احبيته فأنتقم

الخامس و عشرون

كعت بالكوه فتحت عيوني ما شفت واحد سمعت صوت مريم

مريم:الحمد الله ع السلامة

ايمي:الله يسلمج

بقيت صافنه بعدين اذكرت الصار

ايمي:مريم شنو صار بالبيت

مريم:ااااااا حبي كومي بالسلامة و بعدين اتعرفين

سكتت بقيت ابجي ع الكاعد يصير وياي اني شسويت و اني كاعد ابجي اجت الدكتورة

الدكتورة:الحمد الله ع السلامة

مريم:الله يسلمج دكتورة بشري اشلون الفحوصات

الدكتورة:لا الحمد الله ماكو شي و الجنين هم زين

ايمي:يا جنين

بقيت اباوع المريم مصدومه

الدكتورة:ههههههههه متعرفين حبيبتي انتي حامل مبروك تكدرين اطلعين اذا حابه

و طلعت بقيت ابجي

مريم:حياتي كافي لا تبجين 

دك موبايل مريم

مريم:يلا حبي كومي علي ينظرنه

كومتني و اني اصلا ممصدكه اني حامل طلعنا من الغرفة و اني لازمه بالمريم ذابه حيلي عليها طلعنا من المستشفى شفت سيارته وصلنا مريم فتحت الباب الامامي اليا عفته و رحت صعدت ليوره سمعته كال

علي:اللهم  ازدني صبرا

مريم صعدت هم وره يمي نزل فتح الباب اليمي مال السيارة

علي:كومي صعدي كدام

ايمي:ماريد

سحبني من ايدي حيل نزلني من السيارة و سحبني للباب الامامي فتح الباب صعدت لان شسوي

اجه صعد و مشه بالسيارة بقيت صافنه ع الشباك ما منتبه ع الجاي يصير ............ 

مريم:ايمي ايمي كومي وصلنا

صحيت اشويه و نزلت شفت هذا مو نفس البيت نزل  لزمني من زندي و دخلنا البيت كولش اصغير دخلني جوه و قفل الباب و طلع بقيت ادك بالباب و ابجي و اشهك محد فتحا رحت شفت البيت شفت صاله و بيها مطبخ يعني هيا صاله و يا مطبخ و بيها درج  رفعت راسي شفت بردة شفافه صعدت فوك الدرج من خشب شفت جربايه جبيره  و اكو مكتبه و باب فتحت الباب شفت حمام عادي بس الوان البيت اتخوف كله لون   اسود  كعدت ع الجربايه ابجي ع حظي ليش هيج باوعت البطني و كولت

ايمي:ليش هيج وقت اجيت ها ليش

دخلت سبحت  سمعت صوت برا لبست ملابسي  و طلعت نزلت شفته كاعد ع التخم

علي:حضري الاكل مخلي ع الميز

ايمي:ليش ما اخذتني البيتكم

علي: يكولون العار ميدخل بيتنا و هذا من حقهم

رحت كعدت ع الطبله الكدامه كولت خل امشي ويا نفس ميريد