هبه رجعت البيت مبسوطه وقضت باقي يومها نوم لحدي المغرب اتصل عليها ود عمها نزلت ليهو تحت قال ليها انا بصراحه عايزك في موضوع قالت ليهو اتفضل قال ليها والله انا عايز البت المعاكم دي على سنه الله ورسوله وانا بحبها من شفتها في عيد ميلادك وم عارفه اصل ليها كيف لو ممكن توفقي الاوضاع بيناتنا قالت ليهو طوالي خلاص انتا امشي البس وانا بخليها تتطلع معاي على اساس ماشين مشوار ونمشي شارع النيل بنزل بخليكم في العربيه انتو اتكلمو بي راحتكم ولمن تخلصو دقو لي بوري قال ليها تمام هبه طلعت فوق وقالت لي منى ارح معاي مشوار سريع لبسو وطلعو وحصل كل الخطه بالضبط ومنى وافقت قال ليها طوالي بكرة بجيب امي لي امك تاني يوم نضفنا البيت وخالتو نهى م كلمناها بي شي وكتمنا موضوع الطلعه خالص ومرت عمي جات لي خالتو نهى واتكلمت معاها قالت ماف مشكله بس تشوف راي ابوها ورايها اول اتصلت لي خالو عصام وانا دخلتا جوا على اساس انو امشي اشوف راي منى وهي اصلا موافقه عمو وافق وفكينا زغروته قالو ليهم بعد بكرة بنجيكم هناك وبنجيب الاهل كلهم وافقو وتاني يوم من الصباح رجعو بيتهم وكلمو ناس بيتهم وانا ومهاب متواصلين مع بعض بس م زي زمان نظرا لانو هو بقى عندو مسؤليه وكدا وتاني يوم مشينا كلنا لي ناس مهاب وفعلا اتعرفو عمي قال ليهم وقت احنا جينا هنا نعقد طوالي وعندنا مأذون نتصل ععليهو يجي علينا وفعلا مسافه الطريق بس وبعد شويه سمعنا التكبيرات وفكينا الزغاريد وطلعنا بيتنا وكل زول فرتق بتكلم مع مهاب قال لي انتي ي هبه اي زول جا قعد في بيتكم دا عرس الا انتي الوحيدة البايرة الحايرة😂انا اتضايقتا شديد من كلامو وقلتا ليهو اظن عارفين السبب وقفلتا الخط في وشو اتخيلو م فكر يرجع ولا بي رساله حتى؟مهاب للدرجه دي بقى بعيد مني؟ مرا اسبوعين ومهاي م عبرني زاتو وامي وريون رجعو قطر وخلو لي البيت فاضي ولين مشت بيتهم وانا غفلتا البيض ومشيت اجرتا شقه في الرياض م بعيدة من الجامعه وقطعتا علاقتي مع اهلي مرة تانيه وبقيت زوله سطحيه حتى خالتو نهى بقيت معاها بالتلفون من فترة لي فترة لحدي م انقطع التواصل بيناتنا نزلتا الجامعه وكنتا خاته في بالي امكن الليله الاقي مهاب بس اتخيلو ختى عينو جوة عيني واتجاهلني عادي؟ولا كأنو في بني ادم واقف قدام؟مشى خلاني واقفه في مكان ولا حتى سلام عليكم ساي م قالها لي؟انا طوالي بقيت اتجنبو واتجاوزو عادي لحدي م خلصنا السمستر الجامعه كانت عامله حفله للسناير والبرالمه الجداد م كنتا عايزة امشي بس شهد اصرت علي واسيل اصلا بعد عرست استقرت هي وحازم في عمان ف مشيت الحفله وم كنتا مركزة مع الاغاني بس لفتتني غنيه
يا خسارة زول تحبو ويمشي وينساك في ثواني💔
وما يفكر انو بعدو كيف كتير انتا بتعاتبو💔
ويكسر الريدة القديمه ويقفل ابواب الامانيي ويبني حاجز بي غرورو و ينسى حبو الاولاني💔
وزول تخاف منك عليهو ومن عيون تسحر دلالو ومن ظروف قاسيه بتفرق مرة تحرم من وصالو💔
اصلو طبع الدنيا ظالمه م بتخلي زول في حالو 💔
وبس خلاص ي روحي سيبا اصلو قلبي وياهو حالو💔امشي فتش لي سعادتك وما يهمك مهما قالو💔
ي خسارة زول تحبو ويمشي وينساك في ثواني💔.
حسيت انو الغنيه بتقصدني بي معنى الكلمه وتلقائيا بكيت وجريت برة الحفله وما شايفه حاجه قدامي بس حسيت بزول مسكني وجراني عليهو وضماني شديد لمن ارتحتا وهديت وبقيت بقول ليهو ابعد مني لو سمحت قال لي ابعد امشي منك وين بس وانا كل م اقول ابعد قلبي بجيبني ليك😢💔وانا عارف انك متأثرة شديد والغنيه زادتها عليك😭😭قلتا ليو مهاب انتا لي عملتا كدا؟😭لي خليتني اتعلق بيك ومشيت خليتني😭؟اذيتك بشنو انا عشان تعذبني كدا ي مهاب😭؟ انا كل م اقول هانت انتا يتكسرني زيادة😭لي بس لي انا عملتا شنو خلاك تكرهني للدرجه دي😭؟ قال لي اعفي لي ي هبه اعفي لي ةنا والله ما بي يدي حاجه والبحصل معاي دا كلو رغم عني والله😭😭😭قلتا ليهو مهاب انا بحبك عليك الله م تسيبني والله بموت😭😭😭قال لي وانا م ح اسيبك😭ودا وعد راجل المرة دي وماف راجل بخلف وعدو😭❤️بقيت ضاماهو شديد
Life happens...people are imperfect... we fail and we fall, and when we get a second chance at life and happiness, we seize it, regardless of who cheated!... because now we know what matters... because now we know what's precious... Because now we know that any tiny little moment of happiness that we can grab onto in this lifetime is a moment worth having, regardless of what anyone else thinks.💜 💌
يتبع
