احبيته فأنتقم

الواحد و الثلاثون

طلعت من الحمام و سمعت علي يحجي بالتلفون

علي:اي

عفته و رحت اخذت ملابس من الكنتور

علي:لا اتخلين هواي مكياج ما احبه

علي:يلا مع السلامة

فتحت الكنتور و شفت ماعندي ملابس بس مال بيت شفته كلها قصيره و اضوج البس كدامه  هيج شفت اكو بجامه عريضه لونها وردي و اخذت بدي ابيض و دخلت للحمام لبستهن و طلعت

علي:جبت الج جرجف سوي الجربايه

باوعت ما اعرف اسويه رحت يم الجربايه  وخرت الشرشف  و فتحت الجرجف  الجديد ما اعرف اسوي شمرته ع الجربايه و خليت فوكها اللحاف بحيث ممبين

اجه

علي:كملتي

وخر اللحاف علمود ينام شاف الجرجف مصاير

علي:شنو هاي

ايمي:معرف اسوي

علي:ههههههههههههههههههه

اجه يمي صار يمي ضبط اني منزله راسي

علي:شوفي هسه اسوي مثل الحبابه لا يصير ال ما يعجبج

ايمي:يعني شسوي معرف اسوي

علي:مو مشكلتي اتعرفي ما اتعرفين اني رجال اريد مكان نرتب

اخذت الشرشف و عدلته

و رجعت ع الحايط هو راح طلع اله بنطرون و تشيرت لبسهن و طلع

غميته لمن طلع و نمت ع الجربايه...................

كعدت ع هوسه بالبيت فتحت عيوني شفت ماكو واحد بالغرفة كمت  غسلت و سبحت لبست نفس ملابسي لان ماعندي ملابس طلعت من الحمام نشفت شعري  و خليت اشوي عطر شفت ملابسي كولشششش مال بيت مو مال اطلع بيهن من الغرفه شفت اكو شي يخلو ع الجتف (شال) خليته ع جتفي و لفيته بهذا الوقت راح كل الصوت طلعت من الغرفة رحت نزلت شفت ماكو واحد ابدد طلعت من الحديقة شفت اكو الحراس رحت يمه و سئلتهم

ايمي:مرحبا

الحارس:مراحب

ايمي:ليش ماكو واحد بالبيت

الحارس:اليوم زواج السيد علي فراحو للقاعة ليش حضرتج ما تعرفين

فتحت عيون و جتفت ايدي

ايمي:ها لا اعرف بس نسيت

رحت دخلت للبيت و سديت باب البيت حيل عيون دمعت بس ماريد ابجي  صعدت فوك للغرفه كعدت ع الميز تواليت  صفت ع وجهي ماكو شي اسوي سمعت الباب الجوه انفتح كمت ركض فتحت باب غرفتي و نزلت اول ما نزلت صارت سمر بوجهي

سمر:ها حبي كعدي

ايمي:اي (بابتسامه)

سمر:يلا تعالي خل ناكول ماعدنه شي هههههههه