بقايا روح😪💔
بقلم: رتاج محمد علي
-Part1-🐣
................................................................................................
٭٭٭ في غرفة مظلمة يملاها السكون تبكي بطلتنا وهي جالسة على حافة سريرها😭💔٭٭٭
أمل(أُم البطلة): (تمسح دموع إبنتها الوحيدة) يا بت لوجي قومي أُكلي ليكي لقمة عليك الله😊، ليكي إسبوعين في الحالة دي😪، قومي عشان ما تمرضي يا بتي........لوجي
لجين:..........................😪😪
أمل(تبكي): عايني يا بتي أنسي الحصل دا كلو✋، وزي ما بيقولو الفات مات😊، ااي عاارفة إنو إنتي لسا متاثرة ولسا مصدومة وما قادرة تتخطي المرحلة دي😔، بس خلاص الحصل حصل😞، والجاي أحلى إن شاء الله😴، بس إنتي..............
لجين(تبكي بي اعلى صوت): كييف انسا؟!!😟 كيييف بس؟!!😪قولي لي ، قولي لي كيف😞 اااة😪، كيف والدنيا بقت كلها ضدي ، كيف وماف زول بقا بيعاين لي في عيني ولا بيحترمني💔 كيف وانا وحدة غبية باعت اخوها عشان واحد حيوان قدر يخدعها ويلعب بيها ، وخلاها زي الخاتم في يدو😔، وخلاها مجرد هامش في الحياة ، خلاها تشوة سمعتها بي سبب غبائها😪، ياخ انا الزيي مفترض يموووت بس😔✋
أمل(ادت لجين كف): إنتي كيف بتقدري تقولي كدا؟!!😐، لا وفي وشي كمان!!😟، إنتي شايفة إنو انا بقدر أتحمل كلامك دا😢 انا............
لجين(تقاطع أُمها): إنتي!!!😐 إنتي شنو؟!!😕 إنتي ما حاسة بي أساساً ، ولا انا بهمك اصلاً ، ولو كان بالجد بهمك أمري ولو شوية بس....كان رحلنا من البيت دا😪، البيت الكل يوم بتذلا وبتهان فيهو😢، البيت الكل يوم بسمع فيهو ألفاظ قبيحة عني😔💔، البيت الكان مفترض احس فيهو بالأمان😴 بقا هسي أكبر مخاوفي😪
أمل: بس يا بتي إنتي عارفة.........
لجين(تقاطعها): ااة خلاص😪خلاص حا نرجع لي نفس السيناريو😐😑،️ ابوكي عرسني وبي سبب الظروف سكني مع مرتو الكبيرة ، وضرتي حقاارة وبتشاكلني ليل ونهاار💔 وهي الماسكة البيت...صح!!كنتي حا تقولي كدا مش؟!!😐، بس إنتي مرتو الصغيرة ، يعني إنتي ليكي الحق تتصرفي في البيت دا وفي قوانينو زييها✋ واكتر منها كمان😑 واصلاً لو كان بحبها ما كان عرسك إنتي ، هه اصلاً يحبها كيف وهي عاملة زي ال...... اوووف ، المهم هو ابوي زاااتو وينو هسي ؟!وينووووو!!😕، لا شغال بيكي لا بيها ولا حتى بي عيالو😢، ااة😞💔(ترمي المخدة)
أمل: لوجي انا جبتا ليكي الفطور ، قومي أُكلي لقمة عشان خاطري انا بس يا بتي😔☺️
لجين: أُمي إنتي....... إنتي كيف قادرة تكوني كدا!!😑😕، ريلااااكس على الآخر كدا😐، لا وكانو ما حصل اي شي، إنتي نسيتي ولا بتتناسي إنو بتك مغتص........
أمل(تقاطعها): خلاااااص خلااص✋اسكتي اسكتي خاالص😤، اسكتي وما تقولي اي شي تاني، ااي عارفة الحصل ليكي عاااارفة، وبحاول اتناسى ااي😔، بس للآسف ما قدرتا ولا حا اقدر😪، بس حا ابقى احاول واحاول بي قدر الإمكان إني انسى ، لانو الحصل ليكي دا كان اسوا شي مرا علي في حياتي(تبكي)😔💔، وفي اللحظة ديك إتمنيت إني أموت😪، بس ما لاني خجلانة إنك إنتي بتي، لا ابداً والله، بس خجلانة منك😞، خجلانة إني اعاين في عيونك😓، لاني أُمك العاهدتا على نفسي آلف مرة إني أحميكي بي كل قوتي ولحد آخر يوم لي في الحياة ولحدي آخر نفس بتنفسو😞😟، وما اخلي اي شي كعب يحصل ليكي ، ولما جا الوقت عشان أحميكي ما قدرتا😔💔، بس آسفة ، آسفة يا لجين آسفة يا بتي😔😓.
♪♪♪يلا نتلاقا🐣
★Ãmęřïçåñ Łąđÿ💞★
