شغف الامبراطور

بمناسبه راس السنه

احب اقول بمناسبه السنه الجديده و طلتها الفريده علي قلوبنا و الللي متأكده تمام التأكد ان كل القلوب دلوقتي متشوقه للسنه دي زي بالظبط و مستقبلاها بكل تفاؤل و كل واحد منكوا عندو نفس الامل اللي عندي و عندو كمان نفس المشكله و ايه هي المشكله؟ 

اني لما بصيت في السنه اللي فاتت و دورت علي اللي حققته للاسف ملقتش و دي حاجه ناس كتييير هتوافقني فيها هيحسوا ان سنع ضاعت من عمرهم بلا اي هدف و بلا اي فرحه حتي و هيحسوا ان هما مخدوشمن السنه دي الا القسوه و الجرح و الهموم اللي عماله تزيد علي قلبهم خدوا منها انكسار و كسر خواطر و ناس كتييير متجبرش بقلبها و روحها اتدمرت و ناس حست بالعجز و ناس و ناس و ناس و مش هنبطل جلد في ذاتنا خالص و في الاخر هنسأل نفسينا سوالين

الاول : هل احنا هنقدر نعمل حاجه السنه دي و نعوض اللي راح مننا و العمر اللي بيضيع بلا هدي او فايده

التاني: هو احنا عايشين ليه اصلا علشان ربنا يبتلينا و نصبر و نعرف اننا كده عند ربنا احسن ناس و ان ربنا كل ما يزيد علينا الكرب يبقي احنا كده داخلين الجنه من اوسع ابوابها 

سوالين انطرحوا في بالي و كان لازم اديكوا ليهم اجابه و ليه انا علشان زي ما قولت و عمري ما هبطل اقولها انتوا عيلتي التانيه و اهلي و كمان متأكده من كلكوا من جواكوا محتاجين حد يقلكوا نفس الكلام و يعرفكوا و يوعيكوا تبتدوا و تكملوا ازاي

و علشان كل اللي سال في فتره غيابي عن الروايه و ليه مش كملت ملاك في جحيم الشيطان و ليه وقفت كتابه و ليه بعدت بعدت علشان كنت حطيت نفسي في دوامه اكتئاب و كنت علطول مضايقه علي الفاضيه و المليانه حطيت في نفسي حاجات كتييير هي اصلا مش ليا و حملت نفسي فوق طاقتي و لقيت الحل اما جاوبت السوالين اللي فوق دول

بالنسبه للسنه الجديده اه كلنا هنقدر نعدي و نحارب و نصنع لنفسينا انتصارات و نحقق انجازات كتييير مش بقولك تبقي مليونير علي اخر السنه خالي اول هدف ليك مثلا ان اول ما تصحي من النوم هتبتسم في وش عيلتك حتي لو مش طايقهم و اسعي لحد ما تحقق الهدف مثلا انا هنام بدري و اصحي بدري و بعديها اتطور و قول انا عايز اذاكر و ابقي من الدحيحه و حط كل يوم كتابك قدامك و ذاكر كام ورقه بس بما يرضي الله قول انا في الامتحان الفلاني عايزه اجيب درجه عاليه حتي لو لاول مره تفتح الماده و خلي عندك الامل انك فعلا هتجيب فيها درجه عاليه

بس حط وعد بينك و بين ربنا انك عمرك ما هتحط نفسك في ازمه تاني و هتذاكر اول باول بعد كده و هكذا كله بالنيه الصادقه مش الكدابه

ان كان عندك طموح اوعي تضيعه
و ان كان فيك الروح حلمك هتحققه
و ان كنت ناوي في الضياع تروح حلمك  هيمنعه
جميل انك تحلم بسطوح و تعمل حلمك سلم يرفعه
و لو عمرك راح في اهات و جروح وقتك صعب ترجعه

استعد من دلوقتي و كأجابه علي تاني سوال فاوعي تصدق خد قلك ان الله اذا احب عبدا ابتلاه لكن اوووووعي تصدق حاجه زي دي علي اللي خلقك لو فكرت بعقلك ثواني هتلاقي عقلك نفسه رافض الفكره تماما ربنا كانت اجابته صريحه في القران و في ايه محكمه (الشيطان يعدكم الفقر و الله يعدكم مغفره منه و فضلا)  ووعد ربنا حق بس نحسن احنا الظن بيه كام مره غلطت في حقه و قولت يارب انا عارف انك مبتليني علشان بتحبني و كام مره زادت المشاكل و المصايب فوق دماخك و فاكر ان دي اشاره خير و كانت اشاره مآساه انا جربت و عشت المآساه لكن لما رجعت و ظنيت بالله الخير ملقتش فعلا الا الخير و عرغت ان ربنا كان ديما بيحذرني ان افعالي فيها حاجات غلط لازم تتصلح و دلوقتي حاسه بكل الراحه و السعاده اللي موجوده في الدنيا و انا بقول الكلام ده انا دلوقتي الحمد لله رجعت و كمان احسن من الاول ببدايه جديده

و لاول مره هقول فيها ان رغم كل الجحود اللي في الدنيا هيظل الحب غالب و برغم كل الظروف اللي جابتنا نقرا روايات فاحنا نقدر نبقي في احسن حال و نعوض كل اللي فقدناه و انا رجعت روايه مشاغبه اقتحمت قلب الامبراطور و لكن باسم تاني و هو
(شغف الامبراطور) 

روايه هكتبها بشخصيتي الجديده اللي عارفه و متأكده ان المحبه مش في الروايات بس و موجود في الواقع و اللي كمان عارفه ان الدنيا زي الروايات و في النهايه هنحقق كل اللي بنتمناه بس نخلينا لله فقط عباااد لله فقط و ليس لاهواء الشيطان و الناس و الاعراف الغير صحيحه و الامثال اللي بتدعو للتشاوؤم

هنبعد عن كل ده في قصصنا و هنعرف في كل قصه خطأ عمله ابطالنا علشان كده اتأذوا و نتعلم ازاي نعرف الاخطاء اللي بتاخد حياتنا للجحيم اللي احنا عايشينه و نعرف ازاي نتعامل مع امورنا رواياتي مش هتبقي مجرد قصص بل هتبقي مسيره حياه

و مش هوقف ملاك في جحيم الشيطان هكملها بس لما ارجع ارتب احداثها من الاول و ده هيكون قريبا بامر الله

اتمني الاقي تعليقاتكوا فيها رضي كامل عن كلامي ده و فيها تأييد للفكره الجديده و حماس لسنه جديده عايشين فيها علشان نصحح كل اخطاءنا مع نفسينا اللي جينا عليها كتييير و اخطاءنا مع ربنا اللي هو دائما و ابدا هيفضل احن علينا من اي حد

رايكوا يهمني يا بسكويتاتي

وحشتوووووووني يا اعز الناس و اتمني تكونوا انتواكمان انبستطوا برجوعي 😊