صحيت الصباح صليت ونظمنا البيت كلو عشان كان فتح الفطير والناس ح تجي وكدا طلعتا تلفوني دقيت لي م مهاب ما ردا مشيت استحميت ولبستا لي عبايه استقبال عنابيه وفيها رسم بالاسود واتحجبتا(كتر خيرك ي هوبي دخلتها الاسلام😂) سويت ميكب خفيف واسيل لابسه زي مشينا بس في شغل المراسيل وجيبو وامشو الدكان وامشو الظلط وودو وسو لحدي المغرب كدا بعدين شدينا دلوكتنا وزغاريتنا واصله امبدة😭😂😂😭😂❤️ونغني قالو خلاص نقلب ظار😂👌الشيوخ جلسو والبخور طلقو لي لولا اللول اللول يا لوليا بسحروك يا لولا الحبشيه وييي ويييي💃💃💃سي سي💃💃المبتصفق ان شاء الله م يعرسوها💃👏👏👏مشيت اول م مسكتا التلفون اتصل علي مهاب قلتا ليو وين من الصباح قال لي والله كان عندنا صيانه في البيت وانا حارس العمال والتلفون كان فوق في البيت قلتا ليهو اشتقنا وكدا قال لي كتير وحياتك اتونسنا شويه ونمتا عدا اسبوع جاو وقت دق الريحه وبرضو برنامج كان التلات وخلاص يوم الجمعه العقد والعرس بعدو بس اسبوع يوم العقد دا شي تنظيم وترتيب وما بعرف والعروس قالت اصلو م طالعه من غرفتها ولا ماشه كوفير كلنت لبسنا واتظبطنا وجينا هي لبست فستان لونو زي حرجلي غامض ومنثق مع جسمها وكوينا ليها شعرها ومكيجناها بعد شويه الزغاريد طلعنا اهل العريس جو ضيفناهم والرجال مشو صلاه الجمعه عشان العقد وهي حلفت كان تطلع برة تسلم 😂😂😂 بعد شويه الرجال جو وباركو وهو دخل ليها وبارك ليها جبنا الغدا وكنا جايبين قونه بعد المغرب امي اتصلت باركت للناس واعتذرت انها م قدرت تجي . صلينا المغرب ويلا بعد شويه القونه جات اول غنيه :
قالو راجل الشلب بتشلب بلف وبرجع زي الكلب😉هيييييي دييي ماااله لو ما عارفه وروها تتلمى وتشوف حااااله😂💃💃💃💃استلمي يا رميه 💃👏كلامي ختي طاقيه 💃👏م كعبه الشلابه كعب الراجل الراسو خفيف النصييييييييحه😂👌💃 هججنا دخلنا بيت ناس عمي والله اترمينا في الهول نمنا في البلاط ساي م كان فينا حيل نطلع فوق بالعروس زاتها اتخمدت معانا في الارض😂😂😂😂صحينا الصباح كنا عاملين زي الرز المكشوح وفي رقدتنا ديك جو ناس الحلة يباركو لا عرفنا نقوم ولا نرقد بس مرت عمي ادتنا حميرة ترفنا الصاح واتتفضنا قمنا😂😭😂😂😭😂عدا الاسبوع عادي العرس كان الخميس يوم الاربع كلنا مشينا الكوفير نتحنن همستا لي الحنانه قلتا لينا ارسمي لي حجل واكتبي فيهو مهاب🙈رسمت لي ومف زول لاحظ رجعنا البيت اتكلمتا مع مهاب وعزمتو الخميس صحينا لقينت العروس مشت الكوفير وكانت معاها بت عمي التاني صحبتا شديد المغرب اتضبطنا انا كنتا لابسه فستان من فوق كحلي فاتح ومن تحت عامل 7.8 كحلي غامض وفيهو لمعه بالفضي وفكيت شعري وبنات عمي كانو شباين واسيل لابسه نفس فستاني بس هي حقها بنفسجي وصلنا الصلاه والحفله كانت بي حسين وبعدها الجرتق بي قسمه وتاني دي جي بي (العريس عزاها😂💔) طلعنا مهاب نسى جكت البدله حقتو بقيت ماشه وبكورك ليهو وهو قطع الظلط مع صوت العربات م سامعني وانا لاحقه فجأه
