تنسوش الفوت الاول عشان تشجعوني أكمل محتاجة دعمكم
الشخصيات
هم
3 أخوات ساكنين مع بعض (_إيمان وونيسة وعزيزة)
حاتم ومراته إيمان الأصغر
ونيسة وأرملة جوزها اتوفى من فترة بسيطة معاها ندى ورقية
وعزيزة ودى مطلقة والخالة الصغيرة
فى إحدى الأبنية العتيقة عالية الإرتفاع المٌغلفة بلون عشبى هادىء يخالطه صفار الأتربة ،فى شارع محمد نجيب بحى المٌنتزه بمدينة الأسكندرية ،ومع رحيل أشعة الشمس خلف مياه البحر الصافية ،ركن حاتم بلحيته الخفيفة المٌهذبة وجسده الرياضى إلى طاولة مٌستديرة مع تمام الخامسة مساء ٍ فى المطبخ المركزي ،يراقب حبيبته إيمان وهى تسكب حساء الدجاج الساخن من الوعاء الواسع ،تقتطع بالشوكة والسكين له نصيبه لتضعه فى الصحن المٌستقر أمامه ،لتمضى إلى الفرن بقماشة صغيرة ،تتفحص ما فيه بحذر ،شبك كفيه ببعضهما وهو يسند رأسه إليهما ،فطنت لتركيزه معها فتسائلت بحيرة:_
_ الأكل مش عاجبك ولا أيه...؟
أجاب وهو يحتسي الطبق بشهية جابراً خاطرها:_
_ لا طبعاً يا حبيبتى،ده يجنن ،معقول تعملى حاجة وحشة بردو،أنا بس كنت مستنيكى تقعدى ونأكل سوى ،بس يظهر أنك مشغولة
علقت وهى تسحب صنية الكيكة اللذيذة بعلوها المٌغرى :_
_ لا مشغولة ولا حاجة دى صنية كيكة على السريع لونيسة أختى ،أصل رقية جاي لها عريس النهاردة ،وأنت عارف بقى بيبقى يوم كلنا فيه فى أقصى حالات الإستعداد ،وأهو كل واحدة من يمتها بتعمل ال تقدر عليه
غرس شوكته إلى قطع الفراخ الساخنة :_
_ ربنا يتمم لها على خير،بيني وبينك رقية بنت حلال وتستاهل كل خير
أحكمت قبضتها على السكين وهي تكسر الحلوى إلى قطع صغيرة:_
_ أنا بس هستأذنك بعد الغدا ،هنزل ل ونيسة وأشوف لو فى حاجة أقدر أساعدها فيها ،عشان تنجز قبل ما ييجوا
أستفسر بفضول:_
_ ماشى يا حبيبتى ،بس معادهم الساعة كام..؟
أردفت ووهي ترش بعض من مبشور جوز الهند على الكيكة الٌمحاطة بالشربات:_
_ يعنى على دخلة المغربية قول 7 كده ولا حاجة،صحيح جبت لي نتيجة التحاليل ...؟
جفف يديه وقد أنسدت شهيته قبل أن يتنهد ببساطة:_
_ يا حبيبتى أنتي ليه مٌصممة تدوري على النكد بنفسك...ما أحنا مبسوطين وعايشين مرتاحين الحمد لله،لزومه أيه الزن على الحمل والخلفة والمسئوليات ال ملهاش أول من أخر...؟
أنت تقرأ
إمرأة مٌنتهية الصلاحية بقلمي أميرة السمدوني
ChickLitأنا ندى كسرت حاجز التلاتين من يومين ،بقيت انطوائية كئيبة مش قادرة أحقق كيانى فى حاجة بفشل بسبب نظرات المدير همسات الموظفين على لبسي وشكلى،آه صح لبسي بسيط بس مخلينى أنثى أغلب ال فاتهم القطر كان بسبب انهم وحشين بس انا حلوة وبشهادة ال حواليا مشكلتي ا...
