المحكمه ادتهم فتره 6 شهور يقعدو مع بعض اذا الوضع م استقر يجو يمضو على ورق الطلاق. اسيل كانت منهارة شديد وسيرة انو ترجع تقعد مع حازم وترتها شديد
بعد شهر من الكلام دا حازم اتعالج من المخدرات والسكر ورجع لي اسيل ومنى
اسيل ارح معاي مهاب عازمني حفله بكرة عاوزة اشتري فستان .مشينا السوق اشتريت فستاني كحلي وفيهو رشات بالفضي طقمتو بالفضي مشيت البيت نمتا من التعب صحيت الصباح اتسوكت. ولمعتا شعيراتي ولفلفتهم زي الضهر ااستحميت واتجهزتا وسرحتا شعري ولبستا ولفيت طرحتي شويه مهاب قال لي تعالي لي دورتا عربيتي ومشيت لقيت ما شاء الله اهلي كلهم قاعدين واهلو دخلتا شويه زول مسكني ودخل معاي كان لابس جلابيه قعدنا في كوشة كدا شويه هو لبسني دبله ودا كلو وانا مصدومه زول سنه كامله م اتكلم معاي بقيت ما فاهمه حاجه بعد شويه هو قام قال ماشي يصلي العصر وجاي قعدتا برراي فجأة الزغاريد تجي الرايح والناس بدت تبارك شويه هو جا قعد والناس تجي تبارك وبعد شويه طلعه لي ورقه شلتها لقيتها قسيمه زواج😳😳😳😳كيفيعني زواج؟بكيت لمن الله غفر لي من الفرحه وقمت رقصتا حتيتو حت😂عاد بايرة وحايرة😂😂😂 طوالي لقيتهم مستفين لي شنطتي والمطار في الاول زعلتا شديد واول ايام نهائي م اتكلمتا معاهو هو في غرفه وانا في غرفه لانو ماف زول بعرس بالطريقه الهمجيه دي🙂لا حننه لا زفاف لي انا بنقص شنو من البنات؟🙂 بعرس كم مرة انا عشان عرسي يكون كدا؟🙂في يوم دقا لي الباب قال لي انا عارف انتي بتفكري في شنو ودا م العرس دي الحبسه بس وانا سوقتك هنا عشان م يحبسوك في بيت اهلك انا م بقدر اكون بعيد منك اكتر من كدا وبكرة تجيبي ماسكاتك وحاجاتك كلها وقالو في مره هنا سودانية بتحبس بوديك ليها من الصباح وبجي اسوقك بليل وبعد شهر بنرجع نعمل الدخله ❤️ صراحه من الفرحه نطيت اتعلققتا في رقبتو😂😂😭
مرا الشهر الحمد لله وانا اتغيرتا تغير توتلي وجا اليوم المنتظر من الصباح في الكوفير للحنه وتاني يوم كنتا متوترة مع انو م مفروض اتوتر كدا وكرهتا ست الكوفير في المكياج م تسوي لي دا وم عايزة دا وهي تشيل وتقرص فيني تقول لي انتب عروس يبت العرس كان في صاله دينار الملكيه اتأخرنا في outdoor وصلنا الصاله الحفله كانت بي طلال والجرتق بي امهاتنا😂 وكنا عاملين Over Knight بي Dj كان يوم جميل 😂
تفاصيل شهر العسل م ليكم دخل فيها🙈
اسي احنا لينا سنتين متزوجين وعندنا بنوته اسمها وتين . ويزوني جاي في السكه❤️
القصه حقيقه ويريت تكون نالت اعجابكم والهدف انو مف قسمه بتنقص والمكتوب ليك دا لو بعد ميه سنه ح تحصل عليهو يعني شوفو احنا مرينا بي حاجات قدر كيف وهو اتزوج وجاب عيال وبرضو قسمتنا تمت❤️وهو كل يوم بكبر في عيوني وبثبت لي انو راجل سيد رجال❤️
