part3
جميلة فتحت عيونها بصدمة:يانهار اسود
يوسف:كلبة المستشار موجودة
جميلة:مستشار مني هدا انت كيف عايش هكا
"الحوش كله مقلوب ومسخ وحاجات المطبخ كلهم في الصاله "
يوسف:معناها مش هنا
جميلة:انت احسن ماتشوفش اه انا اسفه نوعدك كل حاجه رح ترجع تمام ويتنظف كل شي
يوسف:تمام
جي الكلب
جميله:الله محلاه شن اسمه
يوسف:مانعرفش انتي شن رايك
جميله:امممم شكله يمشي معاه فلافي
يوسف:حلو فلافي هدا
جميله:بهي انا بناخده توا تمام
يوسف:اوك يا بخته الحق بس خوديه ريحيني منه
جميله:يلا باي
يوسف سكر الباب وتنهد براحه
خش للصاله وفجأه ينفتح الباب
جميلة شافاته:باش مهندس
يوسف:انتي رجعتي
جميله:نسيت مفتاح الشقه عندي جيت بنرده اهوا تلقاه عالمدخل باي
يوسف:باي باي
ثاني يوم يوسف مشا للكافيه وجميله جابت الشغالات متع حوشهم باش ينظفو ويطيبوله
واقفه وتكلم فيه عالهاتف:ايه لالا ماتفكرش فينا نعرفو كل شي
كوثر:الشغاله":خودي ذوقيه وقوليلي
جميله كلت:تمام
كوثر:شن يعني كويس ولا نعدله
جميله:ياودي كويس بري
يوسف:ها شن فيه
جميله:تعرف كوثر دارتلك خلقت اطباق روعه
يوسف:بهي كثر خيرها
جميله:اسمع انا بنتأخر عليك شويه ولا نقولك شن رايك نرفعك معاي
في دار الايتام مقعمزة جميلة تحكي للصغار في قصه ويوسف مقعمز بعيد في تركينه
كملت:شن رقدتو
الصغار بصوت واحد:لالا
جميلة:مليتو
لصغار:لا
جميلة:بهي نحكو قصه ثانيه
الصغار:لالا
جميلة:بهي برو العبو
ادهم:منو هدا
جميلة:صاحبي
ادهم:لا انا بس صاحبك
جميله:حتا هوا صاحبي شويه مش هلبا زيك غير ما تغارش بس
خشت بنت نادتها
جميلة:شويه ونجي انا
يوسف:ماتعطليش
جميلة:تمام
ادهم قعمز جنبه:انتو صحاب من زمان
يوسف:لا
ادهم يحرك في يده قدام وجهه:انت بجديات ماتشوفش
يوسف:ايه
ادهم:بهي كيف تتكلم معاي
يوسف:يعني انت لو سكرت عيونك مش رح تقدر تتكلم
ادهم:اممم بهي انت شن لابس
يوسف:لابس سروال جينز وقميص
ادهم:كيف عرفت
يوسف:لاني انا لابسهم لكن مانعرفش انت شن لابس
ادهم:ولا تعرف شكلي
يوسف:ولا شكلك
ادهم:ولا شكل ابلة جميلة
يوسف:ولا شكلها
ادهم:مالا كيف بتتزوجها
يوسف:شن الكلام هدا هيا مش توا قالتلك اني صاحبها
ادهم:يعني الصحاب مايقدروش يتزوجو
يوسف:لا يقدرو بس انا وجميله مانبوش نتزوجو
ادهم:اممم باه
يوسف:خلينا توا من الزواج قولي هيا كيف شكلها
ادهم:لا مش حانقولك
يوسف:غير قول ونوعدك نجيبلك حاجه
ادهم:تجيبلي شكلاطه
يوسف:حاضر هي قولي
ادهم:طويلة هلبااا ورجلها طويله عيونها خاشه داخل وفمها كبير وخشمها مدور
يوسف مصدوم:خلاص ياحبيبي خلاص
ادهم:ايه وحاطه رووج
يوسف:غير شن فايدته الروج
جميله خشت:ها بديتو صحاب
يوسف:مش هلبا الصغار مايحبونيش
جميله:واضح هي مشينا
يوسف:عافكرة الرووج حلو
روحت بيه للحوش
جميلة:ركز معاي الدجاج في المايكرووييف سخنهم شويه بس والعصير في ثاني رف في الثلاجه
يوسف:ثاني رف
جميلة:في الثلاجه
يوسف:تمام ايه
