Puzzle Pieces

Chapter 9 🍀

Bomin's Pov :

" ඔයා හොඳින් ද? " මං Hyomiගෙන් ඇහුවා.

" ම්..." එයා බිම බලාගෙන ඔලුව වැනුවා. මට තේරෙනවා එයා ඉන්නේ අවුලෙන් කියලා.

" අඩන්න ඕනෙ නම් අඩන්න. මං අහක බලාගන්නම්. " මං කිව්වා.

" ඔයා අහක බලාගත්තත් මං අඩන කොට ඇහෙනවානේ මෝඩයෝ. " එයා කේන්තියෙන් මට කෑගැහුවා. එතකොට මෙච්චර වෙලා එයා හිර කරන් හිටපු කදුළු එයාගේ මූන දිගේ ගලාගෙන ගියා. මං එයාට ඇති තරම් අඩන්න දීලා පාඩුවේ පැත්තකට වෙලා හිටියා. හොඳ වෙලාවට ඒ වෙලාවේ කවුරුත් එතනින් ගියේ නැත්තේ. නැත්තම් අපි දෙන්නා දිහා බලලා මිනිස්සු වැරදියට හිතයි.

" වතුර තියෙනවාද? " එයා ටික වෙලාවක් අඩලා ඇහුවා. මං එයාට මං ලග තිබ්බ වතුර බෝතලේ දුන්නා. එයා වතුර බීලා ආයේ අඩන්න ගත්තා. ඒකට මට හිනා ගියා.

" ඇයි හිනා වෙන්නේ? මම අඩනකොට කැතයි නේද? " එයා එහෙම කියලා ආයේ හයියෙන් අඩන්න ගත්තා.

" එහෙම නෑ. ඔයා ඉස්සෙල්ලා වතුර බීපු විදියට.... ඔයා කැත නෑ... " මම උත්තර දුන්නා. ඒ වචන ටික මගේ කටින් එලියට ආවේ ගොඩක් අමාරුවෙන්.

" ඔයා එහෙම හිතනවාද? මම කැත නෑ කියලා? " එයා කදුළු පුරවගෙන ඇහුවා. මං ඔව් කියන්න ඔළුව වැනුවා. ඊට පස්සේ එයා එයාගේ කදුළු පිහිදාන්න ගත්තා.
" මං වතුර බිව්වේ මහන්සි නිසා. "

" මං හිතුවේ අඩන්න කදුළු නැති නිසා කියලා. " මං විහිළු කරා.

" ඇත්තට? මට විහිළු කරනවාද? " එයා ඔරවගෙන ඇහුවා. මං හිනා වෙලා එතනින් එහාට ඇවිදගෙන ගියා. Hyomiත් මගේ පස්සෙන් ආවා.

                 🍀🍀

Seol Ah's Pov :
Next Day~~~

මං office එකේ ඉඳන් එලියට එනකොටම මට Sungyoonව හම්බවුනා. මේ තරම් උදෙන් Sungyoon මොකටද මෙහෙ ආවේ කියලා හිත හිත මං එයාව මග ඇරලා එතනින් යන්න හැදුවා.

" ඇයි මග අරින්නේ? " Sungyoon එකපාරටම මගෙන් ඇහුවා.

" මම ඔයාව මග අරිනවා නෙමෙයි. මට ඔයා එක්ක කතා කරන්න දෙයක් නෑ. " මං එයා දිහා නොබලාම කිව්වා.

" අයියාටයි නංගිටයි දැන් සතුටු ඇති නේද? "

" මොකක්ද ඒකෙ තේරුම? " මම ඇහුවා. මට හිතාගන්න පුළුවන් මෙයා මේ එන්නේ shares ගැන කතා කරන්න කියලා.