ا
قلت ليهو لقيت الرقم وين وعرفت إسمي كيف قال لي أداني ليهو فاعل خير جزاهو الله خير وإسمك عرفتو وخﻻص قفلت التلفون ونمت صحيت لقيت فرات طالعة من الحمام قالت لي أنا نازلة قلت ليها تمام استحميت ولبست بجامة تلات تربع وقفت قدام المراية مسكت شعري بي طريقة فوضوية ونزلت
لقيتهم مجهزين السفرة وكانوا طابخين أكل بلدي عصيدة وقراصة
عدي قال ليهم اﻷميرة اليزابيل وصلت يﻻ سمو
أثناء ما قاعدين نأكل جاﻻ قالت يا خالتو شوفي توتة شعرها عامل كيف عشان ما ما ما سرحتها فهري قال ليها وهي ما سرحتو براها ليه ضحكت وقالت ما بتعرف تعملو كل يوم امن نكون ماشين المدرسة ماما بتعملو ليها كلهم بقو بضحكو فيني
عدي قال ليهم هي فاضية من المشاكل بقو كلهم في حالة اندهاش عمو أيمن قال مشاكل شنو جاﻻ بدون ما تترد حكت ليهم القصة كلها بالفاصلة والشولة تقول كانت حاضرة وقت الشكلة خالتو نجوى قالت لي ليشنو عملتي كدة قلت ليها تسيء لي واسكت اخليها قالت لي لكن ما لي درجة تقطعي ليها شعرها قالت اها أهلها قالوا شنو عدي قال ليها أخوها طلع صاحب عبودي وحليناها أنا كنت خايفة من ردة فعل عبدالله لكن كان بالو مشغول بي حاجة تانية وما انتبه لينا
عدي قال لي وبعدين دي شنو الصورة دي قلت ليهو دي أنا وفرات وحﻻ سﻻمت نظرك ما بتشوف كويس قال لي سريع احذفيها قلت ليهو ابيت بابا قال خﻻص كفاية مناقرة ما بتفتروا انتو يﻻ اتأخرنا على الصﻻة
فتحت تلفوني لقيت رسالة من الجد الخفي كاتب لي فيها متين حترجعي السودان ما رديت عليهو
بعد ما رجعوا من الصﻻة عندنا جلسة عربية قعدو يشربو القهوة وفتحوا موضوع عبدالله قالوا حنسافر عشان العرس بعد تﻻتة أسابيع عمو أيمن قال لي اها يا بتي حتدرسي شنو قلت ليهو فنون وتصميم عدي قال والله يا أبوي البت دب أفضل تمشي تدرس في السودان قلت ليهو ياخي وانت ليشنو ما مشيت درست هناك عمو أيمن قال أي فكرة حلوة عشان تكونوا انتي وفرات مع بعض بابا قال أي أفضل وأي زول بقى بقول في رأيو وما فكرو يسألوني عن رأي
قلت ليهم خﻻص تمام موافقة لكن عندي شرطين عدي قتل لي الطلب موافقتك منو اﻷمر دة محسوم خﻻص بابا يا ولد (هرشوه سكت طوالي عجبني بابا تصرف في اللحظة دي) عمو أيمن قال لي انتي تأمري وأنا بنفذ ليك قلت ليهو عيد ميﻻدي يوم اﻷحد قال لي أصﻻ حنعمل ليك حفلة قلت ليهو ما كدة وبس أنا عاوزة حﻻ تغني لي فيهو قال لي كدة وبس من عيوني اها الشرط التاني شنو قلت ليهو ﻻ كدة كفاية عليك التاني علي بابا قلت ليهو عايز ايفونx قال لي والعندك دا شنو قلت ليهو دة بقى قديم قال لي علي العموم اوكي لكن بعدين ما تنطي وتتراجعي عن كلمتك قلت ليهو إن شاء الله بعد ما طلعت غرفتي فرات قالت لي أنا ما عاملة حساب لي الحفل قلت ليها ما تشيلي هم تاني يوم كان السبت ماما جات صحتنا بدري قالت لينا يﻻ اجهزو عشان نمشي السوق جهزنا وطلعنا أنا وفرات وجالا وماما وخالتو نجوى