جميلة:اوك ولو تمت الماكلة عادي تجيك كوثر وطيبلك ثاني
يوسف:تمام منورة والله
جميلة:انا لازم نمشي توا تأخرت
يوسف:شكرا
جميلة:ايه والدوا بعد الاكل ماتنساش
يوسف:مش حاننسا
جميلة:تمام باي
يوسف فتح قميصه وحوله
جميله خشت ثاني عيطت:شن هدا امتا لحقت تنحي
يوسف:شن ردك
جميلة:انا حطيتلك مفتاحك عالطاوله بهي راك تنسا
يوسف:اوك
فاتت ايام وعلاقتهم بدت تقوا بالشويه وبدو شبه طول الوقت يحكو
يوسف عالهاتف:مش عارف كيف نشكرك انا من لما درت الحادث مافرحتش هكا يعني الاكل و النظافه والكلب اللي خديتيه حتا هاتفي اللي بديت عارف نتعامل معاه واليوم الحلو اللي قضيته معاك في الدار صح ماعنديش خلوق للصغار بس فات يوم جميل وادهم شكله يحبك هلبا عموما تصبحي عاخير
بدت كل يوم تطلع فيه مشاوير وتغيرله في جوه
مشت خدتله نظارات وعصا جديدة وعوداته على هلبا حاجات كيف يقص الطريق ويدير ماكلته ويوكل الكلب
الساعه10:30ص
جميلة دور:ماما ياماما
جتها سعاد:نعم
جميله:ماشفتيش كتابي
سعاد:لا اسألي كوثر ماهي بدت تعرف عليك اكثر مما بديت نعرف عليك انا
جميلة:ياسبحان الله لشن تبي توصلي
سعاد:علاش ماترديش على خالد
جميله:يادي خالد بهي ياماما نوعدك نرد عليه ونطلع معاه نهدرزو بهدوء
سعاد:بدوني 😧
جميلة:الله اكبر معاش عرفت شن يرضيك انا خليني توا نمشي وبعدين نتفاهمو وعد
سعاد:ماشي يابنتي
جميله:ياكوثر 😡
بعد وقت في الكافي
يوسف:خيرك عطلتي
جميله:اه والنبي اسكت كوثر هدي مستفزتني جدا
يوسف:علاش خيرها
جميلة:قعدت ندور في كتابي ساعه مش عارفه وين تقيم في حاجات معادش نلقا في شي
يوسف ضحك:زي اختي بالزبط كان بديت نقرا في كتاب وحولاته هيا ننساه بكل بعد سافرت قعدت وقت مانلقاش في حاجاتي
جميله:انت اختك مسافره
يوسف:ايه في دبي ليها فتره مستقره
جميله:وانت ماسافرتش معاها علاش
يوسف:طبعا هيا مستحيل تخليني قعدت فتره تقنع فيا نسافر معاها قعدت فتره غادي بس ماتعودتش
جميله:امم حتا اني مانحبش السفر بكل مع اني مهاجرة
يوسف:كيف شن مهاجرة بتسافري وترجعي يعني
جميله:لالا مهاجرة مره وحدا فوتك مني توا قولي شن قالك الدكتور انت عالدوا وعيونك
يوسف فهم انها تتهرب اتكا عالكرسي وسكت
سعاد:انا مش عارفه ياولدي خيرها بدت تتهرب هلبا هكي والله نحاول طول الوقت نخليها تكلمك
حالد:عارف ياخالتي ومقدر بس انا خايف
سعاد:حتا انا خايفه زيك وكل مانسألها ماتردش
خالد:انا نحاول معاها ثاني ونوعدك مانسيبهاش
سعاد:ارجوك ياولدي ماتخليهاش
يوسف مقعمز ويديروله في كشف
دكتور:افتح عينك كويس
يوسف:ها شنو
دكتور:فيه تحسن خفيف بس بتكمل الدوا وبنعطيك دوا غيره تمشي عليه
يوسف:التحسن الخيف هدا بيخليني نشوف ولا شنو
ابراهيم:اهدا وخلينا نفهمو منه
دكتور:انا فاهم التوتر اللي انت فيه
يوسف:انت مش فاهم حاجه يا دكتور
دكتور:بهي اسمع في شي بنديروه بس مضطر تصبر معاي
يوسف:موافق
ابراهيم:علي شنو عمليه ولا كيف
دكتور:لا مش عمليه بس فيه استشاري اجنبي جاي بعد ايام ورح ناخدو رايه فيه اجراء يدير فيه هوا ورح يخليك تقعد في المستشفى ايام شن رايك
يوسف:تمام
عند جميلة بعد جهزت روحها طالعه بالشويه باش ماتحسش بيها امها لكن للأسف
سعاد:يابنت
جميله:استغفر الله نعم ياماما
سعاد:وين ماشيه بلبسك هدا
جميله:طالعه مع اصدقاء
سعاد:اللي هما منو
جميله:ملك وراجلها ابراهيم ويوسف
سعاد:يوسف منو
جميله:يوسف ياماما اكيد كوثر حكتلك عليه
سعاد:لا والله ماك موصيتها كل مانسألها تتهرب
جميله:ياماما عادي هدا واحد نساعد فيه
سعاد:واللي تساعدي فيه مخليك ماترديش على خالد
جميلة:بهي مش رح ندير شي لين نروح ونحكو في الموضوع هدا
سعاد:ماشي
جميله:فصلتيني من المود كنت طالعه مبسوطة
سعاد:بهي اياك تتأخري
جميله:امي وحافظاتك ماشي
في مطعم مقعمزين يستنو
يوسف:متوتر ويحرك في الشوكة ورجله
ابراهيم:بعدين هدي روحك
يوسف:الساعه كم
ابراهيم:9الا ربع لكن مش احسن لو قعمزنا احنا مقابل الباب باش نشوفوها
يوسف:وهيا كيف بتعرفك يا ذكي لو قعمزت مقابلها
ابراهيم:اه صح ممكن لما تخش ماتعرفناش وتقعد دور وتصير لخبطه
يوسف:علاش تزوجتيه هدا ياملك
ملك:توزيع ارزاق شن بندير نصيبي
ابراهيم:بالله عموما احنا الزوز نصيب بعض قولي ماعندكش صورة ليها
يوسف:راجلك شديه عليا
ملك:اهي شكلها جت
يوسف:لالا مش هيا
ابراهيم:نعم وانت كيف عرفت
يوسف:لو هيا كنت شميتها
ابراهيم:ياسلام شفت الكلب كيف دارلك فايده سبحان الله نفس الحاسه
يوسف خدي نفس:اهي وصلت
ابراهيم وملك قعدو مركزين عالباب ماشافو حد
لحظات وقفت جنبهم
جميله:مساء الخير
يوسف وقف:اهلا
جميله سلمت عليه:كيفك
يوسف:تمام وانتي
ملك مركزة معاهم كيف مبتسمين
جميله:اهلين تشرفنا
ابراهيم:اهلا وسهلا
جميله:اكيد انتي ملك
ملك ضحكت:ايه
جميله:شكلي تأخرت عليكم
ملك:ابدا
جميله شدت يد يوسف وساعداته باش يقعمز وبعدها قعمزت في مكانها
يوسف:هي نطلبو لاني جعان بكل
ابراهيم صفق بقوة:ياا معلم
جميله انخلعت:شن هدا
يوسف:ماتركزيش. هوا هكي
في الحوش سعاد قررت دير تحقيقاتها
كوثر:نعم يامدام
سعاد:شن قصه يوسف
كوثر:يوسف مني
سعاد:انا اللي سألتك
كوثر:شن سألتي
سعاد:تستعبطي انتي تعرفيني مانحبهاش الحركات هدي
كوثر:يامدام انتي سألتيني وانا مارديتش!!
سعاد:قعمزي
كوثر:لا مانبيش رجليا مش واجعيني
سعاد:قعمزي قتلك
كوثر:انا عارفه شن وراها التقعميزه
سعاذ:احكيلي هي
كوثر:انتي عارفتني مانحبش ندس عليك شي
ملك:بس بعد جبت بنتي قعد شعري هكي كيرلي
جميله:حتا انا شعري زيك كان
ملك:بجد بس اهو توا حلو
جميله:غير انا فارداته
يوسف مد يده بياخد الميه
جميله سبقاته وقربتهاله وقعدت مركزه معاه لين شرب وردها مكانها
ملك وابراهيم:مركزين معاهم كيف تتعامل معاه وكأنها حفظت تفاصيله بدون مايحكي
جميله:تجي معاي للحمام
ملك:لالا
جميله:تمام انا ماشيه شويه ونجي
يوسف:اوك
جميله مشت خطوتين وبترجع تاخد شنطتها وقفت لما سمعتهم.......يتبع
