هاييي 😘
علابالي كامل رايحين تسبوني 😂 ديجا عندكم الحق نجي نسب روحي معاكم 😅 ديزولي حبوباتي طولت عليكم بزاااف 😥 بصح اكم تعرفو مع القراية و الضغط نتاع الشغل و دنيا و زيد انا بيام يسما معنديش كامل الوقت نشد تيليفوني 😭 مساكن حنا 😁 ياااه حقا شفتو صوابعي فالتصويرة لي لفوق 😅 اول مرة تصلحلي تصويرة 🤣
الموهيم طولت عليكم ايا نبداو بالموضوع نتاعنا لي هو الروتين الليلي 💫:
ملاحظة: هادا الروتين الليلي مش المسائي ❤
1_انا عندي الليل يبدأ كي ياذن المغرب 🙂 و انا فهاداك الوقت هاداك وين نكون راجعة من المسيد 🙄 الموهيم ندخل للدار و نبدل قشي نلبس بيجاما و نفك شعري (الحرية 🤣)'
2_تاني حاجة هي انو نروح نغسل يديا بيان و وجهي تاني مبعد نتوضا و نصلي الصلوات لي فاتوني 😍
3_ الحاجة تالتة لي نديرها هي نروح نقرا قرآن صفحة على الاقل اوموان العبد يربح الحسنات في حياتو 😘(النصيحة هي مهما تكوني مقصرة حاولي انو تربحي حسنات بابسط الاشياء مثلا تكوني فارغة شغل روحي صلي ركعتين مش رح تنقصلك من عمرك ..ولا اقراي صفحة من القرآن متحكمش خمس دقايق 😘 ولا كي تكوني راجعة من لقراية استغفري فقلبك متدريش ممكن ربي يستجيبلك دعاءك 💙)
4_بيانسور حنروح نرهج 🤣🍕🍔 مبعد نروح نقرا قرايتي و نحاول نحل اكبر عدد من التمارين و نحفض دروسي 🍯
5_دوكا راح يكون اذن العشاء بيانسور حنروح نتوضا و نصلي مبعد نروح نتعشا 🍒
6_بعد العشا نروح نلم الحالة و نغسل لمواعين مبعد نغسل سنيا ( قريت انو ملازمش نغسلوهم مباشرة مورا الماكلة 😙)
7_دوكا لازم نروح نسجي حوايجي ( ادواتي 😅) و قشي و نخمم وش ندير شعري غدوة (مالغري نبقى نخمم بصح جامي لادرت حاجة ملي خيرتهم 🤣)
8_مور ماسجيت حوايجي ندير روتين تاعي نتاع العناية بالبشرة و الشعر 💅💇🏻♀️:
●اول حاجة هي نروح للطواليت حاشاكم مبعد نروح نتوضا لانو من الاحسن نرقدو على وضوء مبعد نغسل وجهي ويديا بصابون دوف و رجليا تانيك 😍
●مور ماغسلت نروح نرطبهم نرطب وجهي و يديا و مام رجليا بكرام دو كور اي كريم عندك ديريه 😘
●كي ترطبي وجهك ديريلو مساج و لرقىتك تاني متنسايهاش 😎
● ابردي اضافرك و نضفيهم بيان مبعد ديريلهم زيت زيتون ولا فازلين 🧡
●شواربك قشريهم و ديريلهم مرطب (فازلين ، نيفيا ) هادو هوما لي يعجبوني انا 😘
●حواجبي و رموشي نديرلهم فازلين للتكثيف و التطويل 🙂
● شعرك امشطيه شوي شوي من تحت للفوق مبعد جيبي اي زيت عندك ديري زوج قطرات على اطراف اصابعك واقلبي راسك و ديري مساج لفروة الرأس 😍
● بعد ماديريلو ماساج عاودي رجعيه عادي و امشطيه مرة اخرى مبعد ديريلو قردون 😘
9_مور ما درت عناية بالبشرة الشعر ديالي نروح ندير شوي سبور حركات خفيفة برك من اليوتيوب ننصحكم ب sara popfit دير فيديوهات روعة 😊
10_اخيرا نروح نرقد و نصيحة متديرزش بالتلفون قبل الرقاد راح تهلكو عينيكم و لكان درتو بيه ديرو
filtre de lum.bleue 😘
VOUS LISEZ
♡ Pure ♡
Aléatoireلكل انثى فينا قوة خفية .... و ميزان داخلي لا نستعمله اغلب الاوقات ....لا احد في هذا العالم الشاسع يستحق ان تذرفي دمعة لأجله
