ايام الحب (الجزء التاني)♥️ (الرواية الأولي من سلسلة روايات عشقني وحش متملك)

البارت التاسع والعشرون ♥️

انا اسفه اني منزلتش البارت يوم الجمعه في معاده بس النت فصل ....

~~~~~~~~~~~~~~~~~~~~

اللي بتدور عليه بيدور عليك وهيوصلك ماتخافش، نصيبك الحلو متشال ودعوتَك الدايمه، وصلت السما واللي طلبته بتفاصيله جايلك وهيكون بين ايديك حقيقة ، متخافش اللي بتدور عليه جايلك لأنه نفسه يقابل حد زيك بتفاصيلك وعيوبك ومميزاتك وتفاهتك، وجنانك وعصبيتك وحنيتك ، هيحبك كلك على بعضك ويرضى بيك ويراضيك ، نصيبك متشال في كف الرحمن يعني عوض عظيم وجايزة ع الصبر الكتير اللي صبرته ومش اي جايزة ، اللي اتخيلته اتخيلك وهيسوقه بخته الجميل لك وانتوا اصلا مكتوبين على اسم بعض ومش هيملى فراغ كفك غير كفه لكن كل شئ بأوان وكل ما الصبر يطول كل ما يبقى العوض طعمه جميل جدا•

كان مازن في غرفته ينظر في الفراغ وهو يتذكر ما حدث مع والدت سلوي ...

فلاش باك :

بعد انا وصل مازن الي المكان التي تعيش به سلوي ، نزل من سيارته ودخل من باب العمارة ووصل الشقه التي تعيش بها مع والدتها ،رن مازن الجرس وفتحت له والدت سلوي ...

الام بإستغراب : ايوا مين حضرتك

مازن بخجل : حضرتك والدت سلوي

الام بقلق : ايوا يابني ، هيا عملت حاجه المجنونه دي

مازن بضحك : لا يا طنط متقلقيش ، انا عايز اتكلم معاكي شويه ممكن

الام بترحاب : ايوا يابني اتفضل ، معلش يابني حقك عليا انا بنتي كل شويه جيبالي مصيبه شكل ف حقك عليا

مازن بضحك وهزار : لا يا طنط علي كدا اغير رايي في الموضوع اللي انا جايلك فيه

ضحكت الام علي هزار مازن : هههههه ليه يابني خير في ايه

مازن بجديه : حضرتك يا طنط انا شوفت سلوي من جوال شهر في المول كنت بجيب حاجه وخبط فيها ومن ساعتها وهيا سيطرت علي عقلي وانجذبت ليها وبعدها شوفتها كذا مره يا طنط وشوفتها زوجه ليا وام لأولادي فأنا يا طنط يشرفني اطلب ايد بنتك سلوي ولو وافقتي المره الجايه هاجي انا واهلي ...

الام بتوهان : انت بتتكلم علي مين يابني ، بتكلم علي سلوي بنتي اللي جوا دي

مازن بضحك : هههههههه اه يا طنط هو فيه حاجه انتي مخبياها عني ولا ايه

الام بجديه مضحكه : والله يابني بنتي زينة البنات كلهم ، بس هتاخد واحده مجنونه انا بكلمك زي ابني وعشان شايفه في عينيك الحب لبنتي

مازن بضحك شديد : هههههههه والله يا طنط انتي هتبقي حما عسل اوووي ، بس انا بحبها وهيا بالنسبالي احلي واحده شوفتها عينيا واللي خطفت قلبي بعنيها

الام : ربنا يحفظك يابني ، لحظه ادخل اناديها من جوا ، بس قبل ما ادخلها يابني عايزه اعرف هيا تعرفك ولا لا