ايام الحب (الجزء التاني)♥️ (الرواية الأولي من سلسلة روايات عشقني وحش متملك)

البارت السابع والعشرون ♥️

اسفه اني منزلتش البارت في معاده بس حصلت عندي حالة وفاه وربنا يعلم انا منزله البارت ده وحالتي عامله ازاي بس عشانكم والله ♥️

~~~~~~~~~~~~~~~~~
كنت فاكره إن الخذلان هو اقسي شعور ممكن نحس بيه..
لكن اكتشفت إن الوهم اقسي بكتير ..
ان شخص يعيشك في احلام ويوهمك انه العوض والأمان وفجأه تفوق علي ان كل ده كان سراب ومجرد وهم..
يسيبك عايش مع أسئلة مبتنتهيش..
طب ليه؟ انا كنت استحق كل ده؟
طب ازاي صدقته؟ يعني كل ده كان وهم؟
معقول كل الحب ده مكنش حقيقي؟

فات اسبوع علي ابطال روايتنا منهم المبسوط ومنهم الحزين ومنهم القلق ومنهم الخائف وكثير من المشاعر

كان علي (نوعام) فى غرفته ويتذكر عائشه ومشاجرته معها ولكن لم يعرف بأن حبه يزيد مع الايام ، نفض علي تلك الأفكار من عقله

علي لنفسه : ايه هتحب ولا ايه ، الشغلانه دي مفيهاش حب ولا انت عايز تحبها وتعيشوا مع بعض اجمل الايام وتخلفوا وعيالك يتيتموا بدري

العقل : فوق يا علي لنفسك ، انت وراك مأموريه وانت لازم تنساها وتسيبها تمشي

القلب : اسيبها ، طيب هتروح فين هيا ملهاش حد دلوقت ، وبعدين انا فعلا بحبها

العقل : حب ايه ، انت هتضعف من امتا واحنا بنحب

القلب : طيب لما انت مش بتحبها يا علي ، ليه صممت تتجوزها اوعي تسمع لعقلك

العقل : اومال يسمعلك انت يا بتاع الاحساس والله ما حد هيوديه في داهية غيرك

علي بغضب : بس بقا ، انتي ليه مش عايزه تخرجي من قلبي وعقلي كفايه بقا انتي مغناطيس بس انا لازم ابعد عنك عشان متعلقش بيكي اكتر من كده ..

خرج علي من غرفته و نزل الي الطابق السفلي وسمع صوت يأتي من المطبخ و شاف عائشه وهيا بتتحدث مع الداده ووقف ليستمع لها

عائشه بغضب : حضرتك بتعملي ايه

الداده ويكون اسمها انتصار : هجهز العشا ل علي باشا

عائشه بغضب شديد : دا جوزي وانا اللي اعمله كل حاجه ، وحضرتك مش عارفه موجوده ليه وكام مره اقولك ملكيش دعوه بأي حاجه تخص جوزي ، انا لو بسكت كل مره ومش بعمل حاجه ف عشان انا مش بحب ازعل حد مني ف لو سمحتي دا بيتي وانا اللي مسؤوله عنه

انتصار بإحترام لكلامها : حاضر يا هانم

عائشه وهيا تحاول أن تهدأ من نفسها : انا اسمي عائشه مش هانم ، لو سمحتي ناديني بإسمي

انتصار : حاضر يا عائشه

دخل علي في تلك اللحظه و أمر الخادمه بالانصراف و اقترب من عائشه ونظر لعيونها بقوه

علي بجديه : انتي بتعملي كل ده ليه يا عائشه

عائشه بعدم فهم : بعمل ايه مش فاهمه