صحيت تاني يوم الساعة 3م استحميت وصليت الصلوات الفاتتني نزلت تحت لقيتهم قاعدين يتغدو قعدت معاهم اكلت لي لقمتين كدة وبقيت سرحانة بفكر في أمي وأبوي عاملين كيف؟ خالتو نينا قالت لي توتة انتي من قبيل سرحانة ما اكلت حاجة قلت ليها ما عندي نفس قالت لي والله لو ما اكلتي بتمرضي اكلي حبة إن شاء الله حبيبتي اكلت شوية عشان ما تعمل لي كﻻم كتير رجعت الغرفة فرات جات شايلة الﻻبتوب وشغلت حفلة العيد ميﻻد دخلت الواتس لقيت نجود نشطة رسلت ليها ردت لي بقيت بحضر واعاين في تلفوني (ما تسألوني كيف ﻷني اتعودت اشغل التلفزيون واشتغل بي تلفوني في وقن واحد) أثناء ما بتكلم مع نجود الجد الخفي رسل لي كيف اصبحتي وكيف قيلتي عكر لي مزاجي قفلت التلفون و ركزت مع الحفلة
في يوم سبت بعد العصر نزلت الجنينة لقيت صمود بتلعب قعدت جنبها فرات جات قالت لي ريتال اتصلت علي علي وعزمتنا ايسكريم في دريم قلت ليها امشي براك أنا تعبانة قالت لي هي عايزة تتعرف عليكي عشان كدة عزمتك (وعاينت لي بي نظرة بريئة كدة) قلت طيب ما تتمسكني لي ثوانؤ وأكون جاهزة فرات قالت لي ثواني شنو أنا خابزاك وعاجناك يا بتي عندك 10 دقايق صمود قالت لينا ماشين وين أنا ماشة معاكم فرات قالت ليها ﻻ ما بتمشي طوالي صمود انفقعت بكى قلت ليها فرات حرام عليكي قعدت في اﻷرص مسحت ليها دموعها وقلت ليها يﻻ يا حلوة ارح البسك عشان تمشي معانا مشيت كلمت أمها ولبستها بنطلون اسود وتيشرت أخضر و اسبورت أخضر ومسكت شعرها واحد باللستك طلعت قمة في الروعة خصوصا شعرها طويل وأنا لبست بنطللون وعملت شعري ضنب حصان ولبست لي كاب وصلنا لقيناها قاعدة سلمنا عليها حﻻتها وحبابة طلبنا الايسكريم وقت وصل الطلب قلت ليهم دقيقة ما تأكلو ناخد سيلفي أول اتصورنا وأكلت شوية كدة عدي اتصل علي مكالمة فيديو قمت رديتو عليهو واندمجت معاهو وكنت مبسوطة شديد بعد ما خلصت لقيت نفسي واقفة جنب 3 اوﻻد بشاغلو فيني مشيت اسلم عليهم (ما تسألوني ليه ﻷني متهورة ودايما بتصرف من دون تفكير) وعلي سوء حظي فهري جاء ماري سلم عليهم وجراني طرف قال لي انتي الجابك شنو وبعدين وين الطرحة قلت ليهو جابني الجابك وبعدين دة ما شغلك نفضت يدي منو ومشيت خليتو
مشيت لي ناس فرات قعدت قلت ليها انتي اتصلتي لي فهري قالت لي ﻻ ﻻ مالو شفتي برة وﻻ شنو قلت ليها اي رفعت رأسي من شوفتو جاي علينا سلم علي ريتال وقال لينا يﻻ اوصلكم معي لو خلصتو طوالي فرات قامت مسكت ليها يدها ابتسمت لي بي غيظ وقالت لي ارح بعد دة فهري قال لي ريتال ارح نوصلك معانا قالت ليهو ﻻ ابوي بجي هسع فهري طلع قدامنا ريتال ضحكت لينا وقالت الله يصبركم قلت ليها المنفسن دة كان تخليني ليهو يا فرات فرات قالت لي عشان تفضحونا أنا عارفاكم انتي و فهري ما بتتغقوا فما ناقصين فضائح يﻻ مع السﻻمة يت ريري بينا تلفون
ركبنا العربية فهري كان بعاين بالمراية ساي قال لي عايني تاني وانتي طالعة البسي ليك طرحة بالله انتي في السودان ما في شارقتكم الفاكة دي وأنا وﻻ كأنو بتكلم معي لمن وصلنا أول ما العربية وقفت نزلت ورزعت الباب شديد عاين لي نظام اصبري وأنا ما اهتميت طوالي دخلت جوة
