اجت فاطمة و بيدها صينية مال اكل
فاطمة:يلا حياتي تعالي اكلي
ابتسمت الها مسويه شوربة و عصير
فاطمة:اسفه بس ماكو شي بالثلاجه فسويت بس شوربة
ايمي:لا حياتي عادي
اكلت اشويه لان ميته نعس
ايمي:فاطمة اني راح انام
فاطمة:حياتي بعد وكت.
ايمي:مو اشويه نعسانه
كمت رحت للجربايه اول ما خليت راسي نمت
فاطمة:ايمي ايمي كومي
ايمي:امممممممم
فاطمة:ولج كومي لا تجي ام امين
ايمي:هسه
راحت كعدت افرك بعيوني كمت ع كيف رحت للحمام اغسل
واني اغسل اذكرة علي جان لا ليلي ليل و نهاري نهار كولت هسه المجهول احلا من ايام علي لو اسوء
كملت طلعت من الحمام الحمام صاير يم المطبخ بحيث اول ما اطلع من الحمام يصير المطبخ المطبخ هو طباخ و كاونتر كولش اصغير
فاطمة:ها اشلونج
ايمي:زينه
فاطمة: يلا تعالي اكل
ايمي:تمام
رحت اكلت جبن و جاي و كمت نظفت الصالون لان فاطمة كالت الي لمن كملت تنظيف اجت ام امين
ام امين:السلام عليكم
فاطمة:و عليكم
ام امين:شيلن الاغراض و رتبنهن
اخذتهن اني و فاطمة و فاطمة اتعلمني و ارتب الغراض و احنا كاعد ارتب اجن بنات يريدن يسون شعرهن و مكياج
سويت شعر ثنين بنات و سويت الهن مكياج بناتي طلع حلو بس بسيط كولش الحمد الله عجبهن
و كلساع وحده تجي لو اسوي شعرها لو تصبغ لو مكياج لو تجي تحجز علمود عرس يعني هيج مشه اليوم
صارت الدنيا ليل
ام امين:هاج ايمي افلوسج
راحت اخذتهن
ايمي:شكرا خاله
ام امين: هسه راح اروح باجر انفتح من وكت لان عندي عروس عرسها من وكت
فاطمة:تمام
راحت ام امين
فاطمة:ايمي اني طالعة اجيب اكل لان الثلاجه فارغة
ايمي:تمام اني راح انظف الصالون
فاطمة لبست ملابسها و حجاب و طلعة اني كمت انظف نظفت كول الصالون و رجعت المكياج المكانه يعني كملت كولشي
أنت تقرأ
احبيته فأنتقم
Randomقصة حقيقة { باللهجة العراقية} قصة عن مشهور عراقي و الدول العربية بس هو عراقي ينتقم من بنت........... اتمنه تعجبكم🌹
