#زواج_على_الورق
#الجزء_التاني
قالي اني مش راضي على زواج هذا تبي نعيشو كأنه خوت تمام كان هذا نحاول نفصلو الزواج هذا بي كل ود
كنت مصدومه ونشوفله مش مستوعبه ودموعي ينزلو قلتله علاش شفتني في نظره شرعيه علاش ماقولتش من الاول علاش توا جاي بعد خلاص قريت الفاتحه عليا
قالي اني مش موافق بوي عاخاطر صاحبه وشريكه في الشركه هوا يلي دار هذا كله حتا باش يمنع انه تزوج بي البنت يلي نحبها تقدري تعبري زواجنا على الورق بس
قعدت نبكي ونتحسب في داخلي طلعت من دار وخشيت لي صاله صكرتها وكبيت على ركبيا وقعدت نبكي
علاش هكي حضي علاش شن غلطت اني
مارقدتش هذاكا اليوم
لعند جي صبح خالتي اتصلت بيا مابيتش نرد عليها
طلعت خشيت لي حمام غسلت وجهس كان احمر وعيوني زي طماطمه ومنفخات واني طالعه هوا بيخش
درت روحي ماشفناش
خشيت لبست بدلة الصلاة وطق الحوش كيف ماشيه بنفتح
قالي استني
وقفت قالي ماتقولي شي لو تبي روحك تقعدي وماتخشيش في مواضيع تانيه خليك عاديه لعند نشوف الوضع هذا امتا بيكمل
مارديتش عليه اصلا كنت هذا يلي بنديره
فتحت الباب كانت عزوزتي جايبه سفره قالتلي صباح الفل على كنتي وين منتصر قاعد راقد
ابتسمت فوق من نفسي قولتلها صباح الورد علاش متعبه روحك عمتي وخديت منها السفره وقولتلها صحيتي
قالتلي شن صار
نزلت راسي وقلتلها تمام
فرحت وزغرطت ونزلت سكرت الباب ودموعي نزلو لقاني منتصر شوفتله وعيوني معبيات دموع وهزيت راسي
كنت نيه هلبا حطيت سفره في المطبخ وخشيت لي صاله
فاتو يومين
ومنتصر مش محسسني انه عايشه معاه واني نلبس قدامه في وشاح
مع ليل خشيت لي دار بناخد البطانيه
قالي ارقدي اهني اني بنرقد في صاله خدي غطاه وتليفونه وطلع
قعدت نبكي ونتفكر لي كلام بوي يلي يشكر فيه وكان واتق فيه كأنه ولده
نوم طاير مني لا ناكل لا نرقد باه سمعته يتكلم بي تليفون
نضت لقيت صاله مسكره وقفت قدام الباب سمعته يقولها والله نبيم انتي اني مالمستهاش حتا لمس زي ماوعدتك مانبداش راجل لو لمستها تي اختي اهيا عايشين زي الخوت واحسن شي تفهمتني
دموعي نزلو حسيت قداش ما مضحكه اني اني مجرد رهان فقط
وكيف بنمشي
قالها والله لي اخر يوم حانتزوجك اني نبيك نحبك يا غزل
حكيت يدي على فمي وقعدت نبكي
............. ............ .........
كل يوم يكلم فيها واني كأنه مايشوفش حتا فيا
نمتلو قدام اهله واهلي بس
قلبه وعقله مش معاي
وقفت قدام المرايا
علاش هكي انتي يامريم معقوله لي هالدرجه مضحكه ومش عاطيك اهميه شن نهايته الموضوع الايام تفوت من عمرك من غير اي فايده انتي اداة فقط حتا يتزوج يلي يحبها
انتي زوجته تعرفي شن زوجته انتي احق
به زوجته بس هوا مش معبرني مش مستعرف حتا بيا
خشيت دوشت واستشورت شعري وحطيت برفان ومكيجت
ولبست شورط قصير كيبو ومعاه صدريه لونها احمر
شفت لي مرايا
كنت خايفه يجرحني ويكسرني بي كلامه ونطلع بلا كرامه
كنت بنغير انفتح الباب
تلفتت و
يتبع
ترقبووزوني
