احببتها لدينها

الجزء الثامن

حب زين أن يوقظ خديجه بتليفون عشان يطمن لسه عندها الحاله دي ولا خلاص
خديجه بصوت نائم:السلام عليكم مين
زين : وعليكم السلام الحج عبد الموجود موجود
خديجه ونظرت للمتصل:ازيك يا زين صباح الخير
زين: اي ده انت كسوله اوي لسه نايمه الساعه ٨ يا ملكتي
خديجه:انا بقوم ٩ بدري اهو
زين:يا سلام يعني انا دلوقتي صحيتك من نومك
خديجه:ايوه بقا شوفت
زين:اعمل فيكي بدل ما تقوليلي لا عادي ولا يهمك
خديجه:الله اكدب يعني
زين :ماشي يا ملكه عايزه حاجه يا قمري
خديجه:تسلملي يارب
نزل الشغل واستيقظ الجميع وفطروا ونزلت حياة لجلب بعض المشتريات وهي راجعه وقع بوكها جاسر:(طالب من كليه الطب)لو سمحتي لو سمحتي البوك ده وقع منك
استدارت حياة:ونظرت لمن ينادي وجدت شاب يحمل بالطو ابيض وهو طويل وعندما نظرت له شعرت بشعور غريب وهو كذلك ناولها البوك وهي عينها في الارض شكرا لحضرتك وذهبت مسرعه
جاسر:بس الله ما شاء الله ربنا يحفظها يارب اي اللي بقوله ده استغفر الله العظيم غض بصرك يا جاسر الله في اي
حياة:ياه امته هيجي اليوم اللي البس فيه البالطو الابيض ده

رجع حسام وزين البيت تقبالا صدفه في الطريق وتناولوا الغداء ونزلوا لصلاه العشاء وهم راجعون اغم علي حسام
زين:بابا فوق بابا وبدأ برش المياه ولاكن دون جدوى اتصلوا بالاسعاف

رقيه :زين انت فين اتاخرتوا كده ليه
زين:ماما ساعه كده ونيجي أن شاء الله
رقيه:في اي يا بني انا قلبي مش مرتاح
زين:متقلقيش يا ماما لما نيجي تعرفي كل حاجه
ادخلوا حسام لغرفه الاشعه وطلبوا أن ياتوا صباح الغد
زين:السلام عليكم
رقيه :وعليكم السلام اي ده حسام ماله في اي
حسام :ولا حاجه متقلقيش أغمي عليا في السكه مش اكتر
رقيه: مرحتش كشفت
زين:لا متقلقيش رحنا المستشفي وعملنا تحاليل وبكره أن شاء الله هنروح نشوفها متقلقيش أن شاء الله مفيش حاجه
رقيه:اللهم امين
وعندما رأت حياه والدها بدأت في البكاء مالك يا بابا في اي
حسام :مفيش حاجه يا بنتي شويه تعب بس
احتضنته وهي غارقه في البكاء حسام اهدي انا بقيت كويس اهو اهدي بس وظل يهداها حتي توقفت عن البكاء
زين وهو يحاول تغير الجو :اي ده انا جوعت
حياة:اجهزلك تتعشا
زين:احم احم اي الاحترام ده كله( هي بطنه كانت مليانه بس قال كده عشان يغير الجو ) انا هنزل اجيب حاجات وجاي مش هتاخر ونزل واشتري الحلويات التي تحبها حياة وكان أهمها غزل البنات 😂واشتري للجميع الحاجات التي يحبونها
حياة:اي ده   
  زين:الحاجات اللي بتحبيها اي خدمه مش عارف من غيري مين هينزل يشتري
ضمته حياه وهي تكاد أن تبكي زين عشان خاطري في حاجه بابا شكله تعبان اوي قولي لو في حاجه
زين:وهو يمسح دموعها يا بنتي متقلقيش بابا بخير هنا عملوا شويه تحاليل عشان نطمن بس اي ده انت عامله تعيطي عشان متعملليش اكل 🤨
حياة :قامت وجهزت العشاء وقام بتشغيل توم وجيري لأنها تحب الكرتون جدا جدا
زين:تصبحوا علي خير انا هنام وذهب للنوم بعد ان صلي القيام  اي ده انا بطني وجعتني ليه انا شكلي تقلت في الاكل ويخبط علي بطنه اي الكرش ده انا زين ابقي بكرش وظل هكذا حتي نام

