع الشقه
عبدو:كويسه جدا ومرتبه
يوسف وصل قدام باب:متأكد
عبدو:ايه ايه "يكذب 😂"
تمر الايام ويوسف بدي يتعود على وضعه ويطلع بروحه الا الكلب كل يوم دايرله عمله وقالبله الحوش 😅
وفي الفتره هدي يتلاقا مع جميله كل يوم في الكافي هيا تحاول تحكي معاه بس متردده وهوا مركزلها من ريحتها اللي حفظها
وفي يوم .....يتبع