_
نواصل بلسان مهاب
_
فجأه سمعتا صرخه اتلفتا وراي لقيت وحدة طايره في الهواء وفجأة جات خابطه الارض لمن عملت صوت الناس اتلمو وانا بحاول ادارك الموقف جريت لقيتها هبه 😞بتاع العربيه الضربها كان سايق بسرعه 1000😭هبه دي لمن طارت فوق وجات خابطه الارض انا بدون اشعر شلتها وجريت اقرب عربيه معا اني م بعرف اسوق بس م عارف سقتا كيف اول مستشفى نزلتها دخلوها غرفه العمليات طوالي الناس كلهم جو وبقينا قاعدين على اعصابنا منتظرين الدكتور جا قال عمليه مستعجله اهلها دفعو التكاليف وعلى طول بدو قريب 4 ساعات حتى الدكتور طلع قال لينا جاتها سكته دماغيه وعندها نزيف داخلي وفقدت دم كتير لازم تنقلو ليها دم وللاسف الوقعه كانت قويه اسرت عليها وفقدت البصر😔كلام الدكتور سمعتو وخلاص نفسي اضايق جاني هبوط اسعفوني بدرب جلكوز💔 م لقينا زمرت دمها حتى بنك الدم ما فيهو اتذكرت ناس بيتنا اتصلنا عليهم ووريتهم الحمد لله ود عمي طلع نفس الفصيله طوالي جا ونقلنا ليها دم الدكتور قال لينا هي اتخطت مرحله الخطر بس ح نخليها في العنايه المشددة لمدت 72 ساعه عشان نطمئن وانتو اسي ممكن ترجعو وتخلو معاها 2 بس عشان لو احتجنا حاجه قلتا ليهم خلاص ارجعو وانا بقعد معاها اسيل قالت بتقعد برضو رجعو خلونا احنا فضلنا قاعدين ومننوع ندخل ليها صراحه انا اتمنيت اموت وما اشوفها بالحاله دي 😔لانو الوضع الهي فيهو دا والله العدو م بنرضاها ليهو😔بس دي حكمه ربنا 😭 اهلها بجو كل يوم مرت التلات يوم وكان كل شي بخير ودخلت الممرضه بعد شويه جرت طلعت نادت الدكتور عملو ليها فحص قالو جاها هبوط حاد في كريات الدم الحمراء ونبضها م طبيعي قالو يخلوها تاني 48 ساعه تحت المراقبه وبالفعل بعد 48 ساعه النبض رجع طبيعي والحمد لله خرجوها الغرفه بس كانت في غيبوبه فاقت بعد اسبوعين انا كنتا نايم جمب راسها فجأة سمعتها بتصرخ انا م قادرة اشوف انا شايفه طشاشش😭انا م شايفه شي😭قلتا ليها هبه اهدي قالت لي مهاب مهاب انا م قادرة اشوف م شايفاك ي مهاب😭😭😭😭م قدرت اكلمها بالوجع الهي مرت بيهو جات اسيل حكت ليها قالت ليها كيف يعني 3 اسابيع في غيبوبه؟لا كيف يعني انا اسي مش ضربتني العربيه؟اسيل لي انا م قادرة اشوف؟طيب انا كنتا شايفه مهاب وهو جاري بي وشفتو وهو سايق؟ طيب كيف يعني اسي م اشوف؟اسيل ادتها كف قالت ليها دي حكمه ربنا ي هبه وربنا اراد انك تشوفي مهاب اخر شي .
