الدكتورة:مبروك حامل بتوام (ابتسامه)
صفنت ع فاطمة بصدمه
فاطمة:اي دكتورة شنو جنسهم (ابتسامه و صدمه )
اني صارت الدمعت بطرف عيني و مصدومه حتا ما كدرت اتحرك من وره الصدمه
الدكتورة:اوكفي هسه اشوف
كامت اتحرك الجهاز ع بطني
الدكتورة:ما شاء الله ولد و بنيه
لزمت بالشرشف حيل
و كمت و دفعت يد الدكتورة و رحت طلعت ركض و نزلت الدرج اجت فاطمة تركض و رايا
اجت لزمتني من ايدي و صارت بوجهي
ايمي:شنو اتريدي سمعتي كوله من وراج اني واحد ما اكدر اربي هسه اثنين اشلون لو منزلته من قبل و خلصانه ليش هيج دا يصير وياي (و الدموع بعيني و اصيح بعصبيه)
رحت بسرعة للصالون و سديت باب الصالون بقوة ضجت كولش رحت للمطبخ كسرت كولشي ما خليت شي يعتب عليا و اني ابجي و اشهك بنهاية تعبت كعدت و حضنت رجلي و كمت ادعي ع علي و عيسى لان هم السبب بكولشي دا يصير اليا بقيت ابجي و اشهك و ادعي و نمت بدون ما احس
فاطمة:ايمي ايمي كومي
ايمي:شنو
كعدت افرك بعيني بتعب و باوعت الها
فاطمة:كومي نامي ع الجربايه
ايمي:ماريد
نزلت لمستوي
فاطمة:ايمي ليش دا اسوين هيج بروحج
ايمي:ليش ليش (باستهزاء)
فاطمة:اي ليش الصار صار و الوقت ميرجع عيشي ايمي لا اتعبين نفسج بالتفكير و ذبي كولشي ع الله و الله ماينسه عبد عنده هسه كومي و ارتاحي
ايمي:اشلون ما فكر و اني راح اجيب اثنين فاطمة حسي بيا حطي نفسج بمكاني بنيه محد الها اصلا طفله اتريد اجيب اثنين و محد الها اشلون اتربيه اشلون
فاطمة:والله افهمج كاعد بس انتي دا اتعبين نفسج هواي و يلا كومي نامي مو زين عليج هيج
كومتني ع كيف خليت ايدي وره ظهري و كومت رحت للغرفة نمت ع الجربايه و فاطمة ساعدتني بعدين راحت اترتب بالصالون و اني نمت فزيت ع ضوء الشمس
كومت غسلت و غيرت ملابسي ع كيف بعدين رحت كعدت ع الجربايه شفت فاطمة نايمه كمت رتبة الصالون هو امرتب اصلا لان فاطمة رتبته بس عدلته اكثر و سويت اليا اكل لان ميييته جوع سويت لفتن جبن و كعدت اكل ع الطاوله و اني كاعد اكل اجت فاطمة
فاطمة:ها كاعده
ايمي:اي قبل اشويه كعدت
فاطمة:تمام بالعافيه
أنت تقرأ
احبيته فأنتقم
Randomقصة حقيقة { باللهجة العراقية} قصة عن مشهور عراقي و الدول العربية بس هو عراقي ينتقم من بنت........... اتمنه تعجبكم🌹
