عدت سنين الجامعه ومهاب بقى اب لي احلى بنوتين سماهم سبأ وربى واياد رزق بي ياسين وعلي ومريم في الطريق🙈وريويتي بقى عمرها 4 سنوات وماما جابت ليها جمال وجهاد (تؤام )عشان م تخليها براها كدا🙈 واحنا خلاص بقينا سناير 😂انشغلتا مع Exams و The project The discussion وخلاص فضل لينا Graduation
(الانجليزي دا عشان احسسكم اني بالجد سنير😂😭😂😭💔)يوم التخريج مينا انا والبنات الكوفير اتظبطنا وطلعنا على الصاله الفيها التخريج نزلنا ودخلنا لين قالت نست حاجه برة انتظرناها طولت شديد لمن طلعنا وياريتنا م طلعنا لين واقعه على الارض وشها مغطى بالدم جرينا بيها اقرب مستشفى قاعدين كدا الدكتور جا طالع من غرفه العمليات قبل نسألو قال لينا البقاء لله وانا لله وانا اليه راجعون كلام الدكتور بقى يمشي ويجي في راسي دقيقه كيف يعني ي دكتور؟😭يعني لين خلاص لالا مستحيل مستحيل اصدق😭😭😭😭لي ي دكتور ليييي😭😭😭😭😭ربنا دايما بشيل الطيبين😭😭 طه حبيبها لا ي لين لا انا كنتا جاي اتقدم ليك بعد التخريج كيف كيف تعملي فيني كدا وتمشي تخليني كيف بس😭طيب انا احب منو؟ ونادرين وانس الكنا عاوزين نجيبهم ي لين ؟😭 خالد فقد اعصابو لين قومي ي لين ي لين انتي عارفه انا م عندي غيرك بعد امي اتوفت😭 استغفرنا ونقلنا الجثمان بيتهم غسلناها وكفناها والرجال مشو الدفن خالد اخوها حالتو كانت صعبه شديد وم قادر يصدق امي وزوجها وريون وجمال وجهودي جو في اقرب رحله 3 البكى والناس كلها فرتقت لي بيتها حتى عمو رجع قطر وامي فضلت معاي وبعلي ي امي التيمان صعبين ياخ ديل شنو ينوم واحد ويصحى واحد شغالين فينا ورديه😂 وريو دي لو غفلنا منها لحظه بتحصل مصيبه 😂
هبه جيبي لي جهاد ارضعها وسكتي جيمي دا وريون اربطيها جمبك البت دي ولا وديها تلعب مع شفع منى تحت عاد جيمي حلف أكان يسكت لي شلتو ولفحتا توبي وسقتا ريو في يدي نزلتا تحت لي منى عاد ي منى الولاده كعبه دا شنو بتستحملو الصواريخ دي كيف ديل حالتهم ليهم 4 يوم يادوب صدعو بي قالت لي اها وانتي لمن تعرسي لازم تتعودي قلتا ليها بري بري عرس شنو كان كدي خليتو قالت لي اجي ي الخليتي واخوي الراجيك دا ي السجمانه الرمدانه قلتا ليها اخوك بي مرتو وبناتو خلينا انا وهو نعيش في حبنا دا ساي بس😂قالت لي اها عملتي شنو في موضوع الشغل قلتا ليها نازله اعمل الخدمه بعد كم يوم وبعديها ح اشتغل زي شهر كدا اشتغل في صيدلة معارفنا وبعدين احتمال اخصص حقتي براي لو ربنا سهل قالت لي تمام والله الوقت داك جيمي نام وريو زاتها بدت تنعس سقتهم ومشيت فوق رقدتا جيمي وريو وجوجا نامت وانا زاتي استقليت الفرصه ونمتا😭😂😭(البصحيني شنو عاد😂😂)قضيت الخدمه ونزلت شغل كان مالي لي وقتي بعدين يوم كدا قاعده في الصدليه امي اتصلت علي قالت لي تعالي سريع البيت وقفلت الخط انا قلقتا شديد استأذنتا ومشيت لقيت البيت ملان عربات اتخلعتا وخوفي بدا يزيد دخلتا باب السلم م كان في ولا حس شويه سمعتا صرخه جايه من فوق بقيت طالعه في السلم وقلبي في يدي كل م اطلع عتبه الصريخ بزيد وانا خلاص قلبي شويه ويقع من مكانو مشيت بي تردد على باب شقتنا وخايفه افتح ولا م افتح قويت قلبي وقريت ايه الكرسي وفتحتا ويريت م فتحتا انصدمتا صدمه العدو😱
يتبع