مرت اسبوعين خرجوها البيت وهبه كانت رافضه العلاج انا صورتا التقارير حقتها ورسلتها لي ابوي (دكتور ودا اختصاصو)اتصل لي قال لي في امل كبير انها ترجع بصرها لانو حالتها لسا م اتأخرت بس لازم تسرعو وتجيبوها هنا نبدا معاها العلاج بعد معانه حتى هبه وافقت تسافر سفرناها وفعلا بدا العلاج بس ابوي قال العلاج م ح ينفع الا تكون الحاله النفسيه جيدة عشان تتقبل العلاج وتتعالج اسرع بقينا نراضي بي جاي وجاي وهبه لا حياه لمن تنادي امها جات قالت ليها هبه قالت ليها نعم قالت ليها انتي م دايرة تشوفي اختك؟قالت ليها كيف ؟ قالت ليها انا حامل وفي الشهر ال7 م دايرة تستعيدي بصرك عشان تشوفيها(م تنصدمو ام هبه معرسه ليها سنتين من رجل اعمال قطري ووضعو المادي ممتاز 😂) قالت ليها يعني ح يبقى عندي اخت😭قالت ليها اي عشان كدا انتي لازم تستجيبي للعلاج وبعدين دايرين نخطبك لي زولك دا قبل يتخطف منك 😂قالت ليها كيف كيف يعني تخطبوني لي مهاب؟واي م بصدق احلا خبر قالت ليها انتي فتحي اول بعدين اول شي الخطوبه 😂❤️فعلا العلاج استمرا شهر وعملو ليها عمليه هبه استعادت النظر والحمد لله😔❤️وكلو بيد ربنا صح الطب متقدم واي شي بس ااذا ربنا ما كان رايد بصرها يرجع كان الالف الادويه والعمليات م ح ترجعو ليها😔❤️انبسطنا شديد واخيرا الفرحه رجعت لي حياتنا❤️
_
نرجع لي لسان هبه
_
صراحه كل الناس فقدت الامل الا مهاب وامي ومستحيل انسى وقفه مهاب معاي❤️بالجد هو كل مرة بيثبت لي انو راجل ❤️مع انو ماف علاقه بتجمعنا غير الحب وهو كان في يدو يتخلى عني بس هو الوحيد الكان خاتي امل اني ارجع اشوف او حتى انو انجى من الحادث الحصل معاي❤️وقفه معاي وقفه رجال❤️وقفه ابو في بتو❤️وقفه اخو في اختو❤️وقفه راجل في مرتو❤️اثبت لي اني م غلطانه لمن حبيتو❤️ قعدنا تاني شهر في كندا عشان يطمئنو انو اي شي طبيعي خلاص وامي كانت في الشهر ال9 طوالي نزلت معانا السودان ❤️وجوني ناس باركو لي انا اتصدمت في شنو طلع انو نتيجتنا طلعت وجبتا 90.7 واسيل نفس النسبه وشهد جابت 92.8 ومهاب 96.5 وباقي الشله بين الكم و80 فرحنا شديد ❤️جا يوم بليل مهاب اتصل علي زي الساعه 11 مسا مهاب اتصل علي قال لي اطلعي برة قلتا ليو مهاب الساعه 11 قال لي اطلعي ولا بزعل قلتا ليو مسافه البس لبستا لي فستان طوبي وعملتا ميكب خفيف واتحجبتا(اصلو م بطلع مبهدله😂) طلعتا لقيت البيت كلو مضلم قلتا نامو طلعتا م ركزتا لقيتو راكب عربيه قال لي اركبي قلتا ليهو بري بري بليل دا قال لي اركبي وخلصينا ركبتا مشى مسافه وقف قدام صاله قلتا ليو مهاب دا شنو الهظار البايخ دا قال لي انزلي قلتا ليهو لا جا فتح الباب شالني ولزا الباب بكراعو دخلني جوه وشوفو المفاجأه 😳😱
