نوفيلا 👈وقعت لك[مكتمله]

9

وقعت لك

9
👑الحمد لله .. لا إله إلا الله .. لا حول ولا قوه الا بالله👑

مر الاسبوع الاول بصعوبه ووجع علي غزل وعاصي

ومر علي قصي بحزن و صدمه .. ممنوع من زيارتهم

...

الاسبوع الثاني

غزل كانت تبكي في غرفتها ليدخل الطبيب النفسي المختص بحالتها

الدكتور: بتعيطي ليه يا غزل
غزل : عايزه اشوف عاصي ...

الدكتور: مش هينفع دلوقتي
غزل: ليه ، هشوفه واكلمه خمس دقايق بس ، ارجوك

نظر لها ليفكر قليلا فعاصي رفض الاكل وحالته سيئه جدا ..

الدكتور: غزل انتي ليه ادمنتي
غزل بدموع: كنت عايزه انسي كل حاجه حصلتلي
..

بدات تحكي للطبيب عن حياتها وكم عانت

الدكتور: بس اللي عملتيه ده مش حل ، انتي كده آذيتي نفسك ..

غزل: مكنش في حل تاني

الدكتور: كان في حل احسن ، انك تساعدي نفسك وتساعدي ابن عمك .. حتي لو معرفتيش تحبيه كزوج . كان ممكن تحبيه كاخ وكصديق وتبداو حياه جديده مع بعض ..

غزل: كل اللي كان في بالي وقتها عايزه انسي ، مفكرتش في عواقب اختياري وله ان كده ممكن ادمر مستقبلي ..

الدكتور: في ايدك ترجعي احسن من الاول ، ساعدي نفسك واتغيري ، علشان تعرفي تساعدي غيرك

نظرت له بصمت .. ليكمل جلسته معاها

........

في غرفه عاصي كان متكور علي نفسه وهو يرفض الاكل جسده هزيل بطريقه صعبه بدا السموم تخرج من جسده ولكن شعوره بالذنب بما فعله بها يجعله يريد الموت

ينظر الي الامام ولا يتحرك

فتح الباب لتدخل غزل برفقه الطبيب. وهي ترتدي زي المصحه. لتراه هكذا نظرت له بدموع

الدكتور: انا جبتك هنا علشان وعدتك ..

غزل: هو عامل كده ليه

الدكتور: رافض الاكل ومش بيتكلم مع حد

اقتربت من الفراش لتمسد علي شعره وهي تبكي

غزل: عااصي .. عاصي رد عليا ..انا غزل

نزلت دموعه ولم يجيب

جلست بجانبه : انت كمان هتمشي وتسبني ، هتخلف وعدك ليا

لا رد منه

نظرت للدكتور بدموع: مش بيرد عليا
الدكتور وهو ينظر له : شكله مش عارفك

غزل: لا ، عاصي انت عارفني صح .. انا غزل