نوفيلا 👈وقعت لك[مكتمله]

13

وقعت لك

13
👑 سبحان الله وبحمده ...سبحان الله العظيم 👑

في اليوم التالي

كان الصمت هو سيد الموقف  بينهم ..

تجمعو مع سعاد وقصي.   

سعاد: عندي ليكم خبر حلو اوي
غزل: خبر ايه

سعاد. : هنروح نخطب لقصي
. فرحت غزل و عاصي. : مبروك يا قصي

غزل بفرحه:  ده خبر جميل .  هنروح امتي نخطبله ومين هي العروسه

نظر لهم وابتسم بصمت

سعاد: العروسه تكون هدير
غزل: صاحبتي .  بجد . ده احلي خبر

قصي:  دي فرحانه لصحبتها
  عاصي: اه .. شكلك هتدبس

نظرت لهم بغيظ: ايوه .  مالها بقي صاحبتي دي عسل ع فكره وخساره فيك 

رفع حاجبيه : خساره فيا .. طيب تصدقي شكلها مقلب زيك

عاصي ضحك: مقولتش حاجه انا

نظرت الي سعاد التي تضحك عليهم :  يرضيك كده يا ماما .  انا مقلب

سعاد: لا يا قلبي . هما اللي مقلب .

غزل: شفتم .  انتم مقلب .. وعلي فكره بقي ممكن هي متقبلش .  اصلا
عاصي : لا بقي معلش .  ده قصي اي واحده تتمناه

غزل : ما عدا صاحبتي
قصي : اجري .. هي تطول .

غزل: اه تطول .   مش صاحبتي

سعاد : نتكلم بجد بقي .  كلميها و شوفي هتقولك ايه . لو موافقه هاتي رقم باباها  قصي يكلمه

غزل : حاضر يا ماما . هقوم اكلمها

.    ..........

غزل وهي تتحدث علي الهاتف: بت بقولك ايه .. جايلك عريس

هدير : عريس مين ده . وشافني فين وبيشتغلك ايه . وشكله ازاي .. اقولك انا مش موافقه

فتحت فمها : ايه.  كل ده.  اهدي علي نفسك شويه .  وبترفضي كده من اولها

هدير : كار الارتباط ده مش كاري

غزل : يا متخلفه . كار ايه انا بقولك اشتغلي رقاصه .  وبعدين ده العريس كويس
هدير : هو مين اصلا

غزل : قصي .
ابتسمت هدير فهي كانت معجبه به.

غزل : ما اسكت الله لكي صوتا !!
ضحكت هدير : احم .   بتكلم اهو

غزل : اكيد غيرتي رائيك .  صح
هدير : بس بقي بتكسف

غزل:  انتي بتتكسفي يا كلبه .  موافقه وله اقولهم لا .  ها
هدير : مش عارفه

غزل بمكر  : خلاص هقول مش موافقه
هدير : هو انا قولت لا

ضحكت غزل :  طيب هقول اه . واحلي حاجه انك هتتجوزي هنا معايا في نفس البيت وهنقرف بعض براحتنا