ဘရောင်းကီကို အစာကျွေးပြီး ခြံထဲက နေကြာပန်းခင်းအသေးလေးကို ရိပေါ်ရေလောင်းနေရင်းက အိမ်ထဲက ရေနွေးအိုး ဆူသံကြားတာမို့ ရေပိုက်ကို အမြန်ပိတ်လို့ အိမ်ထဲ အသည်းအသန် ပြေးဝင်ရတယ်။ အိမ်ရှေ့က စားပွဲပေါ်မှာ ပုံ့ပုံ့ကြီးအိပ်နေတဲ့ ကြောင်ဖြူလုံးက ဆူညံတဲ့ခြေသံတွေကြောင့် စူပုတ်ပုတ် လှမ်းကြည့်တယ်။ ရိပေါ် ရေနွေးအိုး တည်ထားတဲ့မီးဖိုကို မြန်မြန်ပိတ်ပြီး ဘလက်ကော်ဖီတစ်ခွက် ဖျော်လိုက်တယ်။ ပြီးတော့ စာအုပ်တစ်အုပ်ဆွဲလို့ အိမ်ရှေ့ပြန်ထွက်လာပြီး သစ်သားဝရံတာလေးက ခုံပေါ်မှာ စာထိုင်ဖတ်နေလိုက်တယ်။
ရိပေါ် ဒီနေရာလေးကို ရောက်နေတာ သုံးလ ရှိပြီဖြစ်တယ်။ ခြံကျယ်ကျယ်ထဲ အိမ်ရှေ့ပိုင်းမှာ နှစ်ကန့်ခွဲထားပြီး တစ်ကန့်က ခပ်ကျယ်ကျယ် ဧည့်ခန်းလေး၊ တစ်ကန့်ကတော့ မီးဖိုခန်း၊ နောက်ဘက်မှာ အိပ်ခန်းတစ်ခန်း၊ ရေချိုးခန်းနဲ့ အိမ်သာတစ်ခန်းပါတဲ့ အိမ်လေးက သစ်သားနဲ့အုတ် ရောဆောက်ထားတာဖြစ်တယ်။ တစ်ထပ်အိမ်လေးဖြစ်ပေမယ့် အိမ်ရှေ့မှာ သစ်သားဝရံတာလေးလည်း ပါတယ်။
ခြံဝန်းက အတော်ကျယ်ပြီး အိမ်အဝင်လမ်းလေးရဲ့ ညာဘက်မှာ ရိပေါ်က နေကြာခင်းအသေးလေး ပျိုးထားတယ်။ ဘယ်ဘက်မှာတော့ ခွေးအိမ်တစ်လုံးရှိတယ်။ ဒီအိမ်လေးက သိပ်မကြီးလှတဲ့မြို့လေးရဲ့ အပြင်ဘက်မှာ ရှိတဲ့ အိမ်ကလေးပဲ။ ခြံကထွက်ပြီး ညာဘက်ကိုသွားရင် မြို့လေးထဲရောက်မှာဖြစ်ပြီး ဘယ်ဘက်ကိုသွားရင်တော့ နေကြာရိုင်းခင်းကြီးဆီ ရောက်မယ်။ အဲ့ပန်းခင်းကိုရောက်တိုင်း ကောပန်းချီဆွဲလို့ ကောင်းမယ့်နေရာမျိုးပဲလို့ ရိပေါ်တွေးမိတတ်တယ်။
ခွေးအိုကြီးဘရောင်းကီနဲ့ ကြောင်ဖြူလုံးကောင်ကတော့ ရွာထဲကနေ ရိပေါ့်နောက်တကောက်ကောက် လိုက်လာကြတာပဲ။ ရိပေါ်က နှင်မထုတ်တော့ သူတို့ကလည်း မပြန်တော့။ အဲ့လိုနဲ့ ရိပေါ်ကလေးအဖေကြီး ဖြစ်ခဲ့ရတယ်။ မယုံမရှိနဲ့။ အိမ်မွေးတိရစ်ဆာန်တွေက ကလေးတွေလောက်ကို အလုပ်ရှုပ်တယ်။ အစာကျွေးရ၊ ရေချိုးပေးရနဲ့။ အထူးသဖြင့် ဖြူလုံးကောင်က တော်တော်ဂျီးများတယ်။ တော်ရုံဟာ မစား။ သူ့ကြောင့် ရိပေါ် တော်တော်လေး ခေါင်းစားခဲ့ရတယ်။ ကြောင်ဖြစ်ပေမယ့် ငါးမစား၊ ပုစွန်မစား၊ ကြောင်စာမစားနဲ့။ နောက်ဆုံး ထမင်းကို နွားနို့ဆမ်းကျွေးမှ အဆင်ပြေသွားတော့တယ်။
YOU ARE READING
You don't need to find a reason [Completed]
Fanfiction(Both of Unicode and Zawgyi are available) You don't need to find a reason to come back to me. Because you are the most perfect reason for me, Ge Ge. Mini-story
![You don't need to find a reason [Completed]](https://img.wattpad.com/cover/234897648-64-k178317.jpg)