شغف الامبراطور

فرصه عمل ٢

بعد مرور اربع سنوات

في احدي افخم مطاعم القاهره نجدها تقف في المطبخ تعد اشهي الاكلات فهي من ابرع الطباخين في المطعم و تعد اشهي انواع الاكلات الايطاليه و الالمانيه و جميع الانواع و نجد صديقتها تمثل النادل في المطعم تاخذ الطلبات من الزبائن و تعد اشهي انواع الطعام
بينما المطعم يعج بالبشر نجد هذان الاثنان يدخلون بطله جذابه الي المطعم و ينتقون تلك الطاوله الفارغة ليجلسو عليها بهدوء

سليم ها يا عم جينا مطعم هادي اهو و قعدنا

باسل سيبني بقي استجم

سليم يا بني انت عايز تشيلني جايبنا هنا ليه

باسل جايبگ هنا نغير جو بدل جو الشركه اللي بقي يخنق مع صاحبك ده ٢٤ ساعه شغل مبيتهدش ده و لا ايه معرفش و كل ده علي دماخي انا

سليم معلش يا باسل ما انت عارف ان السكرتيره بتاعته شاكك في امرها انها تكون من حلفاء الحقير ده و قريب هيتاكد فلازم نكون معاه الفتره دي و بعدين يعني اسد جديد علينا يا باسل ما انت عارف انه مبقاش قاسي كده غير بسببها هي دي اللي كرهته الستات كلهم

باسل معاك حق فعلا اسد عمره ما كان كده لا و الله اكبر كل يوم مع بنت شكل يطلع عنيها و بعدين يرميلها الفلوس و يغورها حاجه تفلأ قلتله بلاش يا اسد و ارجع زي ما كنت مش كل البنات اللي هتقابلهم زي الحقيره دي و لا كاني بتكلم اصلا

سليم ربنا يكون في عونه يا باسل هو محبهاش بس دي كانت عشقه كان يمسك التراب يخليه دهب علشان خاطر يرضيها و هي مطمرش فيها

باسل شوف احنا جايين علشان نهيص و برضو السيره مخليتش من اسد مع انه حتي مش معانا

سليم طب ما تطلبلنا حاجه كده نكلها نشربها بدل القعده الناشفه دي

باسل يا انسه

ندي ايوا يا فندم

نظر لها باسل مطولا لا يكاد يصدق عينه اهناك بحورا بتلك الالوان الرائعه و الخاطفه ايوجد عين بمثل هذه الروعه و لكن بالطبع يوجد انها ابداعا من الله عز وجل

ندي احم احم اتفضل يا فندم تامر بايه

باسل ........

سليم انا اسف يا انسه صاحبي اصله تعبان شويه عايزين اتنين عصير ليمون ليه و مانجه ليا

ندي باحترام حاضر

سليم ايه يا بني مبلم ليه كده

باسل شوف عنيها يا سليم قمه في الروعه

سليم عيب لما تبص علي واحده بالطريقه دي يا اخ احترم نفسك

باسل معرفش انا مالي في ايه . ثم اردف في نفسه بس اللي انا عارفه اني مش هفارق المطعم ده و لا لحظه

💖💖💖💖💖💖💖💖💖💖💖💖

عند ندي و شغف

شغف باستغراب مالك يا نونو في ايه