*تركتك وقلبي معك ، لا تنساني يا حبيبي ف قلبي لا يتحمل كل هذا*
في صباح يوم جديد استيقظت جيرمين الساعه 7 الصبح فتحت موبايلها ولكن لم تتلقي اي رسايل من اسر حزنت ولكن أقنعت نفسها انها مش فارق معاها قامت دخلت الحمام و خرجت بعد وقت قصير أدت فرضها ودعت ربنا يريح قلبها وفضلت تدعي ونزلت دمعه منها غصب عنها دون إرادتها مسحتها جيرمين سريعا وقامت لبست فستان من اللون السماوي الغامق وطرحه مخلوطه من اللونين الأبيض والأسود وهيلز ابيض وكانت جميله جدان ❤️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خرجت شافت مامتها في المطبخ كالعاده ، جيرمين وهيا تتسحب براحه لحد ما وقفت ورا مامتها
جيرمين بزعيييق : ماماااااااااااا الاكل جاااهز
الام وهيا تقلع الشبشب : اه يا بت الجزمه دا انا هرتاح منك لما تجوزي امتا اليومين دول يعدو
جيرمين بمرح : من قلبك يا جلبي
الام بنفاذ صبر : برا يا جيرمين
جيرمين بمرح : يا ماما مالك بس شكل بابا مزعلك قوليلي وانا اطلقك منه واجوزك عم عبده بتاع الكشك اللي تحتنا ههههههههههههه
الام بضحك غصب عنها : والله انا يأست منك خلاص
الاب من ورا جيرمين وبجدية مصطنعه: بتقولي ايه يا بت انتي سمعيني كدا
جيرمين بخوف : بابا لسه كنت بقول لماما لو لفيتي الكره الارضيه دي كلها مش هتلاقي زي فارس المنشاوي
الاب بضحك علي بنته وهو يحتضنها: هتوحشيني يا جيمي اووي والبيت مش هيبقي ليه معني من غيرك
جيرمين وهيا تخرج لسانها لوالدتها كالاطفال : شوفتي البيت هيبقي وحش من غيرى
الاب والام بضحك وف نفس واحد : مش هتكبرى خالص
جيرمين بضحك عليهم : هههههههه لا مش هكبر همشي عشان متاخرش علي المحاضره
الام : مش هتفطرى يبنتي
جيرمين بمرح : خايفه عليا يا سوسو
الاب بهزار وهو يرد عليها : لا دا هيا بتسالك عشان لو مش هتفطري توفر الاكل
جيرمين بضحك : الله عليك يا حاج وانت فرفوش صحيح الاب الفرفوش رزق هههههههه