حنين:الدراسه خلاص داخله انا حاسه بخوف في ناس كتير بتقول انها صعبه فوق الوصف
حياة:والله نفس الخوف اللي عندي انا هعمل اللي عليا بس ربنا يستر ويعدي ٦ سنين دول علي خير
حنين :يارب انا هنزل اشتري هدوم تعالي معايا
حياة:طب هشوف اهلي وارد عليكي

ذهب زين مع حسام قبل الذهاب للشغل الي معمل التحليل ولاكنهم كانوا قافلين واتفقوا أن يتقابلوا في المكان ده عشان يجيبوا التحاليل وذهب كل منهم للعمل

رقيه :انا قلبي مش مطمن حاسه ان في حاجه وحشه هتحصل
حياة:متقوليش كده بس يا ماما أن شاء الله كل حاجه هتكون كويسه
رقيه :يارب يا بنتي انت نازله مع حنين امته
حياة:بعد ما نصلي الظهر ان شاء الله
رقيه :ماشي ربنا يحفظكم ويوفقكم
تجهزت حياه وبعد أن صلت الظهر تقابلت مع حنين وبدأوا في اشتراء الملابس
حنين :حلو الفستان ده عليا
حياة:جميل جدا جدا مخليكي حاجه صغننه كده يا بنتي اللي يشوفك يقول لسه في ثانوي
حنين:شوف مين اللي بيتكلم اللي الكل مفكرها في اعدادي ونبي خلي حد غيرك يتكلم
حياة:مش عارفه ليه لازم اهزق نفسي لساني ده موديني في داهيه استغفر الله 😂
حنين :مبترتحيش غير لما اديكي كلمتين يا حول الله وتسوقوا واشتروا كل المستلزمات للجامعه

جاسر :والله يا بت يا هدي الواحد بيفكر يخطب
هدي(اخت جاسر) اي ده في عيل بيتجوز انا اول مره اشوف عيل بيتجوز
جاسر:اتصدقي برضو انا لسه شاب صغنن وقمر خالص ابهدل نفسي في الجواز ليه
هدي: مين ده اللي قمر انت قمر بالستر
جاسر :اسكتي انت غيرانه مني اصلا عشان انت وحشه وشعرك وحش وطخينه
هدي بانفعال:من دي اللي طخينه
جاسر ومش قادر يبطل ضحك :يعني سبتي شعرك وشكلك ومسكتي في الطخن طب كويس دلوقتي عرفت انرفزك ازاي
هدي بغضب :مش هكلمك تاني وانت اللي وحش وطخين كمان ها
جاسر:استني بس رايحه فين
هدي:اخرس خالص معدش ليك كلام معايا
جاسر وهو يحاول تمالك الضحك خالص ده انا جيبلك حاجه
هدى:شكرا مش عايزه
جاسر:جبتلك شيكولاته
هدي:بجد طب هاتها
جاسر :لا خلاص مش انت زعلانه
هدي:خلص بقا
جاسر :خدي اهي انت طلعتي طفله خالص
هدي :طبعا طفله حد قالك قبل كده اني كبيره وأخذت الشوكولاته وذهب
جاسر:يعني بعد ما خدت الشكولاته مش والله عندنا عيله في البيت
وسرح بخياله في حياة وحياؤها
ساسر ساسر قوم انت نايم ليه
جاسر يا بني قولتلك ١٠٠ مره اسمي جاسر قول ورايا ها اسمي اي
نور:اسمك ساسر اوتها صح  ظل يضحك من طريقه نور وضمه فكان عمره لا يتعدي ٣ سنوات 
خد شيكولاته اهي اي خدمه
نور:شكا يا ساسر ات بوسه كبيره قد كته وخرجا الاثنان لتناول العشاء مع هدي و نرمين(والده جاسر)