شفت الاختبار بقيت صافنه و عيوني دمعت اشلون لا لا الاختبار غلط اي اي الاختبار هو غلطان لامستحيل يكون غلطان اشلون يعني حامل لا اي الاختبار غلطان و هاي افكاري بقت الاختبار غلط و الاختبار صح مادري انصدمت معرف شسوي وين اروح فزيت ع دك الباب مال الحمام
فاطمة:ايمي انتي بالحمام
مسحت ادموعي بسرعة
ايمي:ها اي اي اني
فاطمة:بيج شي
ايمي:ها لا قابل اشبيه
فاطمة:تمام
راحت و اني بيقت ابجي ساعة اكول لازم اوكع الطفل ساعة اكول هو خطيه ماله ذنب ساعة اكول اني محامل الاختبار غلط غسلت وجهي و ذبيت اختبار الحمل مجنت مصدكه احسه الاختبار جذب او اقشمر ع نفسي
طلعت من الحمام شفت فاطمة بالمطبخ دا اسوي اكل رحت للغرفة و اني مبين عليا جنت ابجي
فاطمة:ايمي ايمي اشببج
اجت ورايا
فاطمة:ايمي اشبيج
ايمي:مابيه شي يا اختي معليج بي لا تدخلين بحياتي (بصياح)
فاطمة:تمام اسفه مو قصدي
و رحت كعدت ع الجربايه ابجي و ادعي ع عيسى لان كوله من وراه و اللهم ربي اني شسويت والله ممسويه شي الواحد ليش ربي هيج وياي مو متت والله ساعة عيسى ساعة علي هسه حامل شسوي ياربي شسوي اجهض الطفل بس هو شعلي بيه هو ماله ذنب الذنب ذنبي اني الصدكت بعلي و مسمعت كلام اختي عبالي يحبني طلع يموت مني و عافني علمود شي جذب لعد اشكد ميثق بيا ذبني بالشارع و نساني و هسه الطفل معرف شسوي بي ارجع اله حتا ماعرف عنوانه و معرف اي شي عنه و بعدين اكيد راح يكتله نفس ما كتله الاول يا اني اربي يا اموته ما اكدر اشيل مسوليته شسوي يربي اوفففف بس ليش حتا اكتله شنو فرقي عن علي لعد شسوي ياربي شسوي الطفل ماله ذنب زين اشلون اربي الطفل و اني طفله ياربي ساعتني ياربي شسوي ياربي مالي غيرك يا مريم العذارء ساعديني شسوي معرف
اتمدد ع الجربايه و نمت بدون محس ع روحي
فزيت ع صوت بجي فركت عيني ع كيف شفت فاطمة كاعده ع الجربايه تبجي و لازمه صورة
ايمي:فاطمة
فاطمة بسرعة مسحت ادموعها و
فاطمة:ها
ايمي:اشبيج
فاطمة:مبيه شي
باوعت ع الصورة شفتها وكفه يم واحد شاب و يضحكون امبينه جانت حامل بس باول اشهر
سحبت الصورة و كولت منو هذا
فاطمة:محد هيج يلا اني راح انام
اخذت الصورة مني ونامت
اني ميته جوع كمت للمطبخ اشوف شكو ماكو شفت اكو فاكها اكلت رجعت للغرفه نمت
أنت تقرأ
احبيته فأنتقم
Randomقصة حقيقة { باللهجة العراقية} قصة عن مشهور عراقي و الدول العربية بس هو عراقي ينتقم من بنت........... اتمنه تعجبكم🌹
