احببتها لدينها

الجزء الرابع

رقيه:مالك يا بنتي في اي
خديجه ببكاء شديد:بابا أغمي عليه وماما نزله وسايبه موبايلها ومش عارفه اعمل اي
رقيه :اهدي يا بنتي بس كده انا هاجي مع زين حالا
أخبرت رقيه زين وذهبا مسرعين الي بيت خديجه وقام زين وأخذه الي المستشفي
زين:ماله عمي يا دكتور
دكتور وليد:المريض جاتله جلطه في المخ ودخل في غيبوبه ادعوله بالشفاء
انهارت خديجه من البكاء واغمي عليها وركبولها محاليل اتصلت رقيه بياسمين وكانت ولسه واصله البيت واخبرتها وجاءت ياسمين مسرعه الي المستشفي وصدمت عندما سمعت الخبر وأخذت ابنتها في حضنها وفضلت تعيط
خديجه بعد أن استيقظت :فين بابا ودوني عايزه اطمن عليه انا مليش غيروا ووقعت علي الارض وفضلت تعيط بحرقه وياسمين جنبها منهاره
  وهنا استأذن زين وسمحوا له بالدخول

زين : طنط مينفعش تفضلوا تعيطوا كده انت كده كمان هتتعبي طب مين هيهتم بعمو لما يصحي أن شاء الله بدل ما تعيطوا ادعولوا بالشفاء العاجل
خديجه مينفعش كده انت وراكي امتحانات بباكي لما يقوم ويلاقيكي مش بتذاكري هيزعل واكيد هو بيتمني بنته تبقي انسانه ناجحه طول عمرها استهدوا بالله كده وقوموا صلوا ركعتين وروحوا البيت وانا هفضل مع عمي هنا

بدأت ياسمين أن تهدأ وقالت لزين يروح شغله وهي هتفضل مع مصطفي
زين:لا يا طنط انا هاخد اجازه انهارده انت خدي خديجه معاكي وروحوا عشان تذاكر بس قبل ما تمشوا هروح بسرعه اجيب غدا عشان تكلوا
زين: لازم تأكلوا وذهب وجاء بالغداء ولم يسكت حتي تناولوا الغداء ووصلهم الي المنزل ثم وصل أمه ورجع الي المستشفي

حياة:كنتي فين يا ماما .....حكت رقيه لحياة ما. حدث
حياة :انا هتصل اطمن عليها
حياة:خديجه عامله اي دلوقتي
خديجه بصوت يبكي :الحمدلله بخير
حياة :خديجه استهدي بالله كده بس وقومي ذاكري مينفعش باباكي يقوم بالسلامه ويشوف نتيجتك جايبه درجه وحشه لازم يكون مفتخر بيكي دايما وفضلت تحدثها حتي هدأت ووعدتها بأنها ستذاكر أن شاء الله

ذهب حسام الي زين في المستشفي
حسام :طب يبني روح ارتاح في البيت وانا هقعد هنا مع مصطفي شويه  انت من الصبح هنا
زين:لا يا بابا انت روح ارتاح انا هفضل هنا  متخفش واقنع والله وذهب حسام
وفي الساعه ٣ الفجر
دكتور وليد: زين المريض فاق الحمدلله
زين :بفرحه شكرا جدا يا دكتور وذهب صلي ركعتين شكر والفجر ودخل الي مصطفي
زين: عامل اي يا عمو دلوقتي
مصطفي :الحمدلله كويس يا بني
زين :انا هتصل افرحهم انك صحيت الحمدلله
اتصل زين بياسمين اللي منمتش طول الليل
ياسمين:مصطفي عامل اي طمني يا بني
زين:عمو فاق من الغيبوبه الحمدلله وبقي كويس يا طنط انا اتصلت عشان اطمنكم ياسمين وهي تبكي من شده الفرحه طب انا هاجي
زين :يا طنط خليكي مع خديجه عشان الامتحان وهي اكيد هتفرح بالخبر دا وهيديها حافز للامتحان برضو

ياسمين :طب هو هيطلع امته أن شاء الله
زين :بكره أن شاء الله يا طنط ادعيله
ياسمين :يارب يرجع بالسلامه يارب يارب
وأخبر زين أهله واخبرت ياسمين خديجه وكادت أن تطير من الفرحه وذهبت للامتحان وهي فرحه
وذهب زين الي ياسمين وذهب بها الي المستشفي
‏وحكت ياسمين لمصطفي علي ما فعله زين لهم
‏مصطفي:والله يا ابني مش عارف اشكرك ازاي انا اطمنت كده علي بنتي وإني مجوزها راجل وابن أصول ربنا يوفقك ويحميك يارب
‏زين : معملتش غير الواجب يا عمي
‏ياسمين :روح انت بقي يا ابني ارتاح شويه انت من امبارح هنا  استأذن زين وذهب
‏رقيه: ببسمه ربنا يوفقك ويحميك يا رب يا بني
‏دخل زين ونام حتي الساعه ٩ص واستيقظ ليذهب الي العمل
رقيه :يابني خد اجازه انهارده انت تعبان من امبارح
زين:مش هينفع يا ماما انا اخدت امبارح بالعافيه وودعها وخرج

