#زواج_على_الورق
#الجزء_السادس_والاخيرر
وكيف بنمشي مسكني من يدي وقالي مريم اول مره يناديني بي اسمي قبل ديما انتي ياهو نكلم فيك
وقفت من غير مانحكي
قالي اني عارف اني غالط وظلمتك معاي كنت قاسي عليك ومع هذا انتي وقفتي معاي لما طاحت بيا مالقيت حد الا انت
مسكت دموعي وحاولت نستقوى مانبيش نبين نفسي ضعيفه قلتله اني نخدم بي اصلي وماتفكرش يوم خدمتك اني نبيك تلتفتلي
قالي سامحيني نبدو حياة جديده نوعدك حانعيشك اميره اعتبري ما شي صار
قلتله شن تقول انت انت ناسي اول يوم يوم بكيت بي عبرتي كسرتني ومشيت تتصل بي حبيبتك
ولاه يوم قلتلتي ماتحاوليش تغريني ولاه كلامك القاسي زي النار وتروح عقاب ليل ووصلت الوقاحه روج على سوريتك وتقولي سامحيني
افتح عيونه وقالي روج شنو وربي مالمستها انتي شن تقولي صح كنت نبيها ونحبها كنت مغشوش وقفت في وجه بوي وامي عاخاطرها كانو رافضينها لانه مش ليبيه وعايشه في شقه بروحها كانو يقولولي اكيد صفتها نعتها وماسمعت لي حد منهم تزوجتك غصب ومع هذا حبيتها وكنت عند وعدي مالمستكش حتا عاخاطر نحبها لعند شفت كلام امي صح بنت في شقه بروحها وحده عاهرا
اني واقفه نسمع ومصدومه
قالي اني والله موقف ما راح من بالي كيف انغشيت فيها كرهتها استقرفت منها
قلتله مش مهم اني حانقعد على نفس اتفقنا اخوا زي ماطلبت انت لعند نطلقو بي معروف
ومشيت
خليت عنده هلبا كلام ومصدوم في كلامي اول مره نشوف روحي قويه وقادرة نحكي بي ثقه كنت من داخل مكسورا
خشيت دوشت واني نتفكر لي كلامه ونفكر كيف حانطلق منا به شن سبب يلي سبب طلاق حنقنع عيلتي بيه كان دماغي مشوش
طلعت جففت شعري ولبست وخشيت لي دار خديت استشوار ماحولش عيونه من عليا واني لا مبالاة طلعت واستشورت شعري ودرت قهوا واني نخمم كيف حايكون مصيري خش عليا في المطبخ طلعت وقف قدامي ولصق فيا وحط يديه على خصري حسيت بي شعور غريب وكيف قرب حولت يديه وطلعت على طقت الباب لبست وشاحي وفتحت ونلقاه نادر عيطت بقوا وحضنته واني نقز نقوله مش مصدقه امتا روحت
نبكي من الفرحه
نادر كان مضبطني ويقولي استاحشتك يافرخه تعرفي امس وصلت قلت نديرهالك مفاجاءه ونجي نتعشى عندك كان نلقى عشي
قلتله احلا عشي نديرهولك خش
شفت لي منتصر قلتله خوي اليوم عندنا متعشي مش مصدقه والله
واني مضبطه نادر
سلم منتصر على نادر وقاله تشرفنا امتا روحت
شبحت لي نادر وعيوني دموع من الفرح قرصني من خدي قاله روحت امس شفت امي وبوي وقلت نجي اليوم لي مريومه
