مهاب جا داخل ومعاه وحدة امو قالت ليهو دي منو قال ليها مرتي انا حسيت بصاقعه ضربتني اتجمدتا وهبطتا وبديت ارجف بس قويت قلبي وحبستا دموعي ومشيت وقفتا قدامو طلعتا الدبله واديتها ليو وقالتا ليهو دي م بتلزمني بعد كدا وانتا كمان جريت الدبله من يدو وقلتا ليهو ربنا يسعد عاوزة اطلع كدا وقفتني خالتو نهى قالت ليهو م عافيه ليك على العملتو في هبه وانا ما لي قعده في البيت الا تطلقها 🙂قال ليها انا م ح اطلق طوالي مشيت صمتو كف وقبل يفتح خشمو لحقتو التاني وقلتا ليهو بتفضلها على امك ؟على المرة الشالتك 9 شهور واستحملت الم الولادة؟على المرة الربتك؟على المرة تعبت فيك لحدي م بقتك راجل؟يخس يخس لو الولادة كدا ان شاءالله نبقى عقيم🙂 اتقدمتا وقلتا ليهم نتلاقى بكرة في العرس ي شباب وسقتا خالتو نهى ومشيت وقفتا ركشه قلتا ليهو ودينا كوفير ..) خالتو نهى قالت لي ليه؟قلتا ليها بكرة عرس ولدك عاوزة تمشي كرعينك بيضاء؟مشينا نزلنا قعدتها في الحنانه وقلتا ليها ارسمي ليها احلا رسم دي ام عريس ❤️ومشيت برة قلتا ليهم عاوزة اعمل ميج قعدوني غسلو لي شعري وكبو حاجات كدا وتاني جو عن عملو لي خصل كتيرة بقى خصله سودا وخصله شقراء بعدها غسلو لي شعري قلتا ليهم عايزة حمام زيت نشفو لي وعملتا حمام الزيت ومشيت لقيت الحنانه خلصت من خالتو مديت ليها ايديني وحننتني قلتا ليها ارسمي لي حجل رسمت لي طلعنا قلتا لي خالتو ارح معاي ماشه اشتري لي فستان قالت لي اجي م مطقمه مع بنات عمك قلتا ليها غيرت راي مشينا محل فساتين في شارع الوادي اشتريت فستان قلتا ليها ارح معاي الصيدليه قالت لي بسم الله مالك قلتا ليها عاوزة اقد زمام مشينا وفرجتا فيني الدنيا القد حار شلتا مراهم منهم لانو نخرتي اتنفخت قلتا ليها بكرة عندي مناسبه قالت لي طيب شيلي دا ومسحي كل 3 ساعات الالم بخف سريع وركزي م توصلي للقد مويه او بدرة او فاونديشن رجعتا خالتو البيت وقلتا ليها ماشه اعمل حاجة واجي كان في محل جمبنا بركب اظافر دايمه مشيت ركبتا في يديني الاتنين واشتريت منكير اسود وجيت الليل ليل وانا م قدرتا انوم الليل كلو شلتو بكى لحدي م نمت صحيت الصباح اشتغلتا ليك فيني وفي خالتو ماسكات لحدي الساعه 1 مشيت الكوفير وعملنا مكوه وجينا راجعين نمنا شويه وعدها غريب المغرب مكيجتا خالتو لبس تقول هي العروس والله لمن م عرفتها ما شاء الله😘❤️ومشت تلبس انا مكيجتا روحي مكيب م كتير وم خفيف وفي حاجات كان اول مرة اعملها بس ظبط شديد لبستا فستاني لونو كبدي غامض وفيهو شغل جميل بالاسود من تحت وفيهو لمعه وكان اوف شولدر وفكيت شعري ومشينا اجرنا ترحال وصلنا الصاله داخلين انا وخالتو نهى لفتنا كل الانظار وكل الناس جايه علينا تبارك لي خالتو شويه كدا خالتو قعدت في كرسي والفنان بدا يغني مشيت قعدتا مع بنات عمي وصحباتي واخر رقيص شويه العريس والعروس ماشاء الله عليهم زي القمر رقصو اسلو وتاني بدينا نهجج شويه لمحتا مهاب جاي داخل ومعاهو مرتو عاينتا لخالتو لقيتها بتعاين ليهو وعايزة تقوم تمشي ليهو بس جريت مسكتا انا طلعتا خليت ليهو البيت عشان يجيني هنا؟خالتو كدا م صاح في الاخر دا اخوهو ولازم يبارك ليهو طيب اها دا اخوهو جايب دي لشنو؟يعني ي خالتو ح يخليها في براها؟مهاب كان م لاحظ لي وكل الناس فجأة عرفت اننا فسخنا الخطوبه وخلينا بعض بس كان جوابي الوحيد ماف قسمه ونصيب بس شويه كدا الجرتق وانا حسيت نفسي كتم طلعتا برة الصاله كانوفي نجيله جريت لي كرسي وقعدتا بس اشوف مهاب من هناك جاي علي ووشو بديك الف معنى جاني دا شنو الفي نخرتك؟قلتا ليهو الشايفاهو عيونك😘قال لي انا مش قلتا ليك م تقدي زمام؟قلتا ليهو هه وانتا منو عشان تقول لي؟ قال لي خطيبك وحبيبك قالتا ليهو خخخخخ كان بس اسي انتا بالنسبه لي اخو جاد وزميلي في الجامعه ومشيت منو وانا قلبي مقبوض بس قلتا هو م دخلو رجعنا البيت فتحتا تلفوني لقيت مهاب خاتي صورتو مع مرتو وكاتب اكملت نصف ديني❤️بعدها بي مسافه كتب ي جماعه هبه دي منو الانتو بتقولو لي ليها دي انا م بعرف وحدة بالاسم دا غير بت عم مرة اخوي وفي نفس الوقت زميلتي في الجامعه بس ماف شي بيناتنا☺️انا تلقائيا دموعي جرت وحسيت بمعنى الكلام القلتو ليو وقدر شنو حار بس عادي هو اختار غيري وهو حر