عادت حياة وحنين من الامتحان ولاكن كان هذا الامتحان صعب بعض الشئ ولكنهم دايما كانوا بيشكروا ربنا  علي كل شئ

وعادت خديجه من الجامعه علي المستشفي علي طول وسلمت علي والدها وهي تبكي
مصطفي :اهدي يا حبيبتي انا بقيت كويس اهو الحمدلله عملتي اي في الامتحان
خديجه :حمدالله على سلامتك الامتحان كان حلو الحمدلله
مصطفي :ربنا يوفقكم يارب
خديجه :هتصل بحياة هي امبارح اتصلت وفضلت تواسيني وهونت عليا والله هشوف عملت اي
مصطفي: واطمني علي زين يا بنتي
اتصلت خديجه بحياه

خديجه:ازيك يا حياة عملتي اي في الامتحان
حياة :الحمدلله انت عامله اي دلوقتي
خديجه :الحمدلله زين عامل اي
حياة:الحمدلله هو في الشغل
خديجه :بتهزري ده منمش من امبارح عشان كان مع بابا ازاي يروح الشغل كده هيتعب
حياة: هو جه نام ونزل علي الساعه ١٠ كده أن شاء الله ربنا يوفقه  عمو وطنط عاملين اي
خديجه :الحمدلله بخير
وانهوا المكالمه....... خديجه بابتسامه اللهم لك الحمد والشكر علي هذا الشاب الذي رزقتني به

ذهب زين الي المستشفي ذهب إلي الدكتور يشوف ممكن يطلع انهارده ولا لا وقال له الدكتور ممكن يطلع انهارده
ذهب زين واخبرهم بأنه ممكن يطلع النهارده لو عايز
مصطفي:ربنا يحميك يا بني مش عارف اشكرك ازاي
وأخذهم زين واوصلهم الي البيت وذهب
رقيه:اجهزلك الاكل يا ابني
زين :انا مش قادر يا ماما انا عايز انام هصلي العشاء وادخل انام متصحونيش غير قبل اذان الفجر عشان القيام
رقيه :ماشي يا ابني ربنا يصلح حالكم
حسام:زين يالا قوم عشان تصلي وايقظ البيت كله للصلاه ونزلوا لتاديه الصلاة في المسجد
ذهب زين للمطبخ واعد القهوه له ولحياة
حياة:اي ده 😳النهارده يوم اي
زين : النهارده.........ليه
حياة:عشان أوثق اليوم ده انك انت اللي عملت القهوه
زين:اتصدقي انا غلطان قولت عندك امتحانات ده جزاتي
حياة بضحك:خلاص خلاص اخويا حبيبي ربنا ما يحرمني منك ولا من قهوتك😂
زين بضحك :ماشي يا مصيبه ذاكري عندك امتحان خلينا نخلص😂😂
اعدت حياة الافطار واتصلت بحنين تطمئن عليها وذهب زين الي العمل واتصل بمصطفى واطمئن عليه
حياة :ماما انا عايزه اعمل مفاجأة لزين
رقيه :ماشي يا حبيبتي بس بمناسبه اي
حياة :من غير مناسبه بس هو تعب الفتره دي جدا وكان دائما بيفرحني لما اكون زعلانه فعايزه اعمل حاجه تفرحه بس اخلص الامتحانات دي ان شاء الله
رقيه بفرح بكلام بنتها:ربنا يديمكم لبعض يا اولادي

ادهم:ازيك يا حنين عامله اي واخبار طنط وعمو اي
حنين:الحمدلله بخير
ادهم :اخبار الامتحانات اي
حنين :الحمدلله فيه الحلو وفيه الوحش الحمدلله على كل شيء
ادهم :ربنا يوفقك يارب وتجيبي المجموع اللي نفسك فيه
حنين:يارب ........وانهو الاتصال

واستمرت الايام بهذا الشكل حتي انتهوا حنين وحياة وخديجه من الامتحانات بحمد لله وكان والد خديجه في تحسن

حياة بخوف:حنين النتيجه بكره انا مش قادره انا خايفه جدا
حنين :احنا عملنا اللي. علينا والباقي علي ربنا أن شاء الله خير ربنا يوفقنا الي ما يحب ويرضي
حياة:اللهم امين يارب

حسام :ازيك يا مصطفى عامل اي دلوقتي
مصطفي: الحمدلله انتم عاملين ايه
حسام :بخير الحمدلله ها الخطوبه هتبقي امته أن شاء الله
مصطفي :اي رأيك بعد بكره أن شاء الله
حسام:تمام انا دلوقتي هقولهم ربنا يتمم علي خير